Inflatsion

Tekst üüb Öömrang

At Inflatsion (faan latiinsk inflare, "apbloose") ment uun a wiartskap det stiigen faan prisen uun en lun auer en was tidj. Miast wurd a prisen faan ään muun mä a prisen faan di salew muun uun't leetst juar ferglikt. Det uunstiigen woort do uun prosent ütjreegent.

Wan a prisen faal, as det en deflatsion, wan's jo ei feranre, san a prisen stabiil.

Dü könst uk sai, at jil woort leewen maner wäärs. Wan a prisen stiig, könst dü för din jil ei muar so föl kuupe. Am det inflatsion akeroot ütjtureegnin, woort di pris faa en hialer rä waaren bestemet, an do mä di pris faan leetst juar ferglikt. Am so föl as at jil do maner wäärs wurden. An am det ütjtugliken, wurd arke juar huuger luaner ferlangd.

Wan a prisen ünmiatag uunstiig, as det en hyperinflatsion. Det hed wi uun Sjiisklun uun't juar 1923, auer efter a Iarst Weltkriich at wiartskap ei weder uun a gang kaam. 1912 hää en ai sööwen panag koostet, man uun August 1923 wiar't 923 mark, uun September 1923 wiar't 2 miljoon mark, an uun Nofember 2023 wiar't 329 miljaarden.