Olabeaga

Olabeaga
Euskal Herria
Olabeagaren ikuspegia.
Kokapena
Herrialdea	Bizkaia
Udalerria	Bilbo
Geografia
Koordenatuak	43°15′50″N 2°57′18″W / 43.264°N 2.955°W / 43.264; -2.955
Azalera	0,25 km²
Demografia
Biztanleria	1.310 (2023)
Dentsitatea	5.240 bizt/km²

Olabeaga Bilboko auzoa da. Bilboko Basurtu-Zorrotza barrutian kokaturik dago, hiriaren ipar-mendebaldean. Olabeagak 1.093 biztanle dauzka eta 0,25 kilometro karratuko azalera.

Auzoaren jarduera ekonomiko nagusia betidanik egon da Bilboko itsasadarrari lotua, ondoan dagoen Zorrotzaurren bezala. Horrela, XIX. mendetik aurrera ontzigintza eta portuari loturiko jarduera ekonomikoak nagusi izan ziren. Horien artean, bakailaoaren arrantza nabarmentzen zenez, auzoak Norvegia ezizena hartu zuen.

Gaur egun, Olabeaga auzoa, Bilbok hazteko duen aukera bakarretakoa da. Horregatik, udalak proiektu bat aurkeztu zuen 2005ean Zaha Hadid arkitekto anglo-irakiarraren eskutik, auzoa berreskuratu eta etxebizitza berriak eraikitzeko. Proiektuaren arabera, 1.500 etxebizitza berri eraikiko dira, eta hasieran auzoko etxebizitza zaharren zati handi bat botatzea aurrikusten bazen ere, azkenik, auzoko etxebizitza guztiei eutsiko diete, Zorrotzaurren gertatu bezala.

Etxebizitzez gain, Bilborako lurpeko autobide berria eraiki da "Olabeagako Erlaitza" deritzona. Horren bitartez, Sabino Aranako bidezubia eraitsi ahal izan da. Horrez gain, Euskal Herriko Unibertsitateko campus berria eta San Mameseko futbol zelai berria eraiki dira auzoan. Proiektu horiek guztiek Bilboko Nazioarteko Erakustazokaren pabilioiek hartzen zituzten lurretan egingo dira.

• Ventosaren bidea
• Olabeagako San Nikolasen kalea
• Olabeagako kaia

• San Mames futbol estadioa
• Olabeagako geltokia
• Meatzeen eta Herri Lanen Ingeniaritza Teknikoko Unibertsitate Eskola

• 
  San Mames.
• 
  Meatzeen eta Herri Lanen Ingeniaritza Teknikoko Unibertsitate Eskola.
• 
  Olabeagako geltokia.

Bilboko ibaia

ibaia zabala,

eskola edadez

gure magala:

nagusiagotan

ametsen kala,

zenbat izerdi,

zenbat itz erdi,

zenbat deskarga,

zenbat behar da,

asetzeko i?

Alfontso Irigoienen "Olabeagatik" poesia zatia

• Olabeaga Bizirik auzo plataformako bloga (Gaztelaniaz)
• Olabeagako auzotarren eztabaidagunea (Gaztelaniaz)

Euskarazko Wikipedian bada atari bat, gai hau duena: Bilbo

	Bilboko auzoak
Abando • Abusu • Altamira • Ametzola • Arabella • Arangoiti • Atxuri • Basurtu • Begoña • Bilbo Zaharra • Bolueta • Buia • Deustuko Doneperiaga • Elorrieta • Errekaldeberri • Gazteleku • Ibarrekolanda • Indautxu • Iralabarri • Iturrialde • Iturrigorri • Kastrexana • Larraskitu • Lorategi-hiria • Masustegi • Matiko • Miribilla • Olabeaga • Otxarkoaga • San Adrian • San Frantzisko • San Ignazio • Santa Ana • Santutxu • Solokoetxe • Txurdinaga • Uretamendi • Uribarri • Zabala • Zazpikaleak • Zorrotza • Zurbaran