Maribel Aiertza

Maribel Aiertza
Bizitza
Jaiotza	Etxebarria, 1962ko apirilaren 15a (62 urte)
Herrialdea	Bizkaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	idazlea

Maribel Aiertza Rementeria (Etxebarria, Bizkaia, 1962ko apirilaren 15a) idazlea eta artegintzan kolaboratzailea da.

Maribel Aiertza Etxebarrian jaio zen eta Berriatuan bizi da. Gaztetxotan hasi zen idazten eta lehiaketetan parte hartzen.

Idazkuntzako alor desberdinak ezagutzen ditu: Berriatuko Urepel aldizkaria sortu zuen eta erredaktore, maketatzaile eta koordinatzaile lanak egin zituen bertan; dibulgazio-testuak idazten ditu arte, turismo zein bestelakoak eta testu liburugintzan ere kolaboratzen du, lehen Giltza-Edebe argitaletxearekin eta gaur egun Ibaizabal argitaletxearekin. Artegintzan Mikel Lertxundi eskultorearen estudio-lantegiarekin kolaboratzen du urte luzez. Artistarekin elkarlanean bi saiakera liburu argitaratu ditu.

Idazle Eskolan graduondokoa (2003-2005) egin ondoren plazaratu zuen lehen bakarkako fikziozko liburua Tigreak hondartzan eleberria (Elkar, 2010). Ondoren, haur eta gazteentzako lanak argitaratu ditu: Mara eta izar-saltzailea (Ibaizabal, 2012), Munstro bat edukiontzian (Elkar, 2014), Jauregiko sekretua (Ibaizabal, 2016), Armiarmak parapentean (Elkar, 2017), Izaroren izarra Ibaizabal, 2020), Asteburura landetxean (Elkar, 2021) eta gazte helduentzat: Ezer ez da dirudiena ipuin bilduma (Elkar, 2021).

• Lertxundi, euskaradun arte unibertsala. (1989). Mikel Lertxundirekin elkarlanean
• Lertxundi, espazioa, lurra, denbora. (2019). Mikel Lertxundirekin elkarlanean.^[1]

• Tigreak hondartzan. (Elkar, 2010)

• Ezer ez da dirudiena. (Elkar, 2021)^[2]

• Mara eta izar-saltzailea (Ibaizabal, 2012)
• Munstro bat edukiontzian (Elkar, 2014)^[3][4][5][6]
• Jauregiko sekretua (Ibaizabal, 2016)
• Armiarmak parapentean (Elkar, 2017)^{[7][8][9][10]}
• Izaroren izarra (Ibaizabal, 2020)^[11]
• Asteburua landetxean (Elkar, 2021)

• 1984, Aipamen saria. Gernikako narrazio lehiaketa.
• 1985, Lehen saria. Antzerki lan-errezen sariketa (bakarrizketa). Ondarroako kultur etxea.

• 1985, Lehen saria. Antzerki lan-errezen sariketa (elkarrizketa). Ondarroako kultur etxea.

• 1988, Hirugarren saria. Ipuin lehiaketa. Ondarroako kultur etxea.

• 1989, Argitalpen hoberenen Euskadi Saria Lertxundi, euskaradun arte unibertsala lanagatik. Mikel Lertxundirekin elkarlanean

• 1990, Bigarren saria. Txomin Agirre kontakizun lehiaketa. Ondarroako kultur etxea.

• 1990, Lehen saria. III.Eusebio Erkiaga ipuin lehiaketa. Lekeitio.

• 2014, Lehen saria. `Oihenart´ Aforismoen IV. Lehiaketa. UPV/EHUko Filosofia eta Hezkuntza Zientzien Fakultatea.

• Elkarrizketa: Artea aitzakia bart izan da gizartean errotutako ideia batzuk aztertzeko Bizkaiko Hitza, 2021.11.19