Isabel Aguirre
| Isabel Aguirre | |
|---|---|
| Bizitza | |
| Jaiotza | Vilagarcía de Arousa, 1937ko martxoaren 9a (87 urte) |
| Herrialdea |  Galizia |
| Hezkuntza | |
| Heziketa | Coruñako Unibertsitatea |
| Hizkuntzak | gaztelania galiziera |
| Jarduerak | |
| Jarduerak | arkitektoa, unibertsitateko irakaslea eta paisaiaren arkitektoa |
| Lan nabarmenak | ikusi
|
| Jasotako sariak | ikusi
|
Isabel Aguirre de Úrcola (Vilagarcía de Arousa, Pontevedra, 1937ko martxoaren 9a), arkitekto eta paisajista galiziarra da.
Biografia
[aldatu | aldatu iturburu kodea]Isabel Aguirre de Úrcola arkitektoa da Coruñako Unibertsitateko Arkitekturako Goi Eskola Teknikoan, eta Juana de Vega Fundazioaren "Paisaiaren Galiziako Eskola" zuzentzen du 2008an sortu zenetik.[1]
Vilagarcia de Arousan jaioa, 25 urte baino gehiago egin ditu irakaskuntzan eta ikerketan. Coruñako Unibertsitateko irakasle titularra izan zen, eta bere irakaskuntza-esperientzia Espainiako eta atzerriko beste unibertsitate batzuetara zabaltzen da.[1]
European Council of Landscape Architecture Schools Eskolako Zuzendarien Batzordeko kidea da, eta bere lana AEBetako Harvard Unibertsitatean erakutsi zuen 2000. urtean "Europako 15 paisajista onenak" erakusketan. Gainera, Lisboako Vale/Grande Mendebaldeko Parkearen eta Hegoaldeko Parkearen proiektuez eta Pontevedrako Illa do Cobo edo A Illa das Esculturas birgaitze-proiektuaz arduratu zen.[1]
Irmandade de la Ribeira Sacra delakoaren presidente izendatu zuten, eta haren helburua Ribeira Sacrako balio kulturalak, historikoak eta paisajistikoak sustatzea, berreskuratzea eta babestea da.[1]
Artikulu asko argitaratu ditu aldizkari espezializatuetan eta hainbat lan kolektiboetan ere parte hartu du.[2]
Sariak eta aintzatespenak
[aldatu | aldatu iturburu kodea]- 1997an Manuel de la Dehesa Arkitektura Sari Nazionala jaso zuen Santiagoko Bonaval Parkea zaharberritzeagatik, Álvaro Siza arkitekto portugaldarrarekin batera.[1]
- Ondare Arkitektonikoan Esku Hartzeko Europako Saria ere eman zioten Caaveiroko Monasterioaren inguruko paisaia berreskuratzeko egindako lanagatik.[1][3]
- 2007an Galega Destacada aukeratu zuten.[4]
- 2015. urtean María Josefa Wonenburger Planells Saria jaso zuen.[4]
- 2018an Galiziako Xuntaren Castelao Domina jaso zuen bere ibilbide profesionalagatik.[4][5]
Erreferentziak
[aldatu | aldatu iturburu kodea]- ↑ a b c d e f (Gaztelaniaz) «Isabel Aguirre de Úrcola» igualdade.xunta.gal (Noiz kontsultatua: 2022-03-07).
- ↑ (Gaztelaniaz) «Isabel Aguirre de Úrcola» Dialnet (Noiz kontsultatua: 2022-03-07).
- ↑ (Gaztelaniaz) EFE. (2015-06-15). «Isabel Aguirre, premiada por su trabajo en el entorno de Caaveiro» La Opinión de A Coruña (Noiz kontsultatua: 2022-03-07).
- ↑ a b c (Gaztelaniaz) Referentes. «Isabel Aguirre de Úrcola» Executivas (Noiz kontsultatua: 2022-03-07).
- ↑ (Gaztelaniaz) Pontevedra, Diario de. (2018-06-07). «La arousana Isabel Aguirre de Urcola y el párroco Xesús Mato, Medallas Castelao 2018» Diario de Pontevedra (Noiz kontsultatua: 2022-03-07).
