Charles Vignoles

Charles Vignoles
Irudi gehiago
Bizitza
Jaiotzako izen-deiturak	Charles Blacker Vignoles
Jaiotza	Q54555161 , 1793ko maiatzaren 31
Herrialdea	Britainia Handia eta Irlandako Erresuma Batua
Heriotza	Hythe (Hampshire), 1875eko azaroaren 17a (82 urte)
Hobiratze lekua	Brompton hilerria
Familia
Seme-alabak	ikusi Olinthus John Vignoles (en)
Hezkuntza
Heziketa	Royal Military Academy Sandhurst (en)
Ikaslea(k)	ikusi Richard Vicars Boyle (en)
Jarduerak
Jarduerak	ingeniari zibila, ingeniaria eta railway engineer (en)
Lan nabarmenak	ikusi Trent Viaducts (en)
Jasotako sariak	ikusi Royal Societyko kidea
Kidetza	Royal Society

Charles Blacker Vignoles burdinbideetako ingeniari ingelesa izan zen, Vignoles erraila izena daraman errailaren sortzailea. 1793an jaio zen, Woodbrooken (Irlanda) eta 1875ean hil Hythen, Ingalaterra.

Umezurtz oso gazte geratu zen eta bere aitita, Woolwich-eko errege akademia militarreko matematika irakaslea, izan zen beraz arduratu zena eta matematika eta zuzenbidea irakatsi zion. 1814ean itsas-armadan sartu zen eta Wellingtongo Dukearen agindupean egon zen, Iberiar penintsula, Herbehereak, Kanada eta Esatu Batuetan non Florida eta Hego Karolinako lurrak ikertu zituen.

1820an, Vignoles Britainia Handira itzuli zen, James Walker-entzat egin zuelarik lan, azken hau London eta Rennieseko kaiak eta London eta Brighton arteko burdinbidea moduko proiektuak zituelarik esku artean. Bere esperientziak proiektu handiagoetara eraman zuten, Irlandan egingo ziren burdinbideetara, adibidez. Horien artean hauek dira aipagarrienak:

• Dublin eta Kingston arteko burdinbidea (1932-34)
• Sheffield eta Kingston arteko burdinbidea (1935-40)
• Sheffield eta Manchester arteko burdinbidea, Woodhead-eko tunela barne. Vignolesek bere dimisioa aurkeztu zuen eraikitze lanak hasi baino lehen, akordio ekonomiko batera ezin izan zelako heldu.
• London, Chatham eta Dover arteko burdinbidea (1855-64)

1840ko hamarkadatik aurrera Europan zehar egin zuen lan:

• Wüttembergeko (Alemania) erresumako linearen planifikazioan aholkulari lanetan ibili zen (1843)
• Dnieper gaineko zubia eraiki zuen Kieven (Ukraina), 1847 eta 1853 artean. Lau arku nagusi ditu eta duen milia erdiko luzerarekin, klase horretako orduko Europako zubirik handiena bihurtu zen.
• 1857 eta 1864 artean, Castejón-Bilbo burdinbidea eraikitzeko proiektuetako ingeniari burua izan zen. Gainera Miranda Ebroko geltokia diseinatu zuen.

1836an, Croydon eta London arteko burdinbidean, R.L. Stevens ingeniari amerikarrak 1830ean asmaturiko erraila erabiltzea aholkatu zuen. Vignolesen izena errail mota honetara geratu da loturik eta gaur egun, errail mota hau, mundu osoko errail estandarra da.

• Londresko College unibertsitateko irakaslea izan zen 1841 eta 1843 artean.

• Ingeniaritza zibileko institutuko kide bihurtu zen 1827an. 1841ean Londresko College unibertsitateko lehen ingeniaritza zibileko irakaslea bihurtu zen. 1869an, Ingeniaritza zibileko institutuko 15. presidente modura aukeratu zuten Vignoles.