Calar Altoko Behatokia

Calar Altoko Behatokia
	Unique Scientific and Technical Infrastructures
	Irudi gehiago
Kokapena
Estatu burujabe	Espainia
Autonomia	Andaluzia
Probintzia	Almeríako probintzia
Udalerria	Gérgal
Koordenatuak	37°13′25″N 2°32′46″W / 37.2236°N 2.5461°W
Altitudea	2.168 m, itsas mailaren gainetik

Calar Altoko Behatokia (gaztelaniaz: Observatorio de Calar Alto) Europa kontinental osoko behatoki astronomikorik handiena da. Filabres mendilerroko Calar Alto mendian dago, 2.168 metroko garaiera duen goi-ordokian.^[1] 2019tik, bere izen ofiziala Andaluziako Zentro Astronomiko Hispanoa (gaztelaniaz: Centro Astronómico Hispano en Andalucía, CAHA) da. 2018ra arte, Zentro Astronomiko Hispano-Alemaniarra (gaztelaniaz: Centro Astronómico Hispano-Alemán; alemanez: Deutsch-Spanisches Astronomisches Zentrum) zen. Alemaniako eta Espainiako gobernuen arteko akordio baten ondoren 1973an sortu zuten. 2005. urtera arte behatokia Max-Planck Astronomiarako Institutuarena zen esklusiboki, eta astronomo espainiarrek behaketa-denboraren % 10 baino ez zuten eskura. Urte hartan Andaluziako Astrofisika Institutuak (CSIC erakundekoa) eta Max-Planck Astronomiarako Institutuak behatokia batera jarduteko akordio bat sinatu zuten, bakoitzak % 50eko proportzioan. 2019tik, bazkide alemaniarra irten eta Andaluziako Juntak erakundean sartu zenetik, behatokia % 100 espainiarra da ( % 50 CSIC, % 50 Andaluziako Junta).