Naturkuracado
Naturkuracado aŭ naturopatio estas naturkuraca sistemo kiu rekonas la naturan propran, regenerigan kuracpovon de la korpo. Kronika malsano ekestus kiam tiu propra kuracpovo ne plu kapablus forigi restaĵojn en la korpo. Tial naturkuracistoj forte akcelas edukadon kaj informadon pri sana naturnutrado kaj sana vivhigieno.
Al la tradicia naturkuracado apartenas fastado, dietoj, lumo-, aero- kaj hidroterapio, ofte aplikataj en kuraclokoj. Kutimaj helpiloj estas sanigaj herboj, biologiaj aŭ homeopatiaj medikamentoj kaj akupunkturo, kombinite kun fizioterapio kaj formoj de fizika ekzercado kiel ĉi kung, respiraj teknikoj, ŝanĝi vivstilon, sane manĝi kaj uzi certajn manĝosuplementojn.
Ofte oni aplikas plurterapian aliron.
La principoj de naturkuracado, derivitaj de malsimilaj metodoj, plejparte ne estis science validigitaj. Ĝiaj praktikoj kaj konsiloj, kun neklaraj konturoj, estas karakterizitaj per granda heterogeneco. Inter tiuj, minoritato baziĝas sur faktoj kaj komuna saĝo (sana dieto, fizika ekzercado) sed ili ne estas specifaj de naturkuracado[1]. Naturkuracado povas do esti konsiderata pseŭdoscienco[2][3][4].
Naturkuracado kaj Esperanto
[redakti | redakti fonton]Ekde 1986 ekzistas faka Esperanto-asocio pri naturkuracado, Internacia Naturkuraca Asocio. Ĝi eldonas revuon, fakverkojn kaj organizas renkontiĝojn. Ekde la jaro 1992 kunlaboras kun UEA.
Vidu ankaŭ
[redakti | redakti fonton]- Kuracplanto
- Homeopatio
- Abelterapio
- Aleksander Ożarowski, pioniro de pola naturkuracado
- Harald Schicke, konata Esperanta naturkuracisto
Referencoj
[redakti | redakti fonton]- ↑ « A naturopathic "apostate" confirms that naturopathy is a pseudoscientific belief system » (arkivo), ĉe scienceblogs.com (konsultita la 24-an de junio 2019).
- ↑ Marie-Hélène Zéraffa, « La naturopathie » (arkivo), ĉe zetetique-languedoc.fr (kosultita la 13-an de novembro 2020)
- ↑ Eugenie V. Mielczarek et Brian D. Engler, « Selling Pseudoscience: A Rent in the Fabric of American Medicine », Skeptical Inquirer, vol. 38.3, 2014
- ↑ Ayo Wahlberg, « A quackery with a difference-new medical pluralism and the problem of 'dangerous practitioners' in the United Kingdom », Social Science & Medicine (1982), vol. 65, no 11, decembro 2007, p. 2307–2316
Eksteraj ligiloj
[redakti | redakti fonton]- Retejo de INA Arkivigite je 2016-01-19 per la retarkivo Wayback Machine
- Naturkuracado diversspeca - Leksikono pri terminoj de divers-speca naturkuracado ("Nova Epoko")