Muzaiko
| Muzaiko | |
|---|---|
| |
| Slogano | Mojoseco kaj Muziko: Muzaiko! |
| Formato | interreta radiostacio |
| Frekvencoj | Tra interreto per Streaming kaj Podkasto |
| Tempo de elsendo | Tuttaga |
| Zono de elsendo | Tutmonda |
| Lanĉita | 1-a de julio 2011 |
| Gvidantoj | Volontuloj |
| Retejo | radio.de |
| Reta elsendo | Esperanto TV |
| Muzaiko ne plu uzata | |
Muzaiko estas tuttempa internacia interreta radiostacio en Esperanto.
Historio
[redakti | redakti fonton]En aprilo 2011 estiĝis dum la Brita Kongreso de Esperanto grupo de homoj kun la sama ideo: krei tuttempan radion en Esperanto. Ĉefa antaŭeniganto de la ideo estis hungara esperantistino Veronika Poór. La interreta dissendolisto de la teamo rapide kreskis, kaj post nelonge oni elektis nomon: Muzaiko. Por elsendi oni provizore elektis uzi la servojn de Radionomy, retejo subtenanta interretajn radiojn interŝanĝe por reklamo, kaj pere de ĝi nun ekde la 1-a de julio Muzaiko elsendas, kvankam iama transiro al propra elsenda aparataro estas planata.
La 9-an de aprilo 2022, Muzaiko finis elsendojn per Shoutcast, ĝia ĉefa signalo[1].
Esperanta muziko de la arkivejo de Muzaiko nuntempe [en decembro 2024] estas senhalte, 24-hore aŭskultebla per elsendofluo ĉe la retejo de Jacob Nordfalk: http://fluo.muzaiko.saluton.dk:8000/radio.mp3
La teamo
[redakti | redakti fonton]La projekton ekde la komenco volontule organizas neformala internacia grupo de junaj esperantistoj kunlaboranta per la interreto. La laboro estas realigata precipe per dissendolistoj (unu ĉefa kaj kelkaj specialaj), iam ankaŭ per virtualaj kunvenoj per Skajpo kaj foje per fizikaj renkontiĝoj dum esperanto-renkontiĝoj (la teamo de Muzaiko prezentiĝis dum JES 2011/2012). La teamo aktive varbas por allogi novajn kunlaborantojn.[2]
Programo
[redakti | redakti fonton]Ekde la 3-a de oktobro 2011 ripetiĝas ĉiutage malsama 3-hora programo, el kiu unu horon konsistigas nova sonmaterialo. La radio elsendas muzikon, mondajn novaĵojn (je ĉiu plena horo), babilajn programerojn kaj reklamojn el Esperantujo; aperas ankaŭ eroj de aliaj jam ekzistantaj podkastoj.[3]
Referencoj
[redakti | redakti fonton]- ↑ Anonco pri la ĉesigo de Shoutcast en la babilejo de Muzaiko, Google Groups
- ↑ Partoprenu - Muzaiko. Arkivita el la originalo je 2013-10-20. Alirita 2012-01-09 .
- ↑ Muzaiko planas sendi retradion en Esperanto senpaŭze
Eksteraj ligiloj
[redakti | redakti fonton]- Muzaiko.Info Arkivigite je 2012-08-31 per la retarkivo Wayback Machine
- [video] "Kio estas Muzaiko?" – parto de la Virtuala Kongreso 2020
- Programo por aŭskulti Muzaikon per Android
- Programo por aŭskulti Muzaikon per OUYA Arkivigite je 2013-08-14 per la retarkivo Wayback Machine
- Alternativa aŭskultado de Muzaiko.info-retradio
| ||||||||||||||||||||
