Hans Welling
| Hans Welling | |
|---|---|
| Persona informo | |
| Naskiĝo | 5-an de decembro 1937 |
| Morto | 6-an de novembro 2022 (84-jaraĝa) |
| Tombo | Osnabrück 
|
| Lingvoj | germana • Esperanto |
| Ŝtataneco | Germanio
|
| Okupo | |
| Okupo | esperantisto (1977–) vikimediano Radioamatora operatoro
|
Hans B. WELLING (naskiĝis la 5-an de decembro 1937 kaj mortis la 6-an de novembro 2022 en la aĝo de 84 jaroj)[1][2] estis germana esperantisto kaj inĝeniero pri elektrotekniko kaj komunikad-tekniko vivinta en Hasbergen proksime de Osnabrück. La studajn jarojn li pasigis en la teknologia altlernejo Akeno. Li tre aktivis pri amatora radio (lia uzantonomo estis DJ4PG) kaj je multaj jaroj estis vicprezidanto de Internacia Ligo de Esperantistaj Radio-Amatoroj (ILERA). De 1977 ĝis 2020 li prizorgis la radioamatoran Esperanto-konkurson, kiu ekde tiam ĉiujare okazas dum la tria kompleta semajnfino de novembro, li redaktis kaj kontribuis kun la ILERA-bulteno. Krome li ankaŭ kontribuis al vikipedio per la uzantonomo Hans Eo. Li kontribuis al Vikipedio per la uzantonomo Hans de marto 2006 ĝis novembro 2011 kaj per iom akcidente kreita dua uzantonomo Hans Eo de novembro 2010 ĝis fino de oktobro 2022, ĝis tuj antaŭ la morto.
Verkaĵoj
[redakti | redakti fonton]- Esperanto für den Amateurfunk / Esperanto por amatora radio (lernolibro, 1999, esperante kaj germane).
- La formulo de Drake, sciencfikcia artikolo en "Monato" sept. 1999 pri apero de eksterteraj inteligentuloj
- Radioamatora ĵargono. Suplemento al lernolibro Esperanto für den Amateurfunk, Osnabrück, 2002
- La Varus-batalo - decida por dumil jaroj de Eŭropa historio. En Scienca Revuo 3/2007 Kun interesa tezo, kial Arminius povis sukcesi.
Referencoj
[redakti | redakti fonton]- ↑ noto pri lia morto de neensalutinto la 16-an de novembro 2022,
- ↑ konfirmita per noto en la gazeto Neue Osnabrücker Zeitung kaj per anonco en Monato 1/2023, p. 24
Eksteraj ligiloj
[redakti | redakti fonton]
- Hans Welling ĉe la radioamatora datumbazo QRZ.com
