Trevadenniñ

Trevadenniñ pe trevadennerezh eo an obererezh graet gant tud eus ur vro a ya d’en staliañ en ur vro all, da vevañ diwarni ha da ren anezhi.

A-hed an istor e weler kalz skouerioù eus an obererezh-se : en Henamzer ez eas tud eus keodedoù Henc'hres da grouiñ kêrioù all, e meur a lec’h en-dro d’ar Mor Kreizdouar.

Ur skouer all anavezet eo trevadennerezh Amerika gant tud eus Europa, adalek 1492, ar bloaz ma tilestras Kristol Goulm er c’hevandir-se. Dre ma voe lazhet kalz eus annezidi gentañ Amerika, an Amerindianed, an darn vrasañ eus annezidi Norzhamerika hiziv an deiz zo diskennidi da drevadennerien deuet eus Europa.

Kalz broioù eus Afrika a voe trevadennet gant tud eus Europa ivez, ha n’eo nemet en XX^vet kantved e c’hounezjont an dizalc’hiezh.