Царква ў гонар абраза Божай Маці «Адшуканне загінулых» (Мінск)

Славутасць
Царква ў гонар абраза Божай Маці «Адшуканне загінулых»
53°55′58″ пн. ш. 27°34′02″ у. д.HGЯO
Краіна	Беларусь
Горад	Мінск
Канфесія	БПЦ
Епархія	Мінская епархія
Архітэктар	Мікалай Міхайлавіч Дзятко[d]
Першае згадванне	1995
Будаўніцтва	1995—1998 гады
Стан	http://hramvp.by/
Сайт	hramvp.by
Медыяфайлы на Вікісховішчы

Царква ў гонар абраза Божай Маці «Адшуканне загінулых» — мураваны праваслаўны храм у горадзе Мінску. Знаходзіцца на вул. Карастаянавай, у парку «Дружбы народаў».

Пабудавана ў 1995—1998 гадах з цэглы паводле праекта архітэктара М. М. Дзятко. Ініцыятарам стварэння мемарыяльнага храма выступілі Мінская праваслаўная епархія і рэспубліканская асацыяцыя работнікаў праваахоўных органаў «Шчыт Чарнобыля». З благаславення ўладыкі Філарэта храму-помніку нададзены статус дзеючай капліцы. Прыпісана да хрысцільнай царквы ў імя прападобнай Еўфрасінні, ігуменні Полацкай.

Архітэктура манумента заснована на стылізацыі форм старажытнарускага царкоўнага дойлідства, яго маскоўскай галіны XV — XVII ст. Вырашана цэнтрычным 8-гранным вежападобным аб’ёмам, у завяршэнні якога пірамідальны каскад какошнікаў і цыбулепадобны купал на круглым барабане. Грані аб’ёму завершаны кілепадобнымі закамарамі, прарэзаны вузкімі арачнымі аконнымі праёмамі. Па 4 баках далучаны накрытыя бочкавымі дахамі і завершаныя кілепадобнымі закамарамі нізкія прамавугольныя аб’ёмы прытвора, бакавых прыдзелаў, апсіды. Тры ўваходы вырашаны арачнымі праёмамі ў перспектыўных кілепадобных парталах. У асобным памяшканні створаны мемарыяльны музей чарнобыльскай трагедыі^[1].

• Царква ў гонар абраза Божай Маці «Адшуканне загінулых» (Мінск) на сайце Глобус Беларусі (руск.)