Уладзімір Мікалаевіч Сітуха

Уладзімір Мікалаевіч Сітуха (16 чэрвеня 1950, в. Гутава, Драгічынскі раён — 22 кастрычніка 2014) — журналіст, паэт, празаік, дзіцячы пісьменнік.

Нарадзіўся ў вёсцы Гутава Драгічынскага раёна Брэсцкай вобласці. Скончыў Гутаўскую сярэднюю школу (1968), факультэт журналістыкі Беларускага дзяржаўнага ўніверсітэта (1985) і Міжнародную Акадэмію інфармацыйных тэхналогій (2004).

Друкавацца пачаў у школьныя гады, што і вызначыла далейшы лёс: адразу пасля заканчэння дзесяцігодкі быў запрошаны на працу ў раённую газету. А дыпломную работу ў Белдзяржуніверсітэце абараніў на «выдатна» сваёй першай, толькі што выдадзенай кнігай^[1].

Іграў на многіх музычных інструментах. Яго шматлікія вершы пакладзены на музыку прафесійнымі кампазітарамі і загучалі песнямі.

У апошнія гады працаваў намеснікам галоўнага рэдактара газет «Заря» і «Народная трыбуна», прапагандыстам Брэсцкага абласнога аддзялення Саюза пісьменнікаў Беларусі. Член-карэспандэнт МАІТ.

З 2013 года быў кіраўніком прадстаўніцтва буйнейшай беларускай рэдакцыйна-выдавецкай установы "Выдавецкі дом «Звязда» па  Брэсцкай і ��омельскай абласцях.

Член Беларускага саюза журналістаў і Саюза журналістаў СССР з 1981 года, Саюза пісьменнікаў Беларусі — з 2006 года.

Аўтар кніг:

• «Автограф на ниве»: очерки (Минск, «Ураджай», 1986).
• «Сваты» (Мінск, «Выдавецтва У. М. Скакун», 2000).
• «Акорды душы» (Мінск, «Выдавецтва У. М. Скакун», 2000).
• «Акрылены верай»: дак. аповесць (Расія, «Москва», 2001).
• «Споведзь пра Бядулю»: паэма (Брэст, «Академия», 2004).
• «Скакуны»: вершав. трылогія (Брэст, «Академия», 2005).
• «Генералы зямлі» (Брэст, «Академия», 2006).
• «Званы над Шкловам»: (Брэст, «Академия» 2007).
• «Аб веры, вернасці і вечнасці» (Брэст, «Академия», 2007).
• «Землякі»: паэма (Брэст, «Альтернатива», 2008).
• «Лясная кніга ў творах беларускіх пісьменнікаў»: навук.-папулярнае выданне (Мінск, «Літаратура і мастацтва», 2008).
• «Поклон вам, люди в белых халатах» (Брест, «Альтернатива», 2008).
• «Вкусны и полезны сыры Беловежья» (Брест, «Альтернатива», 2008).
• «Возвышенно сердце стучит»: документальная повесть (Брест, «Альтернатива», 2009).
• «Стваральнікі» (Брэст, «Альтернатива», 2011).
• «Пра арэхі, сома і бабра» (Мінск, "Выдавецкі дом «Звязда», 2014).
• «Служим закону, народу, Отечеству» и «Река жизни»: книга из 2-х разделов, посмертно (Брест, «Альтернатива», 2016).

Укладальнік літаратурных зборнікаў:

• «Здравницы Брестчины» (Брест, «Альтернатива», 2012).
• «Его Величество Хлеб» (Брест, «Альтернатива», 2014).

Узнагароджаны Граматай Брэсцкага аблвыканкама, Ганаровай граматай Беларускага саюза журналістаў за поспехі ў беларускай журналістыцы і літаратурнай дзейнасці (2007).

Дыпламант абласнога конкурсу сярод рэдакцый СМІ, радыё і тэлеперадач прафесійных журналістаў у намінацыі "Лепшы нарыс «Наш сучаснік» (2013).

Лаўрэат літаратурнай прэміі імя У. А. Калесніка Брэсцкага аблвыканкама ў намінацыі «Дзіцячая літаратура», пасмяротна (2014).

• «Берасцейскія карані» (Брэст, «Брэсцкая друкарня», 1993, 1998).
• «Райскі куток Палесся»: дакументальна-мастацкія нарысы (Мінск, «Литература и Искусство», 2008).

• «Каб быў парадак у душы»: С. Грышкевіч, газета «Заря» (10.02.2005).
• «Новая зямля Уладзіміра Сітухі»: С. Грышкевіч, газета «Заря» (27.08.2005).
• "На скрыжаванні творчых шляхоў, або Некалькі штрыхоў да творчага партрэта У. Сітухі замест пасляслоўя да кнігі «Скакуны»: М. Панасюк, газета «Драгічынскі веснік» (10, 17, 24 жніўня 2005).
• «Генералы зямлі»: Ф. Муха, газета «Рэспубліка» (23.11.2005).
• «Літаратурная карта Берасцейшчыны»: навукова-папулярнае выданне (Брэст, «Брэсцкая друкарня», 2008).
• «З добрым сэрцам і светлымі думкамі»: А. Крэйдзіч, газета «Народная трыбуна» (№ 44, 31.10.2014).
• «Яны — сапраўдныя генералы»: А. Крэйдзіч, газета «Народная трыбуна» (18.11.2006).
• «Аб веры, вернасці і вечнасці»: А. Крэйдзіч на аднайменную кнігу, газета «Заря» (07.04.2007).
• «Стваральнікі»: М. Панасюк на аднайменную кнігу, газета «Навіны Камянеччыны» (14.05.2011).
• «Казкі нараджаюць любоў і дабро»: А. Карлюкевіч на кнігу «Пра арэхі, сома і бабра», газета «Заря» (24.05.2014).
• «Чалавек-свята»: В. Бурдыка, газета «Народная трыбуна» (№ 52, 25.12.2015).
• «Река времени»: А. Захарава на аднайменную кнігу, газета «На страже» (№ 14, 01.04.2016).
• «Свята дабрыні»: Марыя Войцік, газета «ЛіМ» (№ 36, 11.09.2015).

• http://www.sozvuchie.by/index.php/knigi/item/237-uladzimir-situkha-pra-arekhi-soma-i-babra
• http://www.drogichin.by/novosti/uladzimiru-mikalaevichu-situxa-60-god/ Архівавана 20 красавіка 2021.
• http://www.lves.by/?p=10020