Уж (прыток Лабараца)

Уж
Характарыстыка
Даўжыня	127 км
Басейн	2 750 км²
Расход вады	32,9 ± 0,001 м³/с
Вадацёк
Выток	Украіна
• Каардынаты	48°58′05″ пн. ш. 22°54′52″ у. д.HGЯO
Вусце	Рака Лабарэц
• Каардынаты	48°35′54″ пн. ш. 21°59′26″ у. д.HGЯO
Размяшчэнне
Водная сістэма	Лабарац → Латарыца → Бодраг[d] → Ціса → Дунай → Чорнае мора
Краіны	Украіна  Славакія
выток вусце
Медыяфайлы на Вікісховішчы

Уж (славацк.: Uh, укр.: Уж) — рака ва Украіне і Славакіі, левы прыток Лабарца (басейн Дуная).

Даўжыня 127 км, з якіх 107 км працякае ў межах Украіны. Бярэ пачатак з крыніцы на паўднёва-заходніх схілах Вадападзельнага хрыбта ў Карпатах, ніжэй перацінае Паланінскі хрыбет. Праходзіць праз украіна-славацкую граніцу каля славацкай вёскі Загар, цячэ па Усходне-Славацкай нізіне і ўпадае ў Лабарац. Даліна ў вярхоўі цяснінападобныя, далей — V-падобная, ніжэй за Ужгарад невыразна выяўленая. Шырыня ў вярхоўі каля 15 м, затым узрастае да 100—300 м, у нізоўі дасягае 2—2,5 км. Абалона перарывістая, часта асіметрычная; шырыня 100—150 м, у Закарпацці — да 1 км. Рэчышча звілістае, у верхнім і сярэднім цячэнні парожыстае, маюцца вадаспады, шмат астравоў. Шырыня ракі пераважна 15—30 м, каля Ужгарада — да 135 м. Ухіл ракі 7,2 м/км.

Асноўныя прытокі: Ровін (справа), Уг, Люта, Тур’я (злева).

Жыўленне мяшанае. Рака мае паводкавы рэжым. Лядовы рэжым няўстойлівы, бываюць заторы.

На рацэ стаіць Ужгарад — адміністрацыйны цэнтр Закарпацкай вобласці Украіны. Створана 2 ГЭС.

• Кирилюк М. І. Географічна енциклопедія України: [у 3 т.] / редкол.: О. М. Маринич (відповід. ред.) та ін. — Т. 3. — К., 1993. — ISBN 5-88500-015-8 (укр.)

• На Вікісховішчы ёсць медыяфайлы па тэме Уж (прыток Лабараца)