Няманя Нікаліч

Няманя Нікаліч
Агульная інфармацыя
Нарадзіўся	1 студзеня 1988(1988-01-01)[1] (37 гадоў) Валева, абшчына Валева[d], Подрыньска-калубарская міжабшчынная рэгіянальная супольнасць[d], Сацыялістычная Рэспубліка Сербія, СФРЮ[2]
Грамадзянства	Чарнагорыя
Рост	184 см
Вага	84 кг
Пазіцыя	паўабаронца
Інфармацыя пра клуб
Клуб	Калубара
Нумар	25
Клубная кар’ера[* 1]
2004—2011 Црвена Звезда (Бялград) 25 (0) 2006—2007 →  Злацібар Вода (Хоргаш) 26 (2) 2007—2008 →  Грбаль (Раданавічы) 26 (1) 2010—2011 →  Спартак Злацібар Вода 22 (3) 2011—2013 ОФК (Бялград) 54 (5) 2013—2015 Дынама (Мінск) 53 (4) 2015 БАТЭ (Барысаў) 10 (1) 2016 Хапаэль (Тэль-Авіў) 17 (3) 2017 Вождавац (Бялград) 14 (2) 2017—2018 Хапаэль (Раанана) 34 (0) 2019 Мінск 9 (0) 2019—2020 Вождавац (Бялград) 25 (7) 2020—2021 Тузла Сіці 14 (0) 2021 Графічар (Бялград) 11 (0) 2021— Калубара (Бялград) 19 (1)
Нацыянальная зборная[* 2]
2008—2011 Чарнагорыя (да 21) 9 (1) 2009—2016 Чарнагорыя 12 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 студзеня 2022. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 5 лютага 2018
Медыяфайлы на Вікісховішчы

Няманя Нікаліч (сербск.: Немања Николић; нар. 1 студзеня 1988, Валева, СФРЮ) — чарнагорскі футбаліст, паўабаронца сербскага клуба «Калубара» з Бялграда і былы ігрок нацыянальнай зборнай Чарнагорыі.

Выхаванец бялградскай «Црвены Звезды», выступаў у розных клубах Сербіі і Чарнагорыі ў арэндзе. З 2011 года быў іграком бялградскага ОФК.

У ліпені 2013 года перайшоў у мінскае «Дынама»^[3]. У мінскім клубе адразу замацаваўся на пазіцыі апорнага паўабаронцы. Заставаўся асноўным іграком і ў наступным сезоне, пры гэтым стаў адным з лідараў клуба, дапамог яму выйсці ў групавы этап Лігі Еўропы. 11 снежня забіў гол у браму італьянскай «Фіярэнціны», які дазволіў «Дынама» атрымаць першую перамогу (2:1) у групавым раўндзе Лігі Еўропы.

У 2015 годзе ў складзе «Дынама» ўжо не вызначаўся выдатнымі паказчыкамі на полі, а ў чэрвені 2015 года ўвогуле стаў гуляць за дубль. 9 ліпеня 2015 года кантракт з «Дынама» па ўзаемнай згодзе быў разарваны^[4]. За два гады ў складзе мінскага клуба згуляў за каманду ў 70 матчах у розных турнірах (уключаючы чэмпіянат і Кубак Беларусі, матчы Лігі Еўропы УЕФА), у якіх забіў 8 галоў і аддаў 7 галявых перадач.

Пасля раставання з «Дынама», у той жа дзень, 9 ліпеня, у якасці свабоднага агента падпісаў кантракт з барысаўскім БАТЭ^[5]. Пачынаючы са жніўня замацаваўся ў стартавым складзе барысаўчын на пазіцыі апорнага паўабаронцы.

3 лютага 2016 года было абвешчана аб пераходзе Нікаліча ў ізраільскі клуб «Хапаэль» з Тэль-Авіва^[6]. У лютым 2017 года Няманя вярнуўся ў Сербію, стаўшы іграком клуба «Вождавац»^[7]. Выступаў за «Вождавац» да ліпеня, а ў лістападзе 2017 года зноў апынуўся ў Ізраілі, далучыўшыся да «Хапаэля» з Раананы.

У сакавіку 2019 года зноў апынуўся ў Беларусі, падпісаўшы кантракт з клубам «Мінск»^[8]. Стаў асноўным іграком каманды, адгуляў за яе ў 9 матчах. У чэрвені 2019 года пакінуў сталічны клуб^[9].

У ліпені 2019 года вярнуўся ў «Вождавац». У ліпені 2020 года перайшоў у баснійскі клуб «Тузла Сіці», падпісаўшы двухгадовы кантракт, аднак ужо ў студзені 2021 года разарваў пагадненне і зноў накіраваўся ў Сербію, папоўніўшы скл��д бялградскага «Графічара». У ліпені 2021 года стаў іграком клуба «Калубара».

Выступаў за моладзевую зборную Чарнагорыі. У 2009 годзе дэбютаваў у нацыянальнай зборнай у матчы супраць Уэльса.

• 02 Срэбраны прызёр чэмпіянату Сербіі: 2009/10
• Уладальнік Кубка Сербіі: 2009/10
• 01 Чэмпіён Беларусі: 2015
• 02 Срэбраны прызёр чэмпіянату Беларусі: 2014
• 03 Бронзавы прызёр чэмпіянату Беларусі: 2013
• У спісе 22 найлепшых футбалістаў чэмпіянату Беларусі (2): 2014, 2015

• Профіль на афіцыйным сайце БАТЭ (руск.)
• Профіль на афіцыйным сайце мінскага «Дынама»