Езекііль Ісакавіч Рыўлін

Езекііль Ісакавіч Рыўлін
Езекііль Ісакавіч Рыўлін
Дата нараджэння	1 снежня 1901
Месца нараджэння	Віцебск, Віцебская губерня, Расійская імперыя;
Дата смерці	7 мая 1978 (76 гадоў)
Месца смерці	Алматы, Алмацінская вобласць, Казахская ССР, СССР;
Грамадзянства	Расійская імперыя; СССР;
Род дзейнасці	педагог, публіцыст
Месца працы	БДУ; Народны камісарыят асветы БССР; Цэнтральны камітэт КПБ; Кызылардзінскі дзяржаўны ўніверсітэт імя Каркыт Ата[d]; Казахскі нацыянальны педагагічны ўніверсітэт імя Абая[d];
Навуковая ступень	акадэмік Акадэміі навук Беларускай ССР (1931)
Навуковае званне	прафесар;
Альма-матар	Камуністычны ўніверсітэт імя Я. М. Свярдлова[d]; Інстытут чырвонай прафесуры[d];
Узнагароды

Езекііль Ісаакавіч Ры́ўлін^[1] (1 снежня 1901, Віцебск — 7 мая 1978, Алма-Ата) — гісторык, педагог і публіцыст, акадэмік Акадэміі навук БССР (1931), прафесар (1931).

Біяграфія

Нарадзіўся ў Віцебску. Скончыў Камуністычны ўніверсітэт імя Я. М. Свярдлова ў 1923 годзе і Інстытут чырвонай прафесуры ў 1924 годзе. З 1927 года працаваў у Беларускім дзяржаўным універсітэце. Займаў пасаду дацэнта кафедры гісторыі Захаду, з 1928 года — прарэктар. З 1929 года намеснік Народнага камісара асветы БССР. У 1931—1933 гадах загадчык сектара навукі і культуры ЦК КП(б)Б, дырэктар Інстытута аспірантуры Акадэміі навук БССР і адначасова выкладчык Камуністычнага ўніверсітэта БССР.

6 сакавіка 1933 года быў арыштаваны «за антысавецкую прапаганду і трацкізм». Пастанова�� Асобай нарады пры НКУС СССР ад 9 ліпеня 1933 года прыгавораны да 3 гадоў турмы. Прыгавор быў заменены высылкай на 3 гады ў Казахстан. У 1933—1957 гадах выкладаў у Кызылардынскім настаўніцкім інстытуце. 9 мая 1956 года быў рэабілітаваны і з 1958 года займаў пасаду загадчыка кафедры методыкі выкладання рускай мовы і літаратуры. У 1963—1971 гадах выкладаў у Казахскім педагагічным інстытуце ў Алма-Аце.

Памёр 7 мая 1978 года.

Навуковая дзейнасць

Займаўся даследаваннем германскага сацыял-дэмакратычнага руху, методыкай выкладання рускай мовы і літаратуры ў казахскіх нацыянальных школах і інш. Аўтар больш за 10 навуковых прац, у тым ліку манаграфіі і падручніка^[2].

Сярод апублікаванага

Борьба течений в Германское социал-демократии // Под знаменем марксизма. — М., 1926. — № 11;
История германской социал-демократии. — Мн., 1928;
Аграрная дискуссия в Германской социал-демократической партии. — Мн., 1929.

Узнагароды

Узнагароджаны «Знак Пашаны» (1961), медалямі.

Зноскі

Літаратура

Астрога В. А. Рыўлін Езекііль Ісакавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 523. — 10 000 экз. — ISBN 985-11-0035-8. — ISBN 985-11-0216-4 (т. 13).
Возвращённые имена: Сотрудники АН Беларуси, пострадавшие в период сталинских репрессий Архівавана 31 жніўня 2021. / Сост. и авт. предисл. Н. В. Токарев; Под ред. А. С. Махнача. — Мн.: Навука і тэхніка, 1992. — С. 93. — 120 с.: ил. — 1000 экз. (руск.) — ISBN 5-343-01246-9.

Спасылкі

Маракоў Л. У. РЫЎЛІН Езекііль Ісаакавіч // Репрессированные литераторы, учёные, работники образования, общественные и культурные деятели Беларуси, 1794—1991. — Т. I—III. — Т. II.
Рыўлін Езекііль Ісакавіч Архівавана 17 красавіка 2021. // Віцебская абласная бібліятэка імя У. І. Леніна.
РИВЛИН Езекииль (Евгений) Исаакович // ЦентрАзия (руск.)
Езекііль Ісакавіч Рыўлін у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)

[FOOTNOTEБелЭн2001-1] БелЭн 2001.

[ЦА-2] РИВЛИН Езекииль (Евгений) Исаакович // ЦентрАзия (руск.)

[1]