Вікіпедыя:Значнасць

Старонка ёсць часткай правіл Вікіпедыі. Пададзеных тут норм мусяць трымацца ўсе ўдзельнікі. Перад рэдагаваннем правіл упэўніцеся, што на змены ёсць кансэнсус (згода) супольнасці. Калі ёсць сумневы, спачатку абмяркуйце змены на старонцы размоў.

Скарачэнні ВП:КЗ ВП:ЗНАЧ

Сцісла: Аб’ект або тэма меркавана значныя, калі досыць падрабязна асветлены незалежнымі аўтарытэтнымі крыніцамі.

Вікіпедыя — энцыклапедыя, то-бок сістэмазаваны агляд усіх галін чалавечых ведаў. Традыцыйна лічаць, што энцыклапедычнага апісання вартыя не ўсе аб’екты і тэмы, а толькі найболей значныя, якія чымсьці істотна вылучаюцца з агульнага шэрагу^[1]. Паняцце значнасці ўзаемазвязана з паняццямі важнасці і вядомасці, але не эквівалентна ім.

У Вікіпедыі тэму або аб’ект артыкула лічаць меркавана значнымі, то-бок вартымі асобнага артыкула, калі яны задавальняюць прыведзенаму ніжэй агульнаму крытэрыю значнасці або аднаму з прыватных крытэрыяў значнасці.

Правілы і рэкамендацыі пра значнасць дазваляюць вырашыць, ці дастаткова значная тэма, каб напісаць пра яе асобны артыкул, але не датычаць непасрэдна зместу артыкулаў. Правілы, якія рэгулююць змест артыкулаў: Нейтральны пункт гледжання, Правяраемасць, Не ўласным даследаванням, Чым не з’яўляецца Вікіпедыя.

• «меркавана» значыць, што адпаведнасць пададзенай фармулёўцы не гарантуе значнасці, а толькі мяркуе яе наяўнасць. Супольнасць можа прыйсці да кансэнсусу, што артыкул па гэтай тэме, нягледзячы на наяўнасць крыніц, усё ж не падыходзіць для энцыклапедыі (напрыклад, з прычыны яе неадпаведнасці правілу (рэкамендацыі) Чым не з’яўляецца Вікіпедыя)^[2]. З іншага боку, супольнасць можа прыйсці да кансэнсусу, што артыкул па гэтай тэме, нягледзячы на адсутнасць незалежных крыніц, усё ж падыходзіць для энцыклапедыі.
• «досыць падрабязна» значыць, што тэма асвятляецца крыніцамі непасрэдна, у аб’ёме, дастатковым для таго, каб неабходная для энцыклапедычных мэт інфармацыя здабывалася з крыніц без правядзення уласных даследаванняў. Простых згадак у крыніцах недастаткова, каб абгрунтаваць значнасць, але асобныя крыніцы не абавязкова павінны даваць вычарпальную інфармацыю па гэтай тэме або быць прысвечанымі толькі гэтай тэме і ніякай іншай^[3].
• «у незалежных аўтарытэтных крыніцах» значыць, што крыніца публікацыі не мае матэрыяльных або іншых інтарэсаў, звязаных з аб’ектам артыкула. Абгрунтаваннем значнасці не могуць быць рэкламныя матэрыялы, прэс-рэлізы, самастойна выдадзеныя крыніцы пра разгляданую тэму, аўтабіяграфіі і падобнае.^[4]
• «у незалежных аўтарытэтных крыніцах» значыць, што выкладзеныя ў ім факты прайшлі рэдактарскую праверку (гл. Аўтарытэтныя крыніцы). Крыніцамі могуць быць працы, апублікаваныя на любых носьбітах. Добры паказчык значнасці — даступнасць другасных крыніц^[5].
• «у незалежных аўтарытэтных крыніцах»^[6] — для Вікіпедыі вызначальныя другасныя і трацічныя крыніцы, менавіта яны даюць найболей аб’ектыўныя доказы значнасці. Пажадана наяўнасць некалькіх незалежных крыніц^[7].

Тэма або аб’ект, якія прызнаны адпаведнымі гэтаму крытэрыю паводле кансэнсусу супольнасці, звычайна, значныя; ім можа быць прысвечана асобны артыкул энцыклапедыі. Правяральная інфармацыя пра тэмы або аб’ектах, не адпаведных гэтаму крытэрыю, можа быць уключана ва ўжо існыя артыкулы.

Пры рашэнні пытання пра значнасць артыкула галоўным з’яўляецца патрабаванне прадстаўлення аб’ектыўных доказаў адпаведнасці крытэрыям значнасці. Падрабязнае асвятленне ў аўтарытэтных крыніцах, прызнанне ў прафесійным асяроддзі, іншыя фактары, пералічаныя ў крытэрыях значнасці для пэўных тэм, з’яўляюцца такім доказам.

Варта памятаць, што адсутнасць у нейкі момант у артыкуле спасылак на аўтарытэтныя другасныя крыніцы яшчэ не значыць, што тэма артыкула нязначная.

Вікіпедыя — не месца для навінавых рэпартажаў. Для асвятлення бягучых падзей быў створаны праект Вікінавіны. Для абгрунтавання значнасці патрабуецца большае, чым кароткі воплеск цікавасці сродкаў масавай інфармацыі да падзеі ці з’явы грамадскага жыцця. Адпаведна, у тых выпадках, калі з’яўленне аўтарытэтных крыніц па той ці іншай тэме мае эпізадычны ці спарадычны характар, неабходна або прадэманстраваць падрабязны разгляд прадмета артыкула ў высакаякасных аналітычных матэрыялах (гэта значыць створаных кампетэнтнымі экспертамі ў адпаведнай вобласці ці з прыцягненнем такіх), або паказаць неаднаразовае згадванне ў якасці тыповага прыкладу прадмета артыкула ў аўтарытэтных крыніцах па-за межамі кароткачасовага воплеска цікавасці да яго.

Хоць ва ўсіх артыкулах павінна быць паказана значнасць іх тэм, а артыкулы па тэмах, якія не задавальняюць крытэрыям значнасці, звычайна выдаляюцца, важна ўлічваць не толькі бягучы стан артыкула, але і патэнцыял яго развіцця. Калі абмяркоўваецца выдаленне ці аб’яднанне артыкулаў па прычыне іх нязначнасці, абмяркоўвацца павінна не толькі пытанне, ці паказана значнасць тэмы ў артыкуле, але і пытанне імавернасці таго, што значнасць можа быць паказана. Калі знайсці незалежныя крыніцы ўяўляецца магчымым, выдаленне па прычыне нязначнасці не павінна вырабляцца, пакуль не будзе прызнана, што актыўныя высілкі па пошуку гэтых крыніц не далі ніякіх вынікаў. Для артыкулаў з невыразнай значнасцю выдаленне павінна быць апошняй мерай.

Калі ў артыкуле не можа быць паказана досыць крыніц для дэманстрацыі значнасці тэмы артыкула, паспрабуйце знайсці гэтыя крыніцы ці:

• папытаеце ў стваральніка артыкула ці эксперта па тэме артыкула^[8] рады, дзе можна знайсці крыніцы.
• адзначце артыкул шаблонам {{значнасць}}, каб папярэдзіць іншых удзельнікаў Вікіпедыі пра праблему.
• паспрабуйце звярнуцца да ўдзельнікаў адпаведных вікіпраектаў; магчыма, яны змогуць знайсці крыніцы, недаступныя ў Інтэрнэце.

Калі крыніцы, якім могуць падысці, не знойдуцца, разгледзіце магчымасць дадання гэтага зместу ў артыкул агульнейшай тэматыкі (у тым ліку, праз працэдуру аб’яднання артыкулаў)^[9], іначай артыкул прыйдзецца выдаліць. Шмат прыкладаў, калі прапановы пра выдаленне артыкула былі адхілены як неадэкватныя. Перш чым выдаляць артыкул, варта пільна правярыць ці можна знайсці крыніцы, якія пацвярджаюць яго значнасць.

• калі артыкул трапляе пад адзін з крытэрыяў хуткага выдалення, варта пазначыць яго адпаведным шаблонам.
• іначай варта выставіць артыкул на абмеркаванне выдалення, гэта працэдура апісана на старонцы Вікіпедыя:Да выдалення.

У Вікіпедыю можна ўключаць артыкулы пра тэмы, якія значныя цяпер або былі значнымі ў мінулым. Калі тэма артыкула задавальняе агульнаму крытэрыю значнасці, няма патрэбы паказваць бесперапыннасць і актуальнасць цікавасці да гэтай тэмы. Тэмы, значнасць якіх пакуль не відавочная, з часам, пасля з’яўлення новых крыніц па гэтай тэме, могуць быць прызнаны значнымі. Тым не менш, аргументацыя значнасці артыкулаў не павінна засноўвацца на заяве, што тэма можа атрымаць дадатковае асвятленне ў будучыні.

Гл. таксама: Вікіпедыя:Нейтральны пункт гледжання

Правілы і рэкамендацыі пра значнасць дазваляюць вырашыць, ці з’яўляецца тэма досыць значнай, каб прысвяціць ёй асобны артыкул. Яны ў пераважнай большасці выпадкаў прама не датычацца зместу артыкулаў. Магчымасць уключэння асобных частак і фактаў у артыкул рэгулюецца іншымі правіламі і рэкамендацыямі, у пр��ватнасці: пра правяральнасць, пра выкарыстанне аўтарытэтных крыніц, пра тое, чым не з’яўляецца Вікіпедыя і іншымі.

У той жа час неабходна ўлічваць патрабаванні нейтральнасці артыкулаў і непажаданасці празмерна аб’ёмнага асвятлення малаважных дэталяў, датычных тэмы ці прадмета артыкула. Аўтары павінны імкнуцца да таго, каб падрабязнасць апісання адпавядала важнасці дадзенага аспекту тэмы.

Тым не менш, паняцце значнасці закранае і змест артыкула, неабходна ўзважваць кожны аспект артыкула ў адпаведнасці з яго значнасцю ў асвятленні дадзенай тэмы. Звяртайце ўвагу на магчымыя парушэнні нейтральнасці: празмерна аб’ёмнае асвятленне малаважных падрабязнасцяў, нераўнамернае апісанне частак артыкула, неабгрунтаванае вылучэнне асобных аспектаў размяшчэннем у артыкуле, супастаўленнем сцвярджэнняў.

• Асобы
• СМІ

Значнасць маюць усе сузор’і, аб’екты Каталога Месье, Новага агульнага каталога, Індэкснага каталога (галактыкі, туманнасці і групы зорак). Значнымі ёсць усе зоркі да 6-й бачнай зорнай велічыні, планеты Сонечнай сістэмы і іх спадарожнікі, карлікавыя планеты, вялікія каметы, першыя 37 астэроідаў, якія маюць астранамічныя знакі.

Значнасць маюць усе краіны і іх адміністрацыйныя адзінкі.

Кожны існуючы населены пункт ёсць значны.

Кожны від жывых арганізмаў ёсць значны. Значнымі з’яўляюцца і ўсе асноўныя таксоны больш высокіх рангаў.

Варта пазбягаць крытэрыяў ацэнкі значнасці паводле статыстыкі пошукавых сістэм або паводле колькасці знойдзеных у сеціве выяў.