Блюдніца

Вёска Блюдніца Краіна Беларусь Вобласць Гомельская Раён Буда-Кашалёўскі Сельсавет Камунараўскі Каардынаты 52°37′24″ пн. ш. 30°47′51″ у. д.HGЯO Першая згадка XIX стагоддзе Колькасць двароў 37 Насельніцтва 53 чалавекі (2004) Часавы пояс UTC+3 Тэлефонны код +375 2336 Паштовыя індэксы 247382 Аўтамабільны код 3 СААТА 3205808006 Блюдніца на карце Беларусі ±

Блю́дніца^[1] (трансліт.: Bliudnica, руск.: Блюдница) — вёска ў Буда-Кашалёўскім раёне Гомельскай вобласці. Уваходзіць у склад Камунараўскага сельсавета.

У 19 км на паўднёвы ўсход ад Буда-Кашалёва, 24 км ад чыгуначнай станцыі Ціханавічы на лініі Жлобін — Гомель.

Рака Журбіна (прыток ракі Уза).

Транспартныя сувязі па прасёлкавай дарозе, затым па шашы Доўск — Гомель.

Планіроўка складаецца з просталінейнай, блізкай да мерыдыянальнай арыентацыі вуліцы, забудаванай двухбакова драўлянымі дамамі сядзібнага тыпу.

Археолагамі выяўлены курганны магільнік (10 насыпаў, у 0,2 км на паўднёвы захад ад вёскі, на могілках) і курган (0,3 км на поўнач ад вёскі) сведчаць пра засяленне гэт��х месцаў з даўніх часоў. Па пісьмовых крыніцах вядомая з канца XIX стагоддзя як вёска ў Рудзянецкай воласці Гомельскага павета Магілёўскай губерні. З 1884 года дзейнічаў хлебазапасны магазін. Па перапісу 1897 года працавалі: школа граматы, хлебазапасны магазін, 2 ветракі. У вясковай школе ў 1905 годзе навучаліся 66 хлопчыкаў і 12 дзяўчынак. У 1909 годзе працавалі школа, млын. У 1926 годзе знаходзіліся: аддзяленне сувязі, магазін, школа.

З 8 снежня 1926 года да 28 чэрвеня 1973 года цэнтр Блюдніцкага сельсавета^[2] Уваравіцкага, з 17 красавіка 1962 года Буда-Кашалёўскага раёнаў Гомельскай (да 26 ліпеня 1930 года) акругі, з 20 лютага 1938 года Гомельскай вобласці. У 1929 годзе арганізаваны калгас. Падчас Вялікай Айчыннай вайны акупанты спалілі 12 двароў. 37 жыхароў вёскі загінулі на фронце. У 1959 годзе ў складзе міжгаспадарчага прадпрыемства «Асобіна» (цэнтр — пасёлак Камунар). Працавалі пачатковая школа, клуб, бібліятэка.

• 2004 год — 37 гаспадарак, 53 жыхары.

• 1897 год — 104 двары, 725 жыхароў (паводле перапісу).
• 1909 год — 136 двароў, 901 жыхар.
• 1926 год — 171 двор.
• 1940 год — 326 жыхар.
• 1959 год — 255 жыхароў (паводле перапісу).
• 2004 год — 37 гаспадарак, 53 жыхары.

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.