Правадзейны стацкі саветнік

Правадзейны стацкі саветнік (руск.: действительный статский советник) — цывільны чын IV класа Табелі аб рангах Расійскай імперыі, адпавядаў пасадзе дырэктара дэпартамента, губернатара і граданачальніка, даваў правы на спадчыннае дваранства. Тытулаваўся «ваша правасхадзіцельства». Для надання чына правадзейнага стацкага саветніка быў вызначаны тэрмін службы ў 10 гадоў ад часу атрымання папярэдняга чыну. У 1903 годзе было 3113 правадзейных стацкіх саветнікаў. Чын стацкага саветніка скасаваны дэкрэтам Савецкай улады 10 (23) лістапада 1917 года пра скасаванне саслоўяў і чыноў.

• Сінчук І. І. Табель аб рангах // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 366. — 10 000 экз. — ISBN 985-11-0035-8. — ISBN 985-11-0251-2 (т. 15).