Сонечны бераг

Со́нечны бе́раг (балг.: Слънчев бряг) — найбуйнейшы марскі курорт на ўсходзе Балгарыі.

Размешчаны на заліве ў Чорным моры з пляжам, даўжынёй 10 км і шырынёй у цэнтральнай частцы да 100 м, пакрытым дробным жоўтым пяском. Знаходзіцца паміж гарадамі Варна (90 км) і Бургас (36 км), з’яўляецца часткай горада (абшчыны) Нясебыр, старая частка якога ўключана ў спіс аб’ектаў Сусветнай спадчыны ЮНЕСКА ў Балгарыі. Паміж старым Нясебырам і Сонечным берагам (да паўночнага ўскрайка) курсуюць гарадскія аўтобусы.