Марцін Відавіч

Яго Эксцэленцыя Ма́рцін Ві́давіч (харв.: Martin Vidović; нарадзіўся 15 ліпеня 1953 в. Відонье, муніцыпалітэт Зажабле, Харватыя) — архібіскуп Каталіцкай царквы, дыпламат. Тытулярны архібіскуп Ніна. Апостальскі нунцый у Беларусі з 15 верасня 2004 года па 15 ліпеня 2011 года.

Марцін Відавіч
каталіцкі архібіскуп з 21 лістапада 2004
тытулярны архібіскуп з 15 верасня 2004
Дыяцэзія	Titular See of Nona[d]
Папярэднік	Socrates B. Villegas[d]
5-ы Апостальскі нунцый у Беларусі 15 верасня 2004 — 2011
Папярэднік	Іван Юркавіч
Пераемнік	Клаўдзіа Гуджэроці
Дзейнасць	каталіцкі святар
Нараджэнне	15 ліпеня 1953(1953-07-15) (71 год) Відонье[d], Дуброўніцка-Нерэтванская жупанія[d], Харватыя
Медыяфайлы на Вікісховішчы

Пасвечаны ў святары 28 мая 1989, служыў у Спліцка-Макарскай архідыяцэзіі. Абараніў ліцэнцыят па кананічным праве. У 1983—1994 рэдактар харвацкай праграмы Радыё Ватыкана. 19 верасня 1994 паступіў на службу Апостальскай Сталіцы ў Аддзеле агульных спраў Дзяржаўнага сакратарыята. У 1994—1999 сакратар Апостальскай нунцыятуры ў Босніі і Герцагавіне, ад 2001 уваходзіць таксама ў Пастарскі савет «Peregrinatio ad Petri Sedem» (Паломніцтва да Сталіцы Св. Пятра). 15 верасня 2004 прызначаны апостальскім нунцыем у Беларусі, адначасова быў прызначаны тытулярным архібіскупам Ніна. Высвечаны на архібіскупа 21 лістапада 2004. Склаў свае абавязкі апостальскага нунцыя ў Беларусі 15 ліпеня 2011.