Canonical Ltd.
| Canonical Ltd. | |
 | |
| Тып | прыватная кампанія |
|---|---|
| Заснаваная | 5 сакавіка 2004 |
| Заснавальнікі | Марк Шатлўорт |
| Краіна | |
| Разьмяшчэньне | Лёндан, Вялікабрытанія |
| Ключавыя фігуры | Jane Silber (CEO), Марк Шатлўорт (Заснавальнік) |
| Галіна | праграмнае забесьпячэньне |
| Прадукцыя | Ubuntu, Kubuntu, Xubuntu, Edubuntu, Launchpad, Bazaar, Landscape, Ubuntu One, Upstart, Unity |
| Абарачэньне | $ 30 млн (2009) |
| Лік супрацоўнікаў | больш за 500 |
Canonical Ltd. — прыватная кампанія, заснаваная паўднёваафрыканскім прадпрымальнікам Маркам Шатлўортам для папулярызацыі праектаў вольнага праграмнага забесьпячэньня. Canonical Ltd. зарэгістраваная на востраве Мэн і мае супрацоўнікаў па ўсім сьвеце, у тым ліку галоўны офіс у Лёндане й дапаможныя офісы ў Бостане, Манрэалі, Тайбэі, Сан-Паўлу і Шанхаі[1].
Праекты, фундаваныя Canonical Ltd
[рэдагаваць | рэдагаваць крыніцу]Праекты праграмнага забесьпячэньня з адкрытым кодам
[рэдагаваць | рэдагаваць крыніцу]- Ubuntu — дыстрыбутыў Linux, заснаваны на Debian.
- Вытворныя ад Ubuntu дыстрыбутывы: Kubuntu (выкарыстоўвае KDE замест Unity[2]), Xubuntu (меней патрабавальная да рэсурсаў вэрсія Ubuntu, якая выкарыстоўвае Xfce у якасьці асяродзьдзя працоўнага стала па змаўчаньні[3]) і Edubuntu (арыентаваны на выкарыстаньне ў адукацыйных установах[4]). Bazaar — сыстэма дэцэнтралізаванага кіраваньня вэрсіямі[5].
- The Open CD — калекцыя высокаякаснага вольнага праграмнага забесьпячэньня з адкрытым кодам. Праграмы запускаюцца ў Microsoft Windows і дазваляюць вырашаць большую частку асноўных задачаў. Праект сёньня не падтрымліваецца[6]. Апошняя вэрсія 07.02 выйшла 19 лютага 2007 году[7].
- Launchpad — вэб-дадатак для распрацоўшчыкаў, які ўключае ўтыліты перакладу (Rosetta) й кантролю памылак (Malone)[8].
- Unity — свабодная абалонка для асяродзьдзя працоўнага стала GNOME[9].
Праекты прасоўваньня праграмнага забесьпячэньня з адкрытым кодам
[рэдагаваць | рэдагаваць крыніцу]- Software Freedom Day
- Go Open Source — кампанія ў Паўднёва-Афрыканскай Рэспубліцы, якая праводзілася з траўня 2004 году па травень 2006 году з мэтай распаўсюджваньня інфармацыі, навучаньня й прадастаўленьня доступу да праграмнага забесьпячэньня з адкрытым кодам.
- GEEK Freedom League — праект у Паўднёва-Афрыканскай Рэспубліцы, мэтай якога зьяўляецца азнаямленьне максымальнай колькасьці людзей з адкрытым праграмным забесьпячэньнем шляхам ўсталёўкі асобных праграм на іх кампутары. Любы жадаючы можа зарэгістравацца на сайце й атрымаць усе матэрыялы, неабходныя для «звароту» людзей і кампутараў. Плянуецца магчымасьць рэгістрацыі «зьвернутых» кампутараў і вядзеньня ўліку актыўнасьці ўдзельнікаў праекту[10].
- Freedom Toaster
Прапрыетарна-вольныя праекты
[рэдагаваць | рэдагаваць крыніцу]- Ubuntu One — сэрвіс для «хмарнага» захоўваньня й сынхранізацыі файлаў паміж кампутарамі[11].
Крыніцы
[рэдагаваць | рэдагаваць крыніцу]- ^ About Canonical. Canonical Ltd.. Праверана 29 жніўня 2011 г. Архіўная копія
- ^ About Kubuntu (анг.). Canonical Ltd.. Праверана 7 верасьня 2014 г.
- ^ Xubuntu. Canonical Ltd.. Праверана 7 верасьня 2014 г.
- ^ About Edubuntu (анг.). Canonical Ltd.. Праверана 7 верасьня 2014 г.
- ^ Bazaar (анг.). Canonical Ltd.. Праверана 7 верасьня 2014 г.
- ^ Open CD (анг.). Canonical Ltd.. Праверана 7 верасьня 2014 г.
- ^ Open CD releases (анг.). Canonical Ltd.. Праверана 7 верасьня 2014 г.
- ^ Launchpad (анг.). Canonical Ltd.. Праверана 7 верасьня 2014 г.
- ^ Unity (анг.). Canonical Ltd.. Праверана 7 верасьня 2014 г.
- ^ What is the FREEDOM league - Freedom League Праверана 7 верасьня 2014 г. Архіўная копія
- ^ Home (анг.). Ubuntu Wiki. Праверана 7 верасьня 2014 г.