Яўген Вялько
| Яўген Вялько | ||
| Пэрсанальная інфармацыя | ||
|---|---|---|
| Нарадзіўся | 23 лютага 1997[1] (27 гадоў) | |
| Рост | 178 см | |
| Вага | 72 кг[2] | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2016—2018 | Дынама Менск | 0 (0) |
| 2017—2018 | → Дняпро Магілёў | 32 (3) |
| 2018 | Дняпро Магілёў | 13 (1) |
| 2019 | Дняпро Магілёў[d] | 18 (0) |
| 2020—2022 | Слуцак | 59 (1) |
| Зборныя | ||
| 2015 | Беларусь (да 19)[d] | 2 (0) |
| 2017 | Беларусь (да 21) | 1 (0) |
Яўген Вялько (нар. 23 лютага 1997 году) — беларускі футбаліст, паўабаронца.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Нарадзіўся 23 лютага 1997 году ў вёсцы Дзятлавічы Лунінецкага раёну. Некаторы час выстапаў за юнацкую каманду мікашэвіцкага «Граніта», а пазьней далучыўся да школы менскага «Дынама». З 2013 году пачаў выступаць за дубль менчукоў і неўзабаве замацаваўся ў складзе каманды.
У 2016 годзе часам прыцягваўся да асноўнай каманды дынамаўцаў, аднак гэтак у ейным складзе не дэбютаваў. У сакавіку 2017 году быў аддадзены ў арэнду ў першалігавы «Прамень»[3]. У «Промні» стаў гульцом асноўнага і паводле вынікаў сэзону дапамог камандзе выйсьці ў Найвышэйшую лігу. У студзені 2018 году па вяртаньні з арэнды трэнаваўся з асноўнай камандай «Дынама», аднак неўзабаве зноў далучыўся да «Промня», і ў сакавіку 2018 году арэнда была падоўжаная яшчэ на адзін сэзон[4]. У Найвышэйшай лізе дэбютаваў 21 красавіка 2018 году ў матчы супраць «Слуцку» (0:3), выйшаўшы на замену на 41-й хвіліне. У жніўні 2018 году перайшоў у «Прамень» на трывалай аснове[5]. У другой палове сэзону 2018 году замацаваўся ў стартавым складзе каманды. У пачатку 2019 году ў сувязі з пераездам «Промня» ў Магілёў і аб’яднаньнем зь мясцовым «Дняпром» стаў гульцом аб’яднанай каманды, якая атрымала назву «Дняпро». Пачынаў сэзон 2019 году ў стартавым складзе, у траўні атрымаў траўму. Вярнуўся на поле толькі ў кастрычніку і звычайна выходзіў ужо на замену.
У студзені 2020 году склаў працоўнае пагадненьне з «Слуцкам»[6]. Выступаў пераважна ў стартавым складзе каманды. У студзені 2021 году падоўжыў пагадненьне з клюбам[7]. У пачатку 2023 году праз забарону Міністэрства спорту і турызму ня трапіў у заяўку «Слуцка» на сэзон і ня браў удзелу ў афіцыйных матчах каманды. Некаторы час працягваў трэнавацца з камандай, аднак пазьней пакінуў клюб[8].
Міжнародная
[рэдагаваць | рэдагаваць крыніцу]Выступаў за зборныя Беларусі да 17 і да 19 гадоў у кваліфікацыйных раўндах чэмпіянату Эўропы. 26 сакавіка 2017 году дэбютаваў у моладзевай зборнай Беларусі, выйшаўшы на замену ў другім тайме ў таварыскім матчы супраць зборнай Латвіі (3:4).
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Прамень | 2018 | Найвышэйшая ліга | 20 | 2 |
Крыніцы
[рэдагаваць | рэдагаваць крыніцу]- ^ а б в Evgeni Veljko // Transfermarkt (мн.) — 2000.
- ^ а б http://sfc-slutsk.by/person/222
- ^ Лукашевич и Велько из минского "Динамо" отданы в аренду "Лучу" (рас.)
- ^ Три футболиста пополнили ряды "Луча" (рас.)
- ^ "Луч" объявил о подписании Осипенко и Кийко (рас.)
- ^ Велько стал игроком "Слуцка" (рас.)
- ^ Велько, Бобко и Семенов продлили контракты со "Слуцком" (рас.)
- ^ Александр Гуринович: "Медали выигрываются благодаря деталям и личностям" (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)