Тарас Раманчук
| Тарас Раманчук | ||
| Пэрсанальная інфармацыя | ||
|---|---|---|
| Нарадзіўся | 14 лістапада 1991[1] (33 гады) | |
| Рост | 186 см | |
| Пазыцыя | паўабаронца | |
| Клюбная інфармацыя | ||
| Клюб | Ягелёнія | |
| Нумар | 6 | |
| Клюбы | ||
| Гады | Клюб | Гульні (галы)¹ |
| 2013—2014 2014— |
Легіяновія Ягелёнія |
32 (2) 315 (29) |
| Зборныя | ||
| 2018— | Польшча | 5 (1) |
|
¹ Колькасьць гульняў і галоў за прафэсійны клюб лічыцца толькі | ||
Тара́с Раманчу́к (па-польску: Taras Romanczuk; нар. 14 лістапада 1991 году) — польскі футбаліст украінскага паходжаньня, паўабаронца клюбу «Ягелёнія» і нацыянальнай зборнай Польшчы. Да 12 лютага 2018 году трымаў украінскае грамадзянства.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Раманчук пачаў сваю кар’еру ў клюбе «Ковель», куды ў 2008 годзе паводле просьбы тагачаснага трэнэра Рамана Лыса быў залічаны ў першую каманду[3]. У той час ён сумяшчаў футбол з працай і вучобай — за гэты час двойчы езьдзіў у ЗША па студэнцкім абмене[3]. Таксама браў удзел у матчах футзалу.
На пачатку лютага 2013 году Раманчук пераехаў у Польшчу, дзе стаў футбалістам клюбу «Легіяновія» з Трэцяй лігі. Раней яго заўважыў тагачасны віцэ-прэзыдэнт гэтага клюбу Міхал Кусінскі[4], які быў у Ковелі на сьвяткаваньні дня гораду. За польскі клюб гулец дэбютаваў 13 красавіка 2013 году ў матчы чэмпіянату супраць «Завішы», калі на 46-й хвіліне замяніў на полі партнэра па камандзе. У першы ж сэзон з украінцам у складзе каманда прабілася ў Другую лігу. Ужо ў жніўні 2013 году Раманчук адначыўся голам у браму мелецкай «Сталі» ды шчасна правёў увесь сэзон. «Легіяновія» скончыла розыгрыш на 4-м радку, а Раманчук прыцягнуў увагу некалькіх клюбаў з Экстраклясы[5].
21 ліпеня 2014 году прэзыдэнт «Ягелёніі» Цэзары Кулеша абвесьціў, што была дасягнутая дамоўленасьць аб пераходзе Раманчука ў беластоцкі клюб[6]. Празь дзень гулец падпісаў гадавы кантракт з клюбам з правам падаўжэньня яшчэ на два гады[7]. Раманчук запачаткаваў выступы ў найвышэйшым дывізіёне 15 жніўня 2014 году, зьявіўшыся на замену на 46-й хвіліне ў матчы супраць варшаўскай «Легіі». Свой першы гол за «Ягелёнію» забіў 9 лістапада 2014 году, трапна пацэліўшы мяч у браму «Руха», аднак гэта ня выратавала клюб ад паразы зь лікам 2:5. Улетку 2016 году гульцом цікавіўся турэцкі «Коньяспор», але сама «Ягелёнія» не была зацікаўленая ў ягоным продажы[8]. У пачатку студзеня 2017 году атрымаў званьне найлепшага апорнага паўабаронцы ў Экстраклясе 2016 году[9].
Міжнародная
[рэдагаваць | рэдагаваць крыніцу]Ужо па атрыманьні польскага грамадзянства, 16 сакавіка 2018 году Раманчук быў выкліканы да шыхтаў нацыянальнай зборнай Польшчы на таварыскія матчы супраць зборных Нігерыі і Рэспублікі Карэі[10]. 27 сакавіка гулец дэбютаваў у кашулі нацыянальнай зборнай, зьявіўшыся ў першай адзінаццатцы ў матчы супраць зборнай Рэспублікі Карэі. Гуляў да 61-й хвіліны, пасьля чаго быў заменены Аркадыюшам Мілікам[11]. Першым голам адзначыўся 7 чэрвеня 2024 году, улучыўшы мяч у браму зборнай Украіны.
Дасягненьні
[рэдагаваць | рэдагаваць крыніцу]«Ягелёнія»:
Крыніцы
[рэдагаваць | рэдагаваць крыніцу]- ^ а б в Taras Romanchuk // Transfermarkt (мн.) — 2000.
- ^ а б 90minut.pl (пол.) — 2003.
- ^ а б «Na Ukrainie go nie chcieli, więc zagra u Nawałki». Fakt
- ^ «Taras Romanczuk — dyplomata, który nie rozumie wojny». Przegląd Sportowy.
- ^ «Krótko i na temat: Dariusz Ziąbski». Legionovia
- ^ «Taras Romanczuk zostanie piłkarzem Jagiellonii Białystok». Gol24.
- ^ «Taras Romanczuk podpisał kontrakt z Jagiellonią Białystok». Onet.pl.
- ^ «Ogromne pieniądze za Romanczuka». Legionovia.
- ^ «Taras Romanczuk najlepszym defensywnym pomocnikiem 2016 roku». Przegląd Sportowy.
- ^ «Krajowe powołania na mecze z Nigerią i Koreą Południową». PZPN.
- ^ «Passa przełamana, zwycięstwo wydarte na finiszu!». PZPN.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball