Сьвяты Кітс і Нэвіс

	Сьвяты Кітс і Нэвіс; Federation of Saint Christopher and Nevis
	Сьцяг
	Нацыянальны дэвіз: «Country Above Self» («Краіна вышэй за сябе»)
	Дзяржаўны гімн: ««O Land of Beauty»»
Афіцыйная мова	ангельская
Сталіца	Бастэр
Найбуйнейшы горад	Бастэр
Форма кіраваньня каралева; генэрал-губэрнатар	канстытуцыйная манархія; Элізабэта ІІ; Катбэрт Сэбастыян
Плошча; • агульная; • адсотак вады	207-е месца ў сьвеце; 261 км²; нязначны
Насельніцтва; • агульнае (2005); • шчыльнасьць	209-е месца ў сьвеце; 42 696; 164/км²
СУП; • агульны (2002); • на душу насельніцтва	213 месца ў сьвеце; $339 млн; $14 649
Валюта	Усходнекарыбскі даляр (XCD)
Часавы пас; • улетку	UTC-4 (UTC-4); -4 (UTC-4)
Незалежнасьць; ад Вялікабрытаніі	19 верасьня 1983
Аўтамабільны знак	KAN
Дамэн верхняга ўзроўню	.kn
Тэлефонны код	+1869
	Мапа Сьвятога Кітса і Нэвіса

Сьвяты́ Кітс і Нэ́віс (па-ангельску: Saint Kitts and Nevis) — выспавая краіна, разьмешчаная ў Карыбскім моры. Складаецца зь дзьвюх выспаў — Сьвяты Кітс і Нэвіс. Гэта самая малая краіна заходняга паўшар’я. З усходу мяжуе з Антыгуа і Барбуда, з паўднёвага-ўсходу — з Мансэрат, з паўночнага-захаду зь Нідэрляндзкімі Антыламі, з поўначы з Сан-Бартэльмі.

Гісторыя

1493 год — адкрыцьцё выспаў Калюмбам
XVII стагодзьдзе — калянізацыя выспаў французамі і англічанамі, вайсковае супрацьстаяньне скончылася перадачай выспаў Вялікабрытаніі
1871—1958 гады — выспы былі часткай калёніі Брытанскія Падветраныя выспы
1958—1962 гады — выспы ўваходзілі ў Фэдэрацыю Заходняй Індыі
1967 год — калёнія Сьвяты Кітс — Нэвіс — Ангілья — атрымлівае ўнутраную аўтаномію
1983 год — атрыманьне незалежнасьці, у рамках Брытанскай Садружнасьці
1992 год — пачатак сэпаратысцкага руху на высьпе Нэвіс

Палітыка

Сьвяты Кітс і Нэвіс — гэта канстытуцыйная манархія. Канстытуцыя была прынятая 19 верасьня 1983 году. Краінай кіруе брытанская каралева праз губэрнатара. Заканадаўчая ўлада належыць парлямэнту. Ён складаецца з 14 дэпутатаў, 11 зь якіх выбіраюцца на пяцігадовы тэрмін, а 3 назначаюцца губэрнатарам (2 па прадстаўленьні прэм’ер-міністра і 1 лідэра апазыцыі). Выканаўчая ўлада належыць ураду, які назначаецца губэрнатарам з дэпутатаў парлямэнту. Выспа Нэвіс мае ўласную заканадаўчую і выканаўчую ўладу.

Геаграфія

Выспы маюць вульканічнае паходжаньне, характар паверхні — горны. Самы высокі пункт вострава Сьвяты Кітс гэта вулькан Місэры (1156 м), на высьпе Нэвіс горы сягаюць 985 м. У паўднёвай частцы выспы Сьвяты Кітс знаходзіцца доўгая паўвыспа з салёным возерам. Паміж выспамі знаходзіцца пратока Ніроўз. Выспы абкружаныя каралавымі рыфамі. Клімат экватарыяльны, вільготны, фармуецца пад уплывам пасатаў. Вясной і летам часта здараюцца ўраганы. Схілы гор пакрытыя трапічнымі лясамі. Урадлівая зямля распрацаваная, асноўнымі сельскагаспадарчымі культурамі зьяўляюцца цукровы трысьнёг, какосавыя арэхі, бананы.

Адміністрацыйны падзел

Сьвяты Кітс і Нэвіс дзеліцца на 14 акругаў, зь якіх 9 знаходзяцца на Сьвятым Кітсе, а 5 на Нэвісе:

Эканоміка

Асновай эканомікі краіны зьяўляецца турызм і сельская гаспадарка. На трэці ўсіх сельскагаспадарчых земляў вырошчваецца цукровы трысьнёг. Гадуюцца козы і авечкі. Разьвітая рыбная лоўля. Аднак сельская гаспадарка забясьпечвае толькі палову неабходнага харчаваньня краіны. Прамысловасьць прадстаўлена прадпрыемствамі вытворчасьці цукру, сьпірту, піва, цыгарэтаў. Турызм а��рымаў разьвіцьцё на абедзьвюх выспах. Штогод сюды наведваецца каля 200 тыс. турыстаў.

Дэмаграфія

З 42,6 тыс. чалавек насельніцтва краіны 31,5 тыс. жыве на высьпе Сьвяты Кітс. 90,4% насельніцтва краіны — негры, нашчадкі рабоў вывезеных з Афрыкі ў XVII—XIX стагодзьдзях. Таксама ў краіне жывуць мулаты (5%), індзейцы (3%), эўрапейцы (1,6%). Афіцыйнай мовай зьяўляецца ангельская. Гарадзкое насельніцтва складае 42%, сельскае — 58%.

Вонкавыя спасылкі

Сьвяты Кітс і Нэвіс — сховішча мультымэдыйных матэрыялаў