Гээрэнвээн (футбольны клюб)

	Гээрэнвээн
Поўная назва	Sportclub Heerenveen
Заснаваны	20 ліпеня 1920
Горад	Гээрэнвээн, Нідэрлянды
Стадыён	Абэ Ленстра; Умяшчальнасьць: 26 800
Галоўны трэнэр	Робін ван Пэрсі;
Чэмпіянат	Эрэдывізія
· 2023—2024	11 месца
Хатнія колеры	Выязныя колеры
	Галерэя здымкаў у Вікісховішчы; sc-heerenveen.nl (нід.) (анг.)

«Гээрэнвээн» (па-нідэрляндзку: Sportclub Heerenveen, па-фрыску: Sportklub It Hearrenfean) — нідэрляндзкі футбольны клюб з гораду Гээрэнвээну. Заснаваны ў 1920 годзе. Уладальнік Кубка Нідэрляндаў 2009 году.

Гісторыя

Футбольны клюб «Гээрэнвээн» быў заснаваны 20 ліпеня 1920 году ў аднайменным горадзе, які адносіцца да рэгіёну Фрысьляндыя^[2]. Каманда двойчы зьмяняла свой назоў спачатку на «Спартаан», а потым у 1922 годзе на варыянт «Гээрэнвээн»^[2]. У час нямецкай акупацыі Нідэрляндаў клюб тры разы запар ставаўся чэмпіёнам Поўначы Нідэрляндаў. Пасьля заканчэньня Другой сусьветнай вайны клюб яшчэ шэсьць разоў запар быў чэмпіёнам Поўначы, дамінаваньне «Гээрэнвээна» ў гэты пэрыяд было дасягнута дзякуючы выступам за клюб легендарнага фрызаўскага гульца Абэ Ленстра^[2]. На пэрыяд Ленстры прыпадае неверагодная перамога «Гээрэнвээна» над амстэрдамскім «Аяксам» у адной з самых вядомых гульняў у гісторыі нідэрляндзкага футболу^[3]. Трываючы паразу зь лікам 1:5 за 25 хвілінаў да канца, фрыская каманда здолела забіць сталічнаму клюбу 5 мячоў у атрымаць перамогу зь лікам 6:5^[3].

У 1950-я гады «Гээрэнвээн» страціў статус дамінуючага клюбу ў рэгіёне, а пасьля ўладкаваньня прафэсійнага статуса нідэрляндзкага футболу Ленстра далучыўся да табару клюбу «Энсхэдэ». Да канца дзесяцігодзьдзя «Гээрэнвээн» гуляў у Ээрстэдывізіі, аднак у хуткім часе клюб апусьціўся на дывізіён ніжэй. У 1969—1970 гадох фрыскі клюб атрымаў перамогу ў трэцім дывізіёне й вярнуўся ў Ээрстэдывізію, дзе на працягу двух сэзонаў у 1970-я гады быў блізкі да выхаду ў Эрэдывізію^[2]. Да 1974 году клюб апынуўся ў цяжкім фінансавым становішчы, і каб забясьпечыць ягонае выжываньне, ён быў падзелены на аматарскую й прафэсійную сэкцыі.

У 1980-я гады клюб двойчы прасунуўся ў стадыю плэй-оф, але беспасьпяхова абодва разы. У рэшце рэшт «Гээрэнвээн» дасягнуў Эрэдывізіі ў 1990 годзе, стаўшы першым фрыскім клюбам, які дасягнуў найвышэйшага ўзроўню. У дадатак дружыну ачольваў на той час фрыскі трэнэр Фопэ дэ Гаан. Дэбютны сэзон у Эрэдывізіі апынуўся няўдалым, бо клюб адразу страціў сваё месца ў элітным дывізіёне. У 1993 годзе «Гээрэнвээн» дасягнуў фіналу Кубка Нідэрляндаў, калі на той час яшчэ быў клюбам другога дывізіён^[3]. Фрызы атрымалі паразу зь лікам 6:2. У тым жа годзе клюб з поўначы краіны вярнуўся ў Эрэдывізію. Праз год каманда пераехала на новы стадыён імя Абэ Ленстра, названы у гонар былога выбітнага гульца клюбу. У 1997 годзе «Гээрэнвээн» зноў прасунуўся да фіналу кубка краіны, але другі раз трываў паразу.

Дасягненьні

Кубак Нідэрляндаў:
- 2009

Склад

Актуальны на 13 верасьня 2024 году

№	Пазыцыя	Імя	Год нараджэньня
2	Аб	Дэнзэль Галь	2001
3	Аб	Сам Керстэн	1998
5	Аб	Павал Бахневіч	1996
6	ПА	Амара Кандэ	1997
7	Нап	Чэ Нюнэлі	1999
8	ПА	Люўк Броўвэрс	1998
9	Нап	Даніель Карльсбак	2003
10	Нап	Іліяс Сэбаўі (ар. Фэеноорд)	2001
11	Аб	Матс Кёлерт	1998
13	Бр	Мікі ван дэр Гарт	1994
14	ПА	Леві Сманс	2003
15	Аб	Гусэйн Алі	2002
17	Аб	Мікалай Гоплян (ар. Олесун)	2004
18	Нап	Ён Нікалаэску	1998

№	Пазыцыя	Імя	Год нараджэньня
19	ПА	Сыман Ульсан	1997
20	Нап	Якаб Трэнскаў	2000
21	ПА	Эспэн ван Ээ	2003
22	Бр	Бэрнт Клявэрбур	2005
23	Бр	Ян Бэкема	1996
24	Нап	Данілё Аль-Саэд	1999
26	Нап	Дымітрыс Раліс	2005
27	Аб	Матэя Мілаванавіч	2004
28	ПА	Мэле Вітэфээн	2003
35	ПА	Тыс Оостра	2004
39	ПА	Ісая Агмэд	2005
44	Бр	Андрыс Нопэрт	1994
45	Аб	Олівэр Браўдэ	2004