Бикҡужина Тутыя Әғзәм ҡыҙы

Был мәҡәләлә мәғлүмәт сығанаҡтарына һылтанмалар юҡ. Күрһәтелгән мәғлүмәтте тикшереп ҡарау мөмкинлеге булырға тейеш, юғиһә уның шикле мәғлүмәт сәбәбе менән юйылыуы мөмкин. Һеҙ был мәҡәләне мөхәррирләп мәртәбәле сығанаҡтарға һылтанмалар ҡуя алаһығыҙ.

Бикҡужина Тутыя Әғзәм ҡыҙы (1 октябрь 1926 йыл — 3 сентябрь 2008 йыл) — ғалим-педагог. 1965—2000 йылдарҙа Стәрлетамаҡ дәүләт педагогия институты уҡытыусыһы. Педагогия фәндәре кандидаты (1972), доцент. Башҡорт АССР-ы мәктәбенең атҡаҙанған уҡытыусыһы (1986).

• Тутыя Әғзәм ҡыҙы Бикҡужина 1926 йылда Мәләүез районы Әбет ауылында тыуа.
• 1943 йылда хеҙмәт юлын Мәләүез районының Түбәнге Таш ауылы мәктәбендә башланғыс кластар уҡытыусыһы булып башлай.
• 1949 йылда Стәрлетамаҡ уҡытыусылар институтын тамамлай.
• Ғафури районында уҡытыусы булып эшләй.
• 1958 йылда ситтән тороп К. А. Тимирязев исемендәге Башҡорт дәүләт педагогия институтын тамамлай.
• Күмертау ҡалаһының Маяҡ ҡасабаһындағы 1-се һанлы интернат-мәктәбендә эшләй.
• 1965 йылдан алып ғүмеренең аҙағынаса Стәрлетамаҡ дәүләт педагогия институтының филология факультетында уҡыта.

1972 йылда башҡорт телен уҡытыу методикаһы буйынса кандидатлыҡ диссертацияһы яҡлай. Методиканың ошо өлкәһе буйынса 70-тән ашыу уҡытыу-методик ҡулланма, программа, фәнни мәҡәлә авторы^[1]

• БАССР мәктәбенең атҡаҙанған уҡытыусыһы (1986).

• Династия Биккузиных

• ХХ Быуат мәғрифәтсеһе Тутыя Әғҙәм ҡыҙы Бикҡужина
• #педагогикхеҙмәтветерандары. Тутыя Әғзәм ҡыҙы Бикҡужина (Тикшерелеү көнө: 27 сентябрь 2021)