Yegişe Tadevosyan

Yegişe Tadevosyan
Yegişe Tadevosyan
	erm. Եղիշե Մարտիրոսի Թադևոսյան
Doğum tarixi	12 (24) sentyabr 1870
Doğum yeri	Üçkilsə, Eçmiədzin qəzası, İrəvan quberniyası, Rusiya imperiyası;
Vəfat tarixi	22 yanvar 1936 (65 yaşında)
Vəfat yeri	Tiflis, Gürcüstan SSR, ZSFSR, SSRİ;
Dəfn yeri	Komitas panteonu
Fəaliyyəti	rəssam
Təhsili	Lazarev Şərq Dilləri İnstitutu[d] (1881–1885),; Moskva Rəsm, Heykəltəraşlıq və Memarlıq Məktəbi[d] (1885–1894);
Janr	peyzaj
Stillər	ekspressionizm, realizm
Mükafatları
	Vikianbarda əlaqəli mediafayllar

Yegişe Martirosoviç Tadevosyan (Tatevosyan) (erm. Եղիշե Թադևոսյան; 12 (24) sentyabr 1870^[1]^[2], Üçkilsə^[1]^[2] – 22 yanvar 1936^[1]^[2], Tiflis^[1]^[2]) — erməni rəssamı.

Həyatı

Moskvada yerləşən Lazarevski İnstitutunun yanında gimnaziyada təhsil almışdır, sonra Moskva Rəssamlıq, Heykəltəraşlıq və Memarlıq məktəbində oxudu və 1894-cü ildə oranı bitirdi. Peredvijniki adlı Səyyar Rəssamlıq Sərgiləri Birliyinin sərgilərində iştirak etmişdir. Vasili Polenov ilə dost münasibətlərdə idi, onunla birlikdə 1898-ci ildə Fələstinə səfər etdi və sonradan bir çox dəfə Yaxın Şərqə səyahət etmişdir. Daha sonra "Mir iskusstva" adlı sərgilərdə iştirak etdi. 1901-ci ilə qədər Moskva, sonra Tiflisdə yaşadı, rəssamlıq dərsləri keçirdi. İlk dövrlərdə işlərini Vardges Surenyantsın təsiri altında yaradırdı, lakin 1900-cü illərdə yaradıcılığında puantilizm və ekspressionizm üslublarını tətbiq etməyə başladı.

1916-cı ildə Ermənistan Rəssamlar İttifaqını təşkil etdi və ona rəhbərlik etməyə başladı.

1935-ci ildə Ermənistan SSR əməkdar incəsənət xadimi adına layiq görülmüşdür. Komitas panteonunda dəfn olunmuşdur.

Tadevosyanın əsərləri Ermənistan Dövlət Rəsm Qalereyası, Gürcüstan Dövlət İncəsənət Muzeyi, Dövlət Şərq Xalqları Sənəti Muzeyi (Moskva), Polenovo muzeyi, habelə şəxsi kolleksiyalarda saxlanılır.

Xatirəsi

Tadevosyan adına İrəvanda küçə var, Üçkilsədə yerləşən rəssamlıq məktəbi onun adını daşıyır^[3]. 2015-ci ildə İrəvanın Şenqavit rayonunda rəssamın büstü qoyuldu.^[4]