Süleyman Tatlıyev

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Bu məqalə qaralama halındadır. Lütfən, məqaləni ümumvikipediya və redaktə qaydalarına uyğun şəkildə tərtib edin. Əgər mümkündürsə, daha dəqiq bir şablondan istifadə edin.

Süleyman Tatlıyev
Azərbaycan Respublikası Ticarət və Sənaye Palatasının prezidenti
1994 – 9 mart 2014
Əvvəlki	Kamran Hüseynov
Sonrakı	Niyaz Əli-zadə
Azərbaycan SSR Ali Soveti Rəyasət Heyətinin sədri
30 dekabr 1985 – 22 iyun 1989
Əvvəlki	Qurban Xəlilov
Sonrakı	Elmira Qafarova
Azərbaycan SSR Nazirlər Soveti sədrinin birinci müavini
30 iyul 1978 – 30 dekabr 1985
Əvvəlki	İsmayıl İbrahimov
Sonrakı	Artur Rasizadə
Azərbaycan SSR Nazirlər Sovetinin işlər müdiri
1970 – 1978
Sonrakı	Arif Axundov
Azərbaycan SSR Nazirlər Soveti Kimya Sənayesi İdarəsinin rəisi
13 yanvar 1966 – 1970
Şəxsi məlumatlar
Doğum tarixi	27 fevral 1925(1925-02-27)
Doğum yeri	Dağ Kəsəmən, Qazax qəzası, Azərbaycan SSR, ZSFSR, SSRİ
Vəfat tarixi	9 mart 2014(2014-03-09) (89 yaşında)
Vəfat yeri	Bakı, Azərbaycan
Dəfn yeri	II Fəxri Xiyaban
Partiya	Sovet İttifaqı Kommunist Partiyası (1959–1991), Yeni Azərbaycan Partiyası
Təhsili	Bakı Dövlət Universiteti
Fəaliyyəti	siyasətçi
Təltifləri	2005 1985

Süleyman Bayram oğlu Tatlıyev (27 fevral 1925, Dağ Kəsəmən, Qazax qəzası – 9 mart 2014, Bakı) — Azərbaycan ictimai-siyasi və dövlət xadimi, Azərbaycan SSR Ali Soveti Rəyasət Heyətinin sədri (1985–1989), Azərbaycan Ticarət və Sənaye Palatasının prezidenti (1994–2014).

Süleyman Bayram oğlu Tatlıyev 27 fevral 1925-ci ildə Qazax rayonunun Dağ Kəsəmən kəndində anadan olmuşdur. Orta məktəbin yuxarı sinfində oxuyarkən 1943-cü ildə hərbi xidmətə çağırılıb. Cəbhədə ağır yaralandıqdan sonra vətənə qayıdaraq, Qazax şəhər orta məktəbini, 1951-ci ildə isə Azərbaycan Dövlət Universitetinin Kimya fakültəsini bitirmişdir.

Əmək fəaliyyətinə 1951-ci ildə Qroznı Yeni Neftayırma Zavodunda mühəndis kimi başlamış və 1956-cı ilədək həmin vəzifədə işləmişdir.

1956–1961-ci illərdə Sumqayıt Sintetik Kauçuk Zavodunda sex rəisi, baş mühəndisin müavini, 1961–1963-cü illərdə Xalq Təsərrüfatı Şurası kimya idarəsinin şöbə müdiri, 1963-cü ildən Azərbaycan KP MK-nın Kimya və neft sənayesi şöbəsi müdirinin müavini, 1963–1964-cü illərdə Sov. İKP Zaqafqaziya Bürosu üzrə inspektor, 1964–1965-ci illərdə yenidən Azərbaycan KP MK-nın Kimya və neft sənayesi şöbəsi müdirinin müavini, 1965–1970-ci illərdə Azərbaycan SSR Nazirlər Sovetinin Kimya sənayesi idarəsinin rəisi, 1970–1978-ci illərdə Azərbaycan SSR Nazirlər Sovetinin İşlər idarəsinin müdiri, 1978–1985-ci illərdə Azərbaycan SSR Nazirlər Soveti sədrinin birinci müavini, 1985–1989-cu illərdə Azərbaycan SSR Ali Sovetinin Rəyasət Heyətinin sədri, 1991-ci ildən "Nur" Xarici İqtisadi Assosiasiyasının prezidenti, 1994-cü ildən ömrünün sonuna qədər Azərbaycan Respublikası Ticarət və Sənaye Palatasının prezidenti vəzifələrində çalışmışdır.

Bir neçə çağırış Azərbaycan SSR Ali Sovetinin və SSRİ Ali Sovetinin deputatı seçilib. Süleyman Tatlıyev bir sıra orden və medallarla təltif edilib, o cümlədən müstəqil Azərbaycan Respublikasının ali mükafatı olan "Şöhrət" ordeninə layiq görülüb.

Azərbaycanın ictimai-siyasi və dövlət xadimi Süleyman Bayram oğlu Tatlıyev 9 mart 2014-cü ildə vəfat etmişdir.

• Ticarət və Sənaye Palatasının prezidenti vəfat etdi. Arxivləşdirilib 2014-03-11 at the Wayback Machine qafqazinfo.az  (az.)