Patrik Klüvert

Patrik Klüvert
nid. Patrick Kluivert
Ümumi məlumatlar
Tam adı	Patrik Stefan Klüvert
Ləqəbi	Qara pantera
Doğum tarixi	1 iyul 1976(1976-07-01)[1][2] (48 yaş)
Doğum yeri	Amsterdam, Şimali Hollandiya, Niderland
Vətəndaşlığı	Niderland krallığı
Boyu	187 sm
Çəkisi	79 kq
Mövqeyi	hücumçu
Klub haqqında məlumat
Klub	Adana Demirspor
Vəzifəsi	Baş məşqçi
Karyerası
Klub karyerası[* 1] 1994—1997 Ayaks 70 (39) 1997—1998 Milan 27 (6) 1998—2004 Barselona 182 (90) 2004—2005 Nyukasl Yunayted 25 (6) 2005—2006 Valensiya 10 (1) 2006—2007 PSV Eyndhoven 16 (3) 2007—2008 Lill 13 (4) Milli yığma[* 2] 1994—2004 Niderland 79 (40) Məşqçisi olduğu klublar Tvente
Təltif və medalları
Avropa çempionatları Bürünc Belçika/Niderland 2000 Bürünc Portuqaliya 2004
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Patrik Stefan Klüvert ([ˈpɛtrɪ ˈklœyvərt]  ( dinlə), 1 iyul 1976^[1][2], Amsterdam) – hollandiyalı keçmiş futbolçu, məşqçi və idman direktoru. Xüsusilə Ayaks, Barselona və Hollandiya millilərində hücumçu kimi çıxış edib.^[3][4][5] Hazırda Super Liqa komandalarından olan "Adana Dəmirspor"un keçmiş baş məşqçisi.^[6]

Patrik Stefan Klüvert 1976-cı ildə Hollandiyanın Amsterdam şəhərində anadan olub. Hücumçudur. Futbolçu karyerasına 1994-cü ildə Ayaks klubunda başlayıb. 1997-ci ilə qədər bu klubun şərəfini qoruyub. Ayaks klubunun heyətində çıxdığı 70 oyunda 39 qola imza atıb. Ayaks klubu ilə 2 dəfə (1995,1996) Hollandiya çempionluğunu, 2 dəfə də (1994, 1995) Hollandiya Superkubokunu qazanıb. 1 dəfə (1995) isə çempionlar Liqasının kubokunu başı üzərinə qaldırıb. Həmin il Vyanada “Milan”la keçirilən final matçının 85-ci dəqiqəsində gözəl qola imza ataraq, Ayaks klubuna kuboku qazandıran oyunçu oldu. Onun gənc yaşda belə parlaq çıxışı nəhəng klubların skautlarının da gözündən yayınmadı. “Milan” rəhbərliyi 1997-ci ilin yayında onu heyətinə cəlb etdi. Lakin futbolçu İtaliyada qənaətbəxş futbol nümayiş etdirə bilmədi. Burada meydana çıxdığı 27 matçda cəmi 6 qola imza ata bildi. 1998-ci ildə digər bir nəhəng kluba-”Barselona”ya transfer edildi. “Barsa”nın heyətində 192 matçda 90 qola imza atmağa müvəffəq oldu. 2004-ci il mövsümünün gedişində Frank Raykardın “Barselona”ya gəlişindən sonra futbolçu özünə heyətdə yer tapa bilmədi. Nəticədə, “Barsa” ilə Klüvertin yolları ayrıldı. “Barsa”dan ayrılandan sonra tez-tez komanda dəyişsə də, məşqçilərlə yola getmədiyi üçün heç bir komandanın heyətində möhkəmlənə bilmədi. “Nyukasl”, “Valensiya”, “PSV” və “Lill” onun şərəfini qoruduğu digər klublardır. Hazırda Fransanın “Lill” klubunda çıxış edir. Bu mövsümdə “Lill”in heyətində cəmi 6 matçda oynayıb və 2 qola imza atıb. Hollandiya yığmasının heyətində son dəfə 2004-cü ildə meydana çıxsa da, Hollandiya yığması tarixində hələlik ən çox qol vuran futbolçudur (40 qol).

Futbolçu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.