Fərid Sədi Mələn

Fərid Sədi Mələn
türk. Ferit Sadi Melen
Avropa Şurası Parlament Assambleyasının nümayəndəsi[d]
2 may 1966 – 1 sentyabr 1967
Türkiyə Baş naziri[d]
22 may 1972 – 15 aprel 1973
Əvvəlki	Nihad Erim
Sonrakı	Naim Talu
Şəxsi məlumatlar
Doğum tarixi	1906[1][2]
Doğum yeri	Van, Van vilayəti, Osmanlı imperiyası
Vəfat tarixi	3 sentyabr 1988(1988-09-03)[1]
Vəfat yeri	Ankara, Ankara ili, Türkiyə
Dəfn yeri	Cəbəci Əsri qəbiristanlığı
Partiya	Cümhuriyyət Xalq Partiyası (1950–1967)
Təhsili	Ankara Universiteti Siyasi Elmlər bölməsi, Ankara Universiteti
Fəaliyyəti	siyasətçi
Vikianbarda əlaqəli mediafayllar

Fərid Sədi Mələn (1906^[1][2], Van, Van vilayəti – 3 sentyabr 1988^[1], Ankara) — Türkiyəli bürokrat, siyasətçi, Türkiyənin keçmiş Baş naziri.

Fərid Mələn 1906-cı ildə Van şəhərində anadan olub. İbtidai və orta təhsilini Vanda alıb. 1928-ci ildə Bursa Erkek Liseyindən məzun olub. Əvvəl İstanbulda yerləşən və adı daha sonra Ankara Universiteti Siyasi Elmlər fakültəsi olan Dövlət Qulluğu Məktəbinə daxil olub. 1931-ci ilin iyulunda məzun olub.

1931-ci il 26 avqustda Bursa Maiyet memurluğunda dövlət qulluğuna daxil olub. 25 oktyabr 1932-ci ildə Maliyyə Müfəttişinin köməkçisi vəzifəsinə təyin edilib. 1 yanvar 1936-cı ildə dördüncü dərəcəli, 14 iyul 1939-cu ildə üçüncü dərəcəli, 26 yanvar 1940-cı ildə ikinci dərəcəli və 28 yanvar 1943-cü ildə birinci dərəcəli müfəttişliyə yüksəlib. 1 may 1940 – 27 noyabr 1941-ci il tarixləri arasında keçən əsgərliyində leytenant olub. Bir il müddətində Fransa Maliyyə Nazirliyinin təşkilatında incələmə etmək üçün Parisə göndərilib. 29 noyabr 1943-cü ildə Dolayı Vergilər üzrə Baş Menecer olub. 20 iyun 1946-cı ildə isə Gəlirlər Baş İdarəsinə təyin edilib.

9-cu Dövr seçkilərində Van millət vəkili seçilib, dövrün sonunda fəaliyyətinə ara verərək sərbəst maliyyə məsləhətçisi kimi çalışıb. 1959-cu il 30 sentyabrda təqaüdə çıxıb. Lakin Fərid Mələn 11-ci Dövr seçkilərində yenidən Van millət vəkili seçilib. 1961-ci ildə Müəssisə Məclisində Van vilayətinin nümayəndəsi olub. O, IX və X İnönü kabinetlərində TBMM xaricindən Maliyyə Naziri vəzifəsini icra edib. 7 iyun 1964 – 14 oktyabr 1979-cu il tarixləri arasında Van Respublikası Senatının üzvü olub. 1967-ci ildə Cümhuriyyət Xalq Partiyasından istefa verib və Güvən Partiyasının qurucularından biri olub.

26 mart 1971-ci ildən 22 may 1972-ci ilədək 1-ci və 2-ci Erim Hökumətlərində Milli Müdafiə Naziri vəzifəsində çalışıb. 1972-ci il mayın 22-də Baş nazir olub. 31 mart 1975-ci ildə 4-cü Dəmirəl Hökumətində yenidən Milli Müdafiə Naziri təyin olunub. 12 iyul 1980-ci ildə Prezident səlahiyyətlərini icra edən Ehsan Səbri Çağlayangil tərəfindən Respublika Senatının üzvü seçilib. 1980-ci ilin 12 sentyabrınadək bu vəzifədə qalıb. 1983-cü ildə isə yenidən Van millət vəkili seçilib.

Fərid Mələn 1988-ci ilin sentyabrın 3-də Ankarada vəfat edib, Cebeci Əsri qəbiristanlığında dəfn edilib. O, 23-cü Dövr İstanbul millət vəkili Mithat Mələnin atasıdır. Vanda yerləşən hava limanı Fərid Mələnin adını daşıyır.