Ceydon Sanço

Ceydon Sanço
ing. Jadon Sancho
Ümumi məlumatlar
Tam adı	Ceydon Malik Sanço
Doğum tarixi	25 mart 2000(2000-03-25)[1][2] (24 yaş)
Doğum yeri	Kamberuell[d], Lambet[d], Böyük London, İngiltərə, Birləşmiş Krallıq
Vətəndaşlığı	Birləşmiş Krallıq
Boyu	180 sm[1]
Çəkisi	76 kq
Klub haqqında məlumat
Klub	Borussiya Dortmund
Nömrəsi	7
Karyerası
Gənclik karyerası 2007–2015 Vatford 2015–2017 Mançester Siti Klub karyerası[* 1] 2017— Borussiya Dortmund 43 (12) Milli yığma[* 2] 2018— İngiltərə 4 (0)
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Ceydon Sanço (ing. Jadon Sancho; 25 mart 2000^[1][2], Kamberuell^[d], Böyük London) — ingilis futbolçu.

Ceydon Sanço 25 mart 2000-ci ildə İngiltərənin London şəhərində anadan olmuşdur. Valideynləri Trinidad və Tobaqoludur. Uşaqlığı Londonun cənubunda yerləşən Kenninqton bölgəsində keçmişdir^[3].

Ceydon Sanço 7 yaşında olarkən "Uotford" komandasında həvəskar karyerasına başlamışdır. 14 yaşında olarkən 2015-ci ilin mart ayında 66000 funt-sterlinq qarşılığında "Mançester Siti" klubuna transfer olunmuşdur. 2017-ci ilin iyul ayında "Mançester Siti"nin yeni mövsüm öncəsi təlim-məşq prosesinə dəvət olunmuşdur.

31 avqust 2017-ci ildə 8 milyon funt-sterlinqlik məbləğlə Almaniyanın "Borussiya Dortmund" klubuna transfer olunmuşdur. Yeni klubunda ilk oyununa 21 oktyabr 2017-ci ildə "Ayntraxt Frankfurt" komandası ilə baş tutan qarşılaşmada çıxmışdır. Matçın başa çatmasına 6 dəqiqə qalmış oyuna girən Sanço, "Borussiya Dortmund" forması ilə "BundesLiqa"da oynayan ilk ingilis futbolçu olmuşdur. 14 yanvar 2018-ci ildə isə "Volfsburq" klubu ilə oyuna start heyətində başlamışdır. 21 aprel 2018-ci ildə "Bayer Leverkuzen" komandasına vurduğu qol Sançonun yeni klubunda rəsmi oyunlarda vurduğu ilk qol idi. Klubu ilə 2022-ci ildə müddəti bitəcək olan yeni müqavilə imzalamışdır. "BundesLiqa"da 2018-ci ildə "oktyabr ayının oyunçusu" seçilmişdir.

2018–2019-cu illər mövsümünün əvvəlində Sanço ilk dəfə İngiltərə millisinin UEFA Millətlər Liqasında Xorvatiya və İspaniya milli komandaları ilə oynayacağı qarşılaşmaların iştirak ərizəsinə daxil edilmişdir. 12 oktyabr 2018-ci ildə Xorvatiya millisə ilə oynanan qarşılaşmanın 78-ci dəqiqəsində oyuna girərək İngiltərə milli komandasının formasını ilk dəfə geyinmişdir.

Uğurları : İngiltərə U17

FIFA 17 Yaş Altı Dünya Kuboku: 2017 Avropa 17 Yaş Altı Futbol Çempionatının ikincisi: 2017 İngiltərə

UEFA Uluslar Liqi üçüncülük: 2018–19

EURO 2020 Avropa Çempionatı ikincilik — 2020–2021