Aşıq Oruc

Aşıq Oruc
Aşıq Oruc Əhmədov
Ümumi məlumatlar
Doğum adı	Oruc Vəli oğlu Əhmədov
Doğum tarixi	20 mart 1920
Doğum yeri	Yarpızlı, Göyçə, Ermənistan SSR
Vəfat tarixi	19 iyul 1976 (56 yaşında)
Vəfat yeri	Zəhmətkənd, Gədəbəy rayonu, Azərbaycan SSR, SSRİ
Dəfn yeri	Zəhmətkənd
Uşağı	İsmayıl Məmmədli
Atası	Aşıq Vəli
Musiqiçi məlumatları
Fəaliyyəti	Aşıqlıq
Fəaliyyət illəri	1939-1976
Musiqi aləti	Saz
Səs tembri	zil
Mükafatları
Vikianbarda əlaqəli mediafayllar

Aşıq Oruc Əhmədov (d. 1920, Göyçə mahalı, Yarpızlı – ö. 1976, Gədəbəy rayonu, Zəhmətkənd) — ustad aşıq, əməkdar mədəniyyət işçisi.

Oruc Vəli oğlu Əhmədov 20 mart 1920-ci ildə Göyçə mahalının Yarpızlı kəndində "Fərzalılar" nəslində anadan olub. Atası Vəli (1854–1929) də Göyçə mahalında və eləcə də Azərbaycanın digər bölgələrində tanınmış aşıq olub.^[1]

1949-cu ildə ermənilərin mənfur siyasəti nəticəsində doğma kəndlərindən Gədəbəy rayonunun Zəhmət kəndinə deportasiya olunmuşdur.

1929-cu ildə atası vəfat etdikdən sonra onun sazını sinəsinə alaraq çalıb oxumağa başlamışdır. Bir neçə il Aşıq İbrahim Alışan oğlunun şəyirdi olub.

1939-cu ildən müstəqil aşıqlığa başlayıb.

Azərbaycanda aşıqlar arasında tezliklə tanınan Aşıq Oruc Vəli oğlu respublikada keçirilən mədəni tədbirlərdə, festivallarda, Azərbaycan aşıqlarının III qurultayında (1961) iştirak edib, əməkdar mədəniyyət işçisi adına layiq görülüb. 60-dan çox saz havasını çalıb-oxuyurmuş.^[2]

1953–1970-ci illərdə Gədəbəy aşıqlarına ağsaqqallıq edib. Miskin Vəli və Aşıq Məhəmmədəli ilə bərabər neçə-neçə məclislər keçirib. Aşıq şeirinin bir çox şəkillərində şeirlər yazıb.

Aşıq Orucun Aşıq Şahsuvar və Aşıq Nurəddin adında iki şəyirdi olub.

1976-cı ildə Gədəbəy rayonunun Zəhmətkənd kəndində astma xəstəliyindən vəfat etmişdir.^[1]

• Aşıq Vəlinin oğludur.
• professor İsmayıl Məmmədlinin atasıdır.

• G. Məmmədova. Tarlada şənlik, "Təşəbbüs" qəzeti, № 33(81), 9 aprel 1966-cı il, Yevlax.
• M. Qardaşov. Aşıqlar ansamblı, "Qırmızı bayraq" qəzeti, № 61(619), 27 may 1966-cı il, Zaqatala.
• Ürəklərə yol tapır, "Tərəqqi" qəzeti, № 58(2647), 20 may 1969-cu il. Gədəbəy.
• El sənətkarları, "Tərəqqi" qəzeti, № 83(2822), 16 iyul 1970-ci il. Gədəbəy.
• Əli Əliyev, "El aşığı" məqaləsi, "Tərəqqi" qəzeti, № 103(2994), 31 avqust 1971-ci il. Gədəbəy.
• Z. Müseyiboğlu, Əməkçilərə hədiyyə, "Tərəqqi" qəzeti, № 35(3384), 21 mart 1974-cü il. Gədəbəy.
• Məhərrəm Qasımlı, "Ustad", "Ədəbiyyat qəzeti", 22 fevral 1991-ci il,№ 8.
• Abbas Vəfadağlı. "Ustad", "Folklor və Etnoqrafiya" jurnalı, № 4, 2010-cu il. səh.48–51.
• Araz Yaquboğlu, "Aşıq Orucun sazlı-sözlü dünyası", "Ozan dünyası" jurnalı, № 4(7), 2011. səh.99–102.

• Məhərrəm Qasımlı, Aşıq sənəti, Bakı, "Ozan", 1996. səh.136
• Ziyəddin Məhərrəmov, "XX əsr Göyçə aşıq mühiti (1920–1950-ci illər)" Bakı, NPB-1997. səh. 40–41
• Azad Ozan Kərimli, "Musiqi dünyası" jurnalı, № 3–4, 2001-ci il. səh.140–141.
• Qara Namazov,"Aşıqlar", Bakı, Səda, 2004. səh.330.
• Musa Nəbioğlu, "Ozan-aşıq dünyası", Bakı, "Nurlan", 2010, səh.77.
• Ziyəddin Məhərrəmov, "İrəvanda məktəbdarlıq və maarifçilik", Bakı, Nurlan, 2010. səh.178–179
• "Ozan dünyası" jurnalı, № 3, 2010-cu il. səh.50–55.

• "Azərbaycan Aşıqlar Birliyi: Ozan dünyası. №4(7)" (PDF) (az.). "Ozan dünyası" jurnalı. 2011. 2017-05-18 tarixində arxivləşdirilib (PDF). İstifadə tarixi: 2017-05-18.