Séneca

Séneca
senador romanu
Vida
Nacimientu	Corduba (es) [1],
Nacionalidá	Antigua Roma
Residencia	Corsica (en) Roma
Muerte	Roma, 12 d'abril de 65 (59/68 años)
Causa de la muerte	desangramientu
Familia
Padre	Marcu Anneo Séneca
Madre	Helvia Antonia
Casáu con	Pompeya Paulina (es)
Hermanos/es	Galión (es) Marc Anneu Mela
Familia	ver Lucano (es) (sobrín)
Estudios
Llingües falaes	llatín[2] griegu
Alumnu de	Soción (es) Papirio Fabiano (es)
Oficiu	dramaturgu, poeta, filósofu, aforista, estadista, políticu, escritor
Llugares de trabayu	Roma
Trabayos destacaos	De la felicidad (es) Cartas a Lucilio (es) De la ira (es) De la brevedad de la vida (es)
Influyencies	Publilio Siro, Atalo (es) y Eurípides
Movimientu	Estoicismu
IMDb	nm0784172

Luciu Anneu Séneca (llatín: Lucius Annaeus Seneca), tamién conocíu como Séneca el Xoven (Córdoba, 4 e.C. - Roma, 65 d. C.), foi un filósofu, políticu, orador y escritor romanu, conocíu poles sos obres de carácter moralista. Fíu del orador Marcu Anneu Séneca, foi Cuestor, Pretor y Senador del Imperiu Romanu durante los gobiernos de Tiberiu, Calígula y Nerón, amás de ministru, tutor y conseyeru del emperador Nerón.

L. Anneu Séneca nació en Córdoba (Corduba), segundu de los tres fíos de Séneca "el Rétor". Apasionóse pola filosofía de los sos mayestros Atalu y Sotión. Na so carrera destacó como abogáu, acabó en Córcega por mandatu de Mesalina, la primer esposa del emperador Claudiu, y más alantre mandó-y Agripina, la segunda esposa, ocupase de la educación del fíu, Nerón. Foi tamién primer ministru del nuevu emperador, vivió durante trece años la vida cortesana más luxosa ya incluso desgraciada, por tener d'encargase d'un xoven como Nerón ensin desagrada-y y pol que pasó muncha vergoña. Tamién dedicóse a les finances. Mentetanto invirtió parte del so tiempu a cultivar la poesía y la filosofía. Tuvo munchos enemigos y al final de la so vida, tando yá retiráu de la corte, foi sospechosu de collaborar cola conxura de Pisón, polo que recibió la orden de morrer y abrió el mesmu les venes.

Magar que Séneca se dedicó a dellos xéneros namás conservamos traxedies, siete llibros de problemes físicos (Quaestiones naturales) de los sos trataos científicos, el so panfletu sobro Claudiu (Apocolocyntosis) y obres filosófiques como les tres consolaciones escrites enantes y durante'l so estierru y dirixíes a Marcia, a so madre Helvia y al llibertu Polibiu, los Dialogi que s'inspiren nos "diatriba" de los griegos, trataos escritos mientres Nerón, dos de los tres llibros de De Clementia y los siete llibros De beneficiis amás de los venti llibros de cartes morales a Luciliu, que daten de los sos caberos años.

Seneca foi ecléticu, esto significa grosoo modo que "seleccionaba d'equí y d'allá" dientro les corrientes filosófiques esistentes. Cabe destacar ciertu estoicismu nel xeitu de pensar de Séneca, nun s'interesaba pola dialéutica nin tampoco se planteó resolver problemes metafísicos anque considerarar que hai una rellación ente éstos y l'instintu moral del home.

Na so moral, basada nel estoicismu, da a entender que la virtú se consigue ciñéndose a les necesidaes de la vida ensin ser prisoneru d'elles, lliberándose de les pasiones que namái traen desgracia. Ye necesario comprender y aceptar la rellación de causalidá que hai ente la nuesa propia naturaleza humana y tola naturaleza cósmica o Dios. Escribió sobro l'amistá, el matrimoniu o les rellaciones ente l'aristocracia y los sos clientes. Consideraba a toles persones igual en dignidá, independientemente de la so condición al nacer (esclavos, por exemplu).

Nes sos obres imita a Esquilu, como cola obra Agamenón, a Sófocles (Edipu) y Les fenicies) y sobretoo a Eurípides (Hercules furens, Les troyanes, Medea, Fedra. Tamién conservamos la obra Tiestes pero desconocemos en qué se basó. A xuegu col so modelu de moral, Séneca aprovecha les sos obres p'amosar y estudiar les pasiones del personax y relacionles cola so catástrofe, amás d'esplotar la trama hasta llegar a situaciones esaxeraes y fuera de lo normal.

• BAYET, J. (1965). “Séneca. Hacia la era cristiana-65 p.C.” en Bayet, J. Literatura latina. París: Librairie Armand Colin.
• MANGAS MANJARRÉS, J. (2001). Seneca o el poder de la cultura. Madrid: Editorial Debate, S. A.

• Wikimedia Commons tien conteníu multimedia tocante a Séneca.