Marisa Porcel

Marisa Porcel
Vida
Nacimientu	Tarazona[1], 15 de payares de 1943[2]
Nacionalidá	España
Muerte	Madrid, 15 d'agostu de 2018[3] (74 años)
Familia
Padre	Pedro Porcel
Madre	Asunción Montijano
Estudios
Llingües falaes	castellanu
Oficiu	actriz de cine, actriz de teatru, actriz de televisión
IMDb	nm0691673

María Luisa Porcel Montijano (15 de payares de 1943, Tarazona – 15 d'agostu de 2018, Madrid), conocida como Marisa Porcel, foi una actriz de cine, televisión y teatru española.^[4]

Fía del actor jaraiceñu Pedro Porcel Barés (1910-1984), y de l'actriz de Lugo Asunción Montijano García (1906-1973), entama la so actividá profesional sobre los escenarios primeru cola compañía del so padre y más palantre intégrase socesivamente nes compañíes d'Isabel Garcés, la del Teatru María Guerrero y la del Teatru Español.

De físicu contundente y acentuada vis risible, llueu s'especializa nel xéneru de la comedia (La vida privada de mamá, 1956, de Víctor Ruiz Iriarte, La tetera, 1984, de Miguel Mihura, Bajarse al moro, 1987, La venganza de la Petra, 1994), que compaxina con personaxes de calter en Revistes. Intervién por casu n'obres como La Gran Vía, Anselmo B, Anda mi madre (1990), xunto con Gracita Morales y Tote García Ortega o Ya tenemos chica (1991), les dos últimes de Juan José Alonso Millán y espectáculos musicales: Ven a disfrutar (1978), La gran gozada (1980). Tamién intervieno n'obres dramátiques, como La muerte de Dantón (1972), sobre les tables del Teatru Español.

En cine debuta en 1966 cola película Las viudas, de Julio Coll. Darréu intervieno en numberosos filmes, so direición de grandes direutores como Carlos Saura, Manuel Gutiérrez Aragón, Narciso Ibáñez Serrador, José Luis Cuerda y Antonio Giménez Rico.

Magar ser una cara habitual de la pequeña pantalla española dende los años sesenta ya intervenir n'espacios y series como Historias para no dormir (1968), Cañas y barro (1978), El español y los siete pecados capitales (1980) o Médico de familia (1997-1999), la popularidá lléga-y en 2000, cuando'l productor José Luis Moreno ufiérta-y realizar un pequeñu sketch humorísticu, denomináu Matrimoniadas, xunto a Pepe Ruiz pal so programa musical en TVE Noche de fiesta. Porcel empieza a interpretar a Pepa, una vieya cascarrabies y gurniador que la so actividá preferida ye aldericar col so home, el non menos protestón Avelino (Pepe Ruiz). El sketch algama un ésitu inesperáu y dambos actores, xunto al restu de personaxes empiecen a interpretalo n'escenarios y sales de fiesta.

Tres la cancelación del programa, en 2004, Porcel y el restu d'actores de Matrimoniadas recuperaron los sos personaxes mientres unos meses en La sopa boba (2004), serie d'Antena 3, y ente'l branu de 2007 y 2009 cunten col so propiu espaciu en Telecinco tituláu Escenas de matrimonio.

Ente 2005 y 2006 fixo un papel esporádicu de monxa na popular serie Aquí no hay quien viva.

En 2007 ficha por Antena 3, xunto col so compañeru de trabayu, Pepe Ruiz, convirtiéndose dambos nos actores meyor pagaos d'España. Dambos incorpórense a la serie de televisión La familia Mata ónde trabayen hasta'l final de la serie, en 2009. Esi mesmu añu vuelve cpn Pepe Ruiz a Escenas de matrimonio.

En 2011, vuelve con Pepe Ruiz, a la cadena Veo7, cola serie Aquí nos las den todas.

Ye madre de la tamién actriz de doblaxe, Paloma Porcel, voz habitual de Sarah Jessica Parker.

• Premiu Júbilo (2007), pola so trayeutoria profesional.
• Premiu Antena d'Oru 2007 pola comedia La familia Mata, d'Antena 3.
• Relicariu d'Honor (2008), de l'Asociación Raquel Meller de Tarazona.
• Premiu Los mayores del añu (2009), que concede añalmente'l Conceyu de Granada, pol so trabayu en Escenas de matrimonio.
• En 2010 ye homenaxada, conxuntamente con Pepe Ruiz, na XIII Edición de Premios La Cazuela a los personaxes populares más salaos.^[5]

• La que se avecina (2013), Telecinco
• Noche sensacional (2011-2012), Veo Televisión, FORTA y 13TV
• Aquí me las den todas (2011), Veo Televisión
• La familia Mata (2007-2009), Antena 3
• Escenas de matrimonio (2007; 2009-2010), Telecinco
• Aquí no hay quien viva (2005-2006), Antena 3
  • Érase un banco en la acera (14 d'avientu de 2005)
  • Érase una emisora pirata (8 de xunu de 2006)
  • Érase un funeral con sorpresa (15 de xunu de 2006)
• ¿Se puede?, La 1
  • 24 de xunetu de 2004
• La sopa boba (2004), Antena 3
• Academia de baile Gloria, La 1
  • Mentiras piadosas (29 de marzu de 2001)
• Noche de fiesta (1999-2004), La 1
• Médico de familia (1997-1999), Telecinco
• Farmacia de guardia, Antena 3
  • Fanny vuelve a casa (28 de setiembre de 1995)
• Por fin solos, Antena 3
  • Psicología infantil (25 de xunetu de 1995)
• Los ladrones van a la oficina, Antena 3
  • Baby test (16 de payares de 1994)
  • Estamos en obras (29 de payares de 1995)
• Canguros, Antena 3
  • La tía de Micky, Rosy Mause (1994)
• La forja de un rebelde, La 1
  • 6 d'abril de 1990
• Brigada Central, La 1
  • Turno de noche (2 de febreru de 1990)
• La comedia musical española, La 1
  • Las de Villadiego (10 d'avientu de 1985)
• Los pajaritos (1982), La 1
• El español y los siete pecados capitales (1980), La 1
• Cañas y barro (1978), La 1
• Curro Jiménez, La 1
  • En la sierra mando yo (5 de marzu de 1978)
• Los libros
  • El club de los suicidas (7 d'avientu de 1977)
• Novela, La 1
  • Oblomov (20 de mayu de 1974)
• Hora once, La 2
  • La bien amada (7 de payares de 1970)
• Fábulas, La 1
  • La mona y el elefante (25 de febreru de 1970)
• Estudio 1, La 1
  • Señora ama (15 d'avientu de 1968)
  • 50 años de felicidad (22 d'avientu de 1972)
  • Los ladrones somos gente honrada (4 de payares de 1979)
• Historias para no dormir, La 1
  • El doble (18 de marzu de 1966)
  • La casa (9 de febreru de 1968)
• Tiempo y hora, La 1
  • El hombre de la palomas blancas (16 de xineru de 1966)
• El barquito de papel (1963), La 1

• Casiopea (2000)
• Hermana, pero ¿qué has hecho? (1995)
• Soldadito español (1988)
• El bosque animado (1987)
• La mitad del cielo (1986)
• Rocky Carambola (1981)
• La masajista vocacional (1981)
• La moglie in bianco, l'amante al pepe (1980)
• La guerra de los niños (1980)
• La enfermera, el marica y el cachondo de Don Pepino (1980)
• Historia de 'S' (1979)
• Soldados (1978)
• Un hombre llamado Flor de Otoño (1978)
• Camada negra (1977)
• Parranda (1977)
• Más fina que las gallinas (1977)
• El erotismo y la informática (1976)
• La amante perfecta (1976)
• ¿Quién puede matar a un niño? (1976)
• Spanish Fly (1976)
• La siesta (1976)
• La prima Angélica (1974)
• Habla, mudita (1973)
• Ana y los lobos (1973)
• Proceso a Jesús (1973)
• Un par de zapatos del 32 (1973)
• Carta de amor de un asesino (1972)
• El jardín de las delicias (1970)
• ¡Se armó el belén! (1970)
• Las viudas (1966)

• Marisa Porcel na Internet Movie Database (n'inglés)