Houston

Houston
	Bandera de Houston (es)
Alministración
País	Estaos Xuníos
Estaos	Texas
Condáu	condáu de Harris
Tipu d'entidá	ciudá de los Estaos Xuníos
Alcalde de Houston (es)	John Whitmire
Nome oficial	Houston (en)
Nomatu	Space City (en)
Códigu postal	77000–77099, 77200–77299, 77000, 77002, 77007, 77009, 77011, 77013, 77015, 77018, 77021, 77024, 77027, 77030, 77034, 77038, 77042, 77045, 77048, 77049, 77052, 77057, 77061, 77065, 77069, 77072, 77075, 77079, 77081, 77083, 77087, 77091, 77094, 77099, 77203, 77206, 77208, 77211, 77216, 77220, 77224, 77228, 77229, 77231, 77233, 77236, 77240, 77243, 77246, 77249, 77250, 77253, 77258, 77260, 77263, 77266, 77268, 77273, 77276, 77279, 77280, 77282, 77285, 77287, 77290, 77291, 77295 y 77298
Xeografía
Coordenaes	29°45′46″N 95°22′59″W / 29.7628°N 95.3831°O
	Houston Houston (los EE.XX.)
Superficie	1724.544507 km²
Altitú	13 m
Demografía
Población	2 304 580 hab. (1r abril 2020)
Porcentaxe	100% de condáu de Harris
Densidá	1336,34 hab/km²
Viviendes	874 827 (31 avientu 2020)
Más información
Fundación	agostu 1836
Prefixu telefónicu	281, 832 y 713
Llocalidaes hermaniaes	Karachi, El Cairu, Estambul, Irapuato, Huelva, City of Perth (en) , Guayaquil, Tiumén (es) , Luanda, Tampico, Chiba, Ciudá de Méxicu, Abu Dhabi, Taipéi, Leipzig, Bakú, Shenzhen, Stavanger, Aberdeen, Nankín, Dalián y Monterrey
	houstontx.gov

Houston ye una ciudá del estáu norteamericanu de Texas. Ye, colos sos 2.303.000 habitantes (2016)^[1], la más poblada del estáu y la cuarta más poblada de tolos Estaos Xuníos. Asitiada nel sureste de Texas, cerca del golfu de Méxicu, ye la sede del condáu de Harris y la ciudá principal del Gran Houston, que ye la quinta área estadística metropolitana más poblada de los Estaos Xuníos.

Houston foi fundada'l 30 d'agostu de 1836, cerca les orielles del bayou de Buffalo (anguaño conocíu como Allen's Landing^[2], y foi incorporada como ciudá el 5 de xunu de 1837. Recibió'l so nome del del xeneral Sam Houston, que fora presidente de la República de Texas y tenía dirixíu l'exércitu texanu na batalla de San Jacinto, qu'ocurrió a unos 40 km al este de la situación de la ciudá. El desarrollu del so puertu y de la industria del ferrocarril, combinada col descubrimientu de petroleu en 1901 y col pasu de Houston a ser el principal puertu de Texas llueu de que, en 1900, un furacán estrozara la ciudá portuaria de Galveston, ficieron medrar de siguío la so población. A mediaos del sieglu XX Houston convirtióse na sede del Texas Medical Center, la mayor concentración mundial d'instituciones d'asistencia ya investigación sanitaria, y del centru de control de la NASA.

La economía de la ciudá tien una importante base industrial, na que rescamplen los sectores de la enerxía, les manufactures, l'aeronáutica y el tresporte. Ciudá puntera nos sectores sanitariu y de construcción d'equipamientu pa la esplotación de pozos petrolíferos, el so puertu ye'l primeru del país en movimientu internacional de mercancíes, y el segundu en tonelaxe total movíu^[3]. Houston, que tien el nomatu de Space City (La ciudá del espaciu), ye una ciudá global, fuerte nos sectores de negocios, comerciu internacional, entretenimientu, cultura, medios de comunicación, moda, ciencia, deportes, teunoloxía, educación, medicina ya investigación. La so población amiesta individuos de procedencia étnica y relixosa perdistinta: ye la ciudá con mayor diversidá étnica de Texas, y dellos autores considérenla la de mayor diversidá étnica y racial de toles metrópolis d'Estaos Xuníos^[4]. Ye la sede de munches instituciones culturales y museístiques, de forma que'l distritu de los museos (Houston Museum District) atrae a más de siete millones de visitantes al añu. Tien tamién un circuitu teatral peractivu, qu'ufre a los espectadores espectáculos escénicos de toa triba demientres tol añu^[5].