Cartes d'Armana
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
les tábules d'Amarna son cuatro centenares de tábules con inscripciones cuneiformes, conocíes tamién como les cartes d'Amarna, que formen la correspondencia diplomática del tiempu del faraón Akhenaton.
 | |
| Tipu |
diplomatic correspondence (en)  , archivo (es) y artefactu arqueolóxicu |
|---|---|
| Llingua orixinal | idioma acadiu |
| Alfabetu | Escritura cuneiforme |
| Caducidá | década de 1330 edC |
 | |
En 1887 una muyer de la rexón de Tell al-Amarna atopó les primeres cien tábules, nun llugar de la rexón. Taben gravaes con inscripciones cuneiformes y llevaben dientro la correspondencia diplomática internacional del faraón. En total atopáronse 382 tábules, que foron un instrumentu de primer llinia pa l'estudiu del sieglu XIV e.C.. Flinders Petrie atopó l'edificiu nel que taben les cartes y añadió delles más (22) a les atopaes nun entamu. Les más d'elles taben escrites en llingua acadia, y dalgunes n'otres llingües (asiriu, hurrita, hitita). De les 382, 350 son cartes y 32 son otros testos (mitos, poemes épicos, léxicos...). 203 atópense en Berlín nel Vorderasiatisches Museum; 49 o 50 tán nel Muséu Arqueolóxicu d'El Cairu; 95 tán nel Muséu Británicu; 22 tán nel Ashmolean Museum d'Oxford (les qu'atopare Petrie); 7 tán nel Muséu del Louvre; 9 tán en coleiciones privaes; y 2 nel Muséu Metropolitanu de Nueva York. Unes 40 cartes provienen d'estaos colos qu'Exiptu tenía una rellación d'igualdá (Babilonia, Asiria, Mittani, Arzawa, Alashiya o Alashia y Hatti; el restu son de los príncipes vasallos en Siria y Palestina.