Vinaroz

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

vinaroz
Municipio d'o País Valenciano
Envista de lo puerto de Vinaroz.
Entidat  • Estau  • Comunidat  • Provincia  • Comarca	Municipio  Espanya  País Valenciano Castellón Baixo Mayestrato
Superficie	95,5 km²
Población  • Total	29 686 hab. (2013)
Altaria  • Meyana	7 m.
Distancia  • 78 km  • 153 km	enta Castellón de la Plana enta Valencia
Alcalde	Maria Dolores Miralles Mir
Codigo postal	12150, 12500
Ríos	Río Cenia
Coordenadas	40°28’13’’N 0°28’31’’E
vinaroz vinaroz en Comunidat Valenciana
Web oficial

Vinaroz (Vinaròs en catalán y oficialment, Vinaroz en castellano) ye un municipio de lo País Valenciano, capital de la comarca de lo Baixo Mayestrato, en la provincia de Castellón y partiu chudicial de lo suyo nombre (en ye a suya capital).

La suya población ye de 29 686 habitants, en una superficie de 95,5 km² con una densidat de población de 95,5 hab/km².

Se troba en la costa de la mar Mediterrania, a lo sud de la desembocadura de lo río Cenia, a 7 metros d'altaria dencima de lo livel d'a mar y a una distancia de 78 km de la ciudat de Castellón de la Plana, la capital de la suya provincia, y de 153 km de la ciudat de Valencia, la capital de lo País Valenciano.

Lo suyo termin muga a lo norte con Benicarló, Cálich y Sant Jordi en la provincia de Castellón y con Ulldecona y Alcanar en la provincia de Tarragona.

En lo sieglo XIII yera una alquería de Penyiscola conoixida como Beni-Al-Arus. Se convirtió en poblau cristiano dimpués de la conquiesta de Peniscola en 1233. En 1241 recibió Carta de población de Chil d'Atrosillo, l'alcait de Peniscola.

En la Edat Meya Binaroz dependeba de lo castiello de Penyiscola, igual como Benicarló, dica que s'independizó y empecipió un creiximiento que la convirtió en la prencipal capital de lo norte de lo País Valenciano. En lo sieglo XVI conoixió lo movimiento de las Chermanías, prenendo parte a favor de la Corona, lo que le valió en 1540 lo títol de villa. Teneba un puerto de los mes importants de la mar Mediterrania, con unas grans atarazanas, a on que se construiban grans naus. Cuan la expulsión de 1609, s'embarcoron en este puerto gran parte de los mas de 15.000 moriscos forachitaus (muitos d'ellos d'Aragón).

Se menciona en la Carta de población de 1241 como Bynalaros en un texto latín con aragonesismos.

La carta puebla ye escrita en latín con muitos aragonesismos (peatje, devandito, de[.n]çima, se significaba a mas). Teneba estos aragonesismos porque la concedió Chil d'Atrosillo, que yera aragonés.

En 1255 se menciona como Benilaros.

• Pachina web oficial municipal.
• (es) Codigo postal Vinaroz.