Quercus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Quercus
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fagales Familia: Fagaceae Chenero: Quercus L, 1758
Especies
Se veiga texto

Quercus (L., 1758) ye un chenero d'árbols (anque tamién se i incluyen cualques arbustos) con flors masculinas en forma d'inflorescencias amentosas con d'entre cuatro y diez estambres, y flors femeninas de tres estigmas disposadas en inflorescencias con forma d'espiga, que producen un solo fruito de forma caracteristica, que ha nombre billota u aglán. Existen especies con follas perens, caducas y marcescents (que se guardan secas alto de l'árbol dica que i comienza a brostar a siguient).

O chenero Quercus comprende d'entre cuatrocientas y seicientas especies, nativas de cuasi toda Eurasia y America, anque a suya taxonomía ye muit discutida d'entre os botanicos.

En aragonés, como en altras luengas romances, se sole fer distinción d'entre as especies con fuellas caducas y marcescents, que omne les da nombre de «caixicos» u «caixigos», y as especies que en tienen de perén, que se solen decir «carrascas» u «lecineras». D'entre as especies de «caixicos» con presencia destacable en a Peninsula Iberica se puede mentar o Quercus robur, especie con muita presencia en Europa central y nordica pero que cuasi no se troba en as latituz mediterranias en as que se troba Aragón, y o Quercus petraea, pero as mas numbrosas i son, sin guaire chenero de dubdas, as especies Quercus pyrenaica, dominadera en toda a versant atlantica d'a Peninsula Iberica por estar silicia, y Quercus faginea, substituyindo a l'anterior en puestos con suelos calsinosos.

D'entre as «carrascas», Quercus ilex ye present por toda a Comunidat Autonoma, mesmo que Quercus coccifera, que sole presentar mas port de mata que no d'árbol. Quercus suber, a «zurera», ye una especie poco frecuent.

Se veiga a información de Biquiespecies sobre Quercus.

• Se veigan as imáchens de Commons sobre Quercus.