Bucarest

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bucarest București
Localidat de Rumanía
Estau  • Județ	Rumanía Bucarest
Superficie	228 km²
Población  • Total	30000 hab. (1798)
Altaria  • Meyana	60-90 m.
Codigo postal	010011–062397
Ríos	Dâmbovița
Coordenadas	44°24’48’’N26° 5’52’’E
Bucarest Bucarest en Rumanía
Web oficial

Bucarest (en rumano /bu.kuˈreʃtʲ/ București) ye una ciudat de Rumanía, que ye a suya capital.

A suya población ye de 1.628.426^[1] habitants (2011) en una superficie de 228 km², con una densidat de población de 7.142 hab/km².

Seguntes a leyenda, se diz que Bucarest fue establita por un pastor de nombre Bucur (alegría en rumano). Sindembargo, a ciudat fue establita en o sieglo XIV por Mircea I de Vlaquia ("Mircea lo viello") dimpués de redotar a os otomans.

En 1459, Bucarest yera a residencia de Vlad III lo Empalador (Vlad Țepeș), pero dica o reinato de Radu II (1462-1475) no se tresladó a seu d'a cort de verano de Vlaquia enta la ciudat, que se convertió asinas en a capital de l'estato vlaco.

En 1595 os turcos cremoron a ciudat, que fue reconstruita dimpués; o suyo centro en ixas envueltas yera a carrera d'Uliţa mare, que dende 1589 yera clamata d'os Lipscani, por o nombre d'os naixitos d'a ciudat de Leipzig en Alemanya, que bi teneban comercios. Dende o sieglo XVII Bucarest se convertió en centro economico de Vlaquia, y en 1698, con Constantin Brâncoveanu, se convertió en o centro y capital d'o prencipau de Vlaquia.

En a primera mitad d'o sieglo XIX se disputoron a posesión d'o territorio l'Imperio Austrohongaro, l'Imperio Otomán y l'Imperio Ruso. Asinas, en Bucarest bi habió una guarnición militar de l'Exercito austriaco en 1854, que forachitoron a l'Exercito ruso, que bi yera dende 1853.

En 1861, cuan s'unioron o prencipau de Vlaquia y o prencipau de Moldavia ta formar o nuevo prencipau de Rumanía, Bucarest estió a capital d'o nuevo territorio, y con enchaquia d'ixo a población d'a ciudat crexió, imitando a la ciudat francesa de París; Bucarest yera clamata a chicota París.

O 6 d'aviento de 1916, mientres a Primera Guerra Mundial, dentroron en a ciudat as tropas d'as Potencias Centrals, y bi mantenioron a suya ocupación militar dica a fin d'a guerra en 1918, y transferirioron a capitalidat ta Iași (Moldavia).

Mientres a Segunda Guerra Mundial Rumanía yera aliata con o Terzer Reich, y bi habió bombardeyos aerios de l'aviación d'os Aliaus.

En 1977 bi habió un tierratremo de 7,4 en a escala de Richter, con 1.500 victimas.

O fútbol ye o esporte mes popular y practicato en Bucarest, cuatre equipes d'ista ciudat (Steaua, Dinamo, Rapid y Sportul Studențesc) partecipan en a Liga 1, a primera división de fútbol en Rumania.

• Se veigan as imáchens de Commons sobre Bucarest.
• (ro) Pachina web oficial municipal de Bucarest.
• (ro) Pachina oficial d'a prefectura de Bucarest.
• (ro) Bolsa de Bucarest.
• (ro) Universidat de Bucarest.
• (ro) Universidat Politecnica de Bucarest.
• (ro) Biblioteca Central Universitaria de Bucarest.
• (ro) Aeropuerto Internacional Otopeni-Henri Coanda.
• (ro) Aeropuerto Internacional Baneasa-Aurel Vlaicu.
• (ro) Pachina de RATB (compayía publica de transporte).
• (ro) Metrorex (companyía de metro).