Bronchales

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bronchales
Municipio d'Aragón
Entidat  • País  • Provincia  • Comarca	Municipio  Aragón  Teruel Sierra d'Albarracín
Partiu chudicial	Teruel
Superficie	59,60 km²
Población  • Total  • Densidat	454 hab. (2013) 7,62 hab/km²
Altaria  • Meyana	1569 m.
Distancia  • 55 km	enta Teruel
Alcalde	Francisco Nacher Dobon
Codigo postal	44367
Parroquial  • Diocesi  • Arcipestrau  • Parroquia	Teruel y Albarracín Albarracín Asumpción de Ntra. Sra.
Coordenadas	40°30’32’’N 1°35’18’’U
Bronchales Bronchales en Aragón
Web oficial

Bronchales ye un municipio de la provincia de Teruel, situau en la comarca de la Sierra d'Albarracín. La suya población ye de 454 habitants en una superficie de 59,60 km²con una densidat de población de 7,62 hab/km².

Ye situau en la Sierra d'el Tremedal, (segmento de la Sierra d'Albarracín), cerca de la rambla Cabera, afluent de lo río Gallo. Ye una zona d'estensos pinars de Pinus sylvestris.

Lo termin municipal de Bronchales muga con Pozondón, con mangas de lo termin municipal d'Albarracín que lo desparten de los termins de Monterd d'Albarracín, de Torres d'Albarracín, Tramacastiella y Noguera d'Albarracín, con una partida occidental de lo termin d'Albarracín correspondient a El Puerto, con Oriuela y con un enclau rectangular de lo termin d'Albarracín que lo desepara de Rodenas.

Bi ha importants chacimientos arqueolochicos.

• D'epoca celtiberica tenemos un livel de lo chacimiento de Penyas de Santa Bárbara, un livel de lo Vallejo de la Cañada del Sordo y Castillejo de la fuente del Endrinal.
• D'epoca romana tenemos los chacimientos de Era del castillejo de la fuente del Endrinal y El Endrinal, con una important producción d'alfarería romana tipo Terra Sigillata dende lo zaguer cuarto de lo sieglo I aC dica lo sieglo II. En un vaso d'este material bi ha una famosa representación d'un hombre con cabeza de ciervo que s'ha quiesto relacionar con lo dios galo Cernunnos.

La primera referencia escrita ye en lo "Poema de mío Cid", que fa referencia a lo periodo que perteneixeba a la Taifa d'Albarracín. Poco dimpués de la reconquiesta ye una de las primeras aldeyas documentadas de la sinyoría d'Albarracín, cuan a zaguers de lo sieglo XII lo parroco de Roncales asiste chunto con atros 6 parrocos a la chura d'obediencia de lo bispe d'Albarracín don Martín a l'arcebispe de Toledo.

Bronchales estió una aldeya de la Comunidat d'Albarracín y chunto con Monterd d'Albarracín, Oriuela, Pozondón y Rodenas feba part de la sexma de Bronchales.

Perteneixió a la sobrecullida de Teruel entre 1448 y 1495, a la vereda de Mont Albán en 1646 y a lo correchimiento de Albarracín entre 1711 (cuan encara teneba la categoría d'aldeya) y 1833. Prenió la categoría de lugar en 1785^[1].

Apareixe en lo "Cantar de mío Cid" como Fronchales.

Esto mos indica que ye d'orichen mozarabe a partir de lo latín FRONDEUS, a traviés de formas tipo *FRONDEALES, *FRONDIALES, *FRONDYALES^[2], que fa referencia a la vechetación y fuellas, con evolución de la -DY- latina enta -ch-.

La microtoponimia ye sobre tot en castellano, de fueras de bel toponimo con component aragonés como Mosén Gabriel, Valeampla/Valiampla u Tramasaguas. Trobamos toponimos como Portichuelo, que podrían estar mozarabes. Bi ha microtoponimos intresants dende lo punto de vista cheolochico u botanico como El Berrocal, La Pinada, Pineda la Toga, El Rebollo, ecetra...Lo toponimo Penya Cabezacolosa, que ye un mont de 1770 m d'altaria, recuerda a "Penyagolosa" y puet aduyar a interpretar este atro toponimo.

• Fiesta de la Sopeta, lo día de Sant Roque.

• Dragón de Bronchales.

• www.bronchales.es, pachina web oficial.
• Diccionario de Bronchals
• [1]