Basa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una extensión d'augua; ta la basa d'una columna se veiga Basa (arquitectura).

Una basa^[1][2] u balsa ye una chicota extensión natural d'augua en una fondada d'o terreno u una excavación impermiable feita por a man de l'hombre en un puesto favorable pa poder almacenar augua de plevia. Si no bi ha un mantenimiento adecuau d'estas basas, se plenan de tierra y las canals deixan d'aportar augua.

En a val d'Ebro as basas tradicionals que aproveitaban pa que abrevase o bestiar recibiban a denominación de balsetz, as que se feban servir pa fer blando o vimbre yeran as albercas. As dos son comuns en o paisache d'a val d'Ebro, tamién d'o Sistema Iberico y en atros paisaches mediterranios, tanto de tierra plana como de montanya y semontano, y permitiban aproveitar l'augua de plevia. En os Monegros as basas tienen muita importancia, pero tamién en comarcas con mayor pluviosidat. Ciertos lugars luent d'os ríos tienen una basa a cantos d'o nuclio habitau, basa que se fa celebre a nivel comarcal, por eixemplo a Bassa Martina cerca de Val Chunquera y a Basa de Fórnols en atra localidat d'o Matarranya.

Ciertas basas tradicionals yeran impermiabilizadas con archila compactada en o fondón, teneban as parez feitas de piedra seca u aproveitaban unas caracteristicas d'o terreno favorables a la impermeabilización natural. Tamién se podeban fer de piedra seca de tot, impermiabililizadas con calcina. Podeban estar de dimensions variables, por un regular a partir de 10 m³.

En os reganos modernos as basas, de grans dimensions, son impermiabilizadas con material plastico y tienen como función almacenar augua pa regar.

As basas reculliban l'augua d'una cuenca chicota a on se feban unas canals de tierra que replegaban l'augua y la conduciban enta la entrada d'a basa.

Dende un punto de vista medioambiental as basas mediterranias son importants pa cierta fauna y flora. A biotopo acuatico d'as basas, sigan intermitents u permanents, mantién una relación estreita y intensa con os sistemas ecolochicos terrestres que rodeyan a basa.^[3]

• A flora inclui plantas acuatiques de diversos tipos como os chuncos.
• Muitos d'os animals mes chicoz d'a fauna tipica d'as basas dependen d'o plancton que se i forma.^[4] Són tamién muit comuns os insectos como as libelulas, y anfibios com as ranas, salamandras y guardafuents. Estos atrayen a los animals mes grans como as serpients y aus como o garrapescaire y a polla d'augua.

• (es) César Pedrocchi Renault (coordinador): Ecología de los Monegros. Instituto de Estudios Altoaragoneses.

• Alberca.
• Estanca.
• Gorga.
• Laguna.
• Piedra seca.