Larrede

Larrede Lárrede
Lugar d'Aragón
Ilesia de Sant Pero de Larrede.
Entidat  • País  • Provincia  • Comarca  • Municipio	Lugar  Aragón  Uesca Alto Galligo Samianigo
Partiu chudicial	Chaca
Población  • Total	21 hab. (2016)
Altaria  • Meyana	822 m.
Distancia  • 60 km	enta Uesca
Codigo postal	22666
Chentilicio	larredano
Parroquial  • Diocesi  • Arcipestrau  • Parroquia	Chaca Samianigo Sant Pero
Coordenadas	42°33′14.04″N 00°19′04.75″U
Larrede Larrede en Aragón

Larrede (Lárrede en castellano) ye un lugar aragonés d'a provincia de Uesca situau en o municipio de Samianigo en a comarca de l'Alto Galligo y provincia de Uesca. Pende de l'arcipestrau de Samianigo, en a diocesi de Chaca y archidiocesi de Pamplona y Tudela.

A suya población ye de 21 habitants (2016).

O lugar de Larrede se troba situau a 822 metros d'altaria sobre lo livel d'a mar, a una distancia de 60 km d'a ciudat de Uesca, a capital d'a suya provincia.

Destaca en Larrede a suya ilesia de Sant Pero de Larrede, construyida entre os anyos 1050 y 1060 y adedicada a Sant Pero, que ye la ilesia parroquial d'o lugar.^[1] Representa l'eixemplo mas claro d'as ilesias romanicas de Sarrablo, a sobén clamadas d'estilo larredense, estando antimás una d'as ilesias mas importants d'o romanico aragonés. Ye Molimento Nacional dende 1931 (figura legal substituyida actualment por a consideración como Bien d'Intrés Cultural. Tien planta de cruz latina, a unica de totas as ilesias sarrablesas con ista caracteristica, y cinco finestretas ta lo sud (cuasi totas en tienen tres). Ye construyida en piedra picada chicota y poseye nomás que una sola nau dividida en cinco trampos, con una torre adosada con planta cuadrada, y se troba cubierta con una vuelta de canyón dende la reconstrucción que en 1933 se i fació, dirichida por l'arquitecto Francisco Íñiguez Almech.^[2]

Intresant en l'arquitectura popular de Larrede ye casa Isábal.

Sobre o camín que baixa enta Sant Chuan de Busa bi ye A Torraza, una torre esfensiva situata en frent d'a torre d'Escuer, a l'atro canto d'a val. Dende istas dos torres s'alufra tot Sarrablo y s'emplegaban en a Edat Meya ta acucutar cuan veniban enemigos.

• Se veigan as imáchens de Commons sobre Larrede.