Laina
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
As lainas son sers mitolochicos con forma de muller, pero con partis d'o cuerpo como os piez d'animals. O suyo orichen se puet trobar en Lamia, personache mitolochico grecolatín.
Viven en relación con a naturaleza, mas que mas en ibons, fuents u ríos, por ixo ye posible que as belunas d'as moras aragonesas fuesen en o suyo orichen lainas.
En Euskal Herria se conoixen como lamias u laminak.
As lainas en Aragón
editarAs lainas pueden estar buenas u malas. Asinas en Boltanya se diz que vivioron dos lainas enverenadoras, pero en Aineto en viviban atras que yeran buenas.
En a val d'Onsera as lainas podeban charrar con os onsos y teneban os piez palmeatos como as garras d'os aucos, caracteristica común a las laminak bascas.
D'antis mas se penchaban tot tipo d'amuletos en as puertas d'os lugars d'Aragón ta esfender-se d'os sers maleficos. Muitas vegatas os amuletos yeran partis d'un animal, lo que podeba dirichir-se a sers como as lainas que no podrían endurar veyendo una parti d'o suyo cuerpo mutilata en a puerta.
Se veiga tamién
editarBibliografía
editar- Breve inventario de seres mitológicos fantásticos y misteriosos de Aragón. Chema G. Lera. Prames. ISBN 978-84-8321-268-4