Nicki Minaj

Dialäkt: Mìlhüüserdiitsch

D’ Nicki Minaj ( [nɪki mɪˈnɑːʒ](info) uff Anglisch, [nɪkɪ mɪˈnáːɧ] uff Schpànisch; àmtlig d’ Onika Tanya Maraj-Petty;^[1] * 8. Dezamber 1982^[2] als Onika Tanya Maraj z’ Port of Spain, Trinidad un Tobago) ìsch a Rapperin, R&B- un Popsangera un Schàuischpììlera, wo ìn da Verainigta Schtààta labt. Sa ìsch àui àls „Keeniga vum Rap“ odd’r „Keeniga vum Hip-Hop“ bekànnt.

Sa schteht sitter 2009 bii Young Money Entertainment unter Vertrààg, em Läibel vum àmerikànischa Rapper Lil Wayne; dàs Läibel ìsch verbunda mìt Cash Money, wo vum Rapper Birdman un vum Lil Wayne glaita wìrd. Ìm Jüüni 2010 ìsch sa mìt ìhrem Liad Your Long àm Schpìtzaplàtz vum àmerikànischa Rapliad-Chart vu Billboard ànakumma — doo ìsch sa d’ äärschta wiibliga Rapperin gsìì zitter dr Lil Kim ìhrem Liad Magic Sticks (zamma mìt’m 50 Cent). Sa ìsch àui d’ äärschta Kìnschtlera, wo gliichzittlig mìt sììwa Liader ìm Billboard Hot 100 vertratta gsìì-n-ìsch, un sa ìsch d’ äärschta Kìnschtlera, wo a Nummer-1-Hit ìn jedem Billboard-Genre ghàà hàt. Ìm Jüüni 2015 hàt sa ìhra säckschta BET Award vu dr „Bäschta wiibliga R’n’B & Hip-Hop-Kìnschtlera“ bikumma; doo drbii hàt sa dr Rekord vu dr Missy Elliott gbrocha, wo daa Priis fìmfamol gwunna ghàà hàt. Ìm März 2017 hàt sa drzüa dr Rekord fìr d’ maischta Chartplàtziarunga vun’ra Fràui ìn dr Gschìcht vum àmerikànischa Chart gbrocha.^[3]

Müsikàlisch un komerziäll ìsch d’ Minaj d’ ärfolgriichschta Rapperin ìn dr Walt: Sa hàt äbb 147 Millioona Plàtta verkàuift, 114 Plàtziarunga ìn da Charts ghàà un mehr àss 100 Plàtin-Schàllplàtta bikumma (Schtànd: Septamber 2019). Züadam hàt sa a Prìwààtvermeega vu mehr àss 150 Millioona US-Dollar. Bekànnt ìsch sa àui àls Mìtglìed ìm Jury ìm 12. Schtàffel vu dr berìahmta Farnsahsandung American Idol gsìì.

Ìn dr Nicki Minaj ìhra rìchtiga Nàmma-n-ìsch Onika Tanya Maraj. Uff d’ Walt kumma-n-ìsch sa àm 8. Dezamber 1982 z’ Saint James, ema Schtàdttail vu Port of Spain ìm kàribischa-n-Ìnselschtààt Trinidad un Tobago.^[4] Ìhr Vàtter Robert Maraj (1956–2021)^[5] ìsch Finànzvorschtànd un Gospelsanger gsìì. Ar hàt a àfro-trinidàdischa Müatter un a ìndisch-trinidàdischa Vàtter ghàà.^[6] Ìhra Müatter Carol Maraj ìsch eewafàlls Gospel-Sangera gsìì mìt àfro-trinidàdischa Vorfààhra.^[7] Dr Vàtter ìsch Àlkoholiker un droogasìchtig gsìì.^[8] un ìsch oft gwàlttaatig gsìì.^[9] Ìm Dezamber 1987 hàt’r s’ Fàmìliahüüs ààzunda.^[10] D’ Minaj hàt a älter Brüader nàmmens Jelani,^[11] a jìnger Brüader nàmmens Micaiah^[12] un a jìngera Schwaschter nàmmens Ming.^[13] Dr Fàmìlianàmma Maraj ìsch a Kurzform vum hinduischta Härrschertìtel Maharaj, wo-n-üss’m Sanskrit schtàmmt un „groosser Härrscher“ bediitet.^[14]

Ìhra äärschta fìmf Joohra hàt d’ Minaj zamma mìt ìhrem Brüader Jelani un älf Küsää bii ìhrer Groossmüatter z’ Saint James verbrocht.^[10] Ìhra Müatter hàt ìn da Büachhàltungsàbtailunga vu mehrera-Unternamma z’ Saint James gschàfft,^[15][16] vor äbb sa mìt 24 Joohra d’ US-àmerikànischa „Green Card“ bikumma hàt. Sa ìsch àlso ìn dr Nöi Yorker Schtàdtbezirk Bronx gànga ge laawa un hàt doo àm Monroe College gschtudiart. Schpeeter hàt sa a Hüüs àn dr 147th Street z’ South Jamaica ìm Schtàdtbezirk Queens kàuift. Wu sa fìmf Joohra àlt gsìì-n-ìsch, ìsch d’ Minaj mìt ìhrem Brüader Jelani un ìhrem Vàtter doo kumma ku laawa.^[10] D’ Nicki Minaj hàt àn dr äffentliga Schüal fìr Schàuischpììl un Müüsik LaGuardia High School z’ Manhattan gschtudiart.^[4] Drnooh hàt sa Schàuischpììlera wälla wara. Ànna 2001 ìsch ìm Off-Broadway-Theààterschpìel In Case You Forget z’ sah gsìì.^[17]

Ìn ìhra Liader All Things Go un Autobiography hàt d’ Minaj bekànnt gaa, àss sa ìn ìhra Jugendsjoohra-n-a Àbtriiwung ghàà hàt. Ìn’ma Interview hàt sa gsajt, àss dàs sìe „geploogt“ hàt, àwwer àss sa ìhra Äntschaidung nìt räijt.^[18][19] Mìt 19 Joohra, wu sa Schwiarikaita ìn ìhrer Schàuischpììlkàrriar ghàà hàt, hàt sa àls Källnera ìn’ma Red-Lobster-Gàschthüüs ìm Bronx gschàfft. Sa ìsch àwwer äntloo worra, dänn sa ìsch unheflig geega-n-ìwwer da Kunda gsìì.^[20] Sa hàt schpeeter gsajt, àss sa üss’m saalwa Grund „vu mìndeschtens fufzeh Schtälla“ äntloo worra-n-ìsch.^[21] Sa hàt àui àls Kundaberootera un àls Bürolaitera uff Wall Street gschàfft.^[22]

Ìn dr Minaj ìhr Vàtter Robert Maraj ìsch àm 12. Hornung 2021 uff Long Island vu’ma unbekànnta Otofàhrer ààgfàhra worra. Ar ìsch schpeeter ìm Schpìtààl àn da Folga vu da Verlätzunga gschtoorwa.^[23][24] Dr Otofààhrer ìsch gflìchta, àwwer ìsch a pààr Taag noh-n-em Unfàll fäschtgnumma worra —ar ìsch Sììwazigjaahriger gsìì. Ìm Àuigscht 2022 ìsch’r züa ainem Joohr Gfangniss un era Galdschtroof verurtailt worra.^[25][26]

Ìhra Müssikkàrriar hàt d’ Minaj mìt’m Hip-Hop-Kwàrtätt „The Hoodstars“ ààgfànga, wo-n-a Àbtailung vu dr Nöi Yorker Grupp Full Force gsìì-n-ìsch. Ìm Kwàrtätt hàt sa zamma mìt’m Lou$tar (em Suhn vum „Bowlegged Lou“), em Safaree Samuels (Scaff Beezy) un em 7even Up gsunga.^[27][28] Ànna 2004 hàt sa mìt dr Grupp s’ Iitrìttsliad vu dr WWE-Katschera Victoria-n-uffgnumma, wo „Don’t Mess With“ ghaissa hàt.^[29][30] S’ Liad ìsch uff’m Kùmpilàzioonsàlbum ThemeAddict: WWE The Music, Vol.6 z’ loosa gsìì.^[31] Schpeeter hàt d’ Minaj d’ Grupp Full Force fààraloo un hàt ùff’m soziààla Nätzwark MySpace ìhra äärschta aigena Liader veräffentligt. Ìhra Uffnamma hàt sa àui ìn Litt vu dr Müüsikìndüschtrii gsanda. Ànna 2007 hàt dr Fendi, dr Generààldirakter vum Label Dirty Money Recordings, d’ Minaj fìr 180 Taag unter Vertrààg gnumma.^[32] D’ Kìnschtlera hàt z’äärscht dr Psöidonüm Nicki Maraj gwählt, àwwer hàt’ne schpeeter ìn Nicki Minaj umgwàndelt.^[33] Àlso ìsch d’ Minaj uff dr Dirty Money DVD The Come Up z’ loosa un z’ sah gsìì.^[34] Drnooh hàt dr Lil Wayne mìt ìhra Kontàkt uffgnumma, un baida hann zamma ainiga Liader uffgnumma.

Ìm Jüüli 2007 hàt d’ Minaj ìhr äärscht Mixtape Playtime Is Over veräffentligt.^[35] Uff dr Plàtta sìnn ainiga Liader mìt’m Lil Wayne gsìì. Ìm Àwrìl 2008 ìsch ìn dr Minaj ìhr zwait Mixtape Sucka Free üssagànga.^[36] Üsserdam ìsch d’ Minaj uff dr Tìtelsitta vu dr Hip-Hop-Zittschrìft XXL z’ sah gsìì. Ìm gliicha Joohr hàt sa dr Priis vu dr Bäschta wiibliga Kìnschtlera vum Joohr vu da Underground Music Awards gwunna.

Ìm Àwril 2009 ìsch ìhra dritt Mixtape Beam Me Up Scotty veräffentligt worra. S’ Wark hàt positiva Kritik vu da Sander Black Entertainment Television (BET) un MTV bikumma.^[37][38] Doo druff hàt d’ Minaj a Kìnschtlervertrààg biim Lil Wayne siim Label Young Money Entertainement unterschrìewa, ìn Zammaschàffa mìt Universal Motown Records.^[39] D’ Rapperin ìsch ìn d’ Liader BedRock un Roger That ùff’m Àlbum We Are Young Money vu dr Grupp Young Money z’ loosa gsìì, wo-n-ìm Dezamber 2009 üssagànga-n-ìsch.^[40][41] S’ Àlbum ìsch àm Plàtz 9 vu dr US-Billboard 200 ànakumma;^[42] dàs ìsch ìn dr Minaj ìhra äärschta Plàtziarung ìn’ma Chart gsìì. S’ Wark ìsch àui ìn da USA àls guldiga Schàllplàtta àànärkännt worra.^[43] Drzüa ìsch d’ Sìnggel BedRock àm Plàtz 2 vu dr US-Billboard Hot 100 un àm Plàtz 1 vu dr US-Billboard Hot Rap Tracks gsìì.^[44]

Vor äbb d’ Nicki Minaj ìhra äärschta Sololiader veräffentligt hàt, hàt sa wittera Liader zamma mìt dr Mariah Carey (Up Out My Face (Remix)), em Ludacris (My Chick Bad), em Usher (Lil' Freak), em Sean Kingston (Letting Go [Dutty Love]), em Jeffree Star (Lollipop Luxury) un dr Christina Aguilera (Woohoo) uffgnumma. Ìm Janner 2010 ìsch s’ Mixtape Barbie World üssagànga —dàs Wark hàt jedoch nìt d’ Minaj salbscht veräffentligt, àlso ìn ìhra Àuiga-n-ìsch’s nìt ìhr Mixtape. Àm 13. Àwrìl 2010 ìsch ìhra äärschta Sìnggel Massive Attack ärschìena —s’ Liad hàt sa zamma mìt’m Sean Garrett uffgnumma.^[45] S’ Video vu dr Sìnggel ìsch àm 31. März 2010 veräffentligt worra. S’ Liad ìsch àm Plàtz 22 vu dr US Billboard Hot R&B/Hip-Hop Songs ànakumma.^[46] S’ Liad hàt d’ Hàuiptsìnggel vu dr Minaj ìhrem äärschta-n-Àlbum solla sìì, àwwer waaga-n-em kommerziälla Mìssärfolg ìsch’s üss’m Àlbum àwaggnumma worra.^[47][48]

Àm 1. Jüüni 2010 hàt d’ Minaj ìhr Liad Your Love üss’m Mixtape Barbie World veräffentligt.^[49] Vorhar ìsch s’ Liad vu vìela Ràdiosanger gschpìelt worra gsìì un a groossa-n-Uffmärksààmkait bikumma ghàà. S’ Liad hàt sa àwwer ìn’ra gänderta Versioon uffgnumma —uff’m Mixtape numma-n-a Demo-Versioon gsìì. Bis doo ìsch’s ìhra ärfolgriichschta Sìnggel gsìì; ’s ìsch àm Plàtz 14 vum Billboard Hot 100 ànakumma, so wia-n-àm Plàtz 8 vum Hot R&B/Hip-Hop Songs un àm Plàtz 1 vum Billboard Hot Rap Tracks.^[46] S’ Müüsikvideo-n-ìsch àm 21. Jüüli 2010 veräffentligt worra.^[50] A wittera Sìnggel, Right thru Me, ìsch àm 24. Septamber 2010 üssagànga;^[51] s’ Müssikvideo ìsch ìm Otoower veräffentligt worra.^[52] Drnooh ìsch Moment 4 Life, a Liad zamma mìt’m kànàdischa Rapper Drake, àm 7. Dezamber 2010 ärschìena. Dàs Liad ìsch àm äärschta Plàtz vu dr US Billboard Hot R&B/Hip-Hop Songs un vu dr Billboard Hot Rap Tracks gsìì.^[46]

Àm 11. Dezamber 2010 hàt s’ Àlbum Pink Friday ùff Plàtz 2 ìm US-Billboard 200 ààgfànga, hìnter àm Kanye West siim Àlbum My Beautiful Dark Twisted Fantasy. Àm 19. Februar 2011 ìsch s’ Àlbum àm Schpìtza vum Chart gsìì. D’ Nicki Minaj ìsch d’ äärschta Fràui ìn dr Walt worra, wo sewana Liader üss’ma Àlbum gliichzittlig ìm Billboard 200 ghàà hàt. Sa ìsch àls „Bäschta R&B/HipHop-Sangera“ fìr a Teen Choice Award 2011 nominiart worra. Ìm Àwrìl 2011 hàt d’ Popsangera Britney Spears verkìndigt, àss d’ Minaj sìe uff ìhrer Femme Fatale-Tour beglaita wìrd; doo ìsch d’ Minaj ìm Vorprogràmm gsìì.^[53] Drzüa hàt d’ Minaj ìm gliicha Monet zamma mìt dr Spears àn dr Ke$ha ìhra Remix vun dr Spears ìhra Sìnggel Till the World Ends àls Gàschtsangera mìtgmàcht.^[54] Ìm Àmerikà-n-ìsch s’ Liad àm Plàtz 3 vu da Charts ànakumma.^[55] Ìm Àuigscht 2011 ìsch ìn dr Mìnaj ìhra Sìggel Super Bass eewafàlls àm Plàtz 3 ìm Àmerikà gsìì;^[46] ’s ìsch àlso d’ ärfolgriichschta Sìnggel vun ìhra Kàrriar gsìì. Mìt dam Liad ìsch d’ Minaj ùff Plàtz 8 ìm Groossbritànnia ànakumma;^[56] ìn dam Lànd ìsch’s ìhra äärschta Ärfolg ìm Top-10 gsìì. Fìrs Video vum Liad hàt d’ Minaj ìm Àuigscht 2011 a MTV Video Music Award bikumma^[57] —dàs ìsch ìhra äärschta internàzionààla Müüsikpriis gsìì.

Ìm Nowamber 2011 hàt d’ Minaj zwai American Music Awards bikumma: ainer fìr ìhr äärscht Àlbum Pink Friday —doo hàt sa sìch geega dr Lil Wayne un dr Kanye West duuragsätzt— un dr àndra àls Beliabteschta Rap & Hip-Hop-Kìnschtler.^[58] Ùff dr Victoria’s Secret Fashion Show 2011 hàt sa zamma mìt’m David Guetta-n-ùff dr Bììhna gschpìelt; doo hàt sa ìhra Hit Super Bass so wia-n-ìhra näija Tìtel Turn Me On gsunga, wo sa zamma mìt’m Guetta-n-ùffgnumma ghàà hàt.^[59]

Àm 14. Hornung 2012 hàt ìn dr Minaj ìhr zwait Àlbum Pink Friday: Roman Reloaded solla ärschiina, àwwer dr Termin ìsch uff dr 3. Àwrìl 2012 verschìewa worra. Zamma mìt dr Rihanna ìsch d’ Minaj fìr dr Hit Fly fìr a Virgin Media Music Award nominiart worra. Fìr d’ Grammy Awards 2012 ìsch d’ Minaj ìnsgsàmt dräimol ìn da Kàtegoria „Bäschta Näija Kìnschtlera“, „Bäscht Rap-Àlbum“ un „Bäschta Rap-Performance“ nominiart worra. D’ Wìederveräffentligung vu Pink Friday: Roman Reloaded ìsch ìm Àwrìl 2012 unter’m Tìtel Pink Friday: Roman Reloaded – The Re-Up ärschìena. Uff dara Plàtta sìnn sewana näija Liader gsìì, unteràndrem dr Tìtel Va Va Voom, wo bis doo numma-n-uff dr „Deluxe Edition“ vu Pink Friday: Roman Reloaded gsìì-n-ìsch.

D’ äärschta Sìnggel üss dr Wìederveräffentligung Pink Friday: Roman Reloaded – The Re-Up, The Boys (zamma mìt dr Cassie), ìsch àm 13. Septamber 2012 ärschìena.^[60] Ìn dara Zitt ìsch d’ Nicki Minaj mìt àcht Sìnggels ìn da àmerikànischa Charts gsìì. Dr Tìtel Va Va Voom, d’ nachschta Sìnggel üss’m Àlbum Pink Friday: Roman Reloaded un Pink Friday: Roman Reloaded: The Re-Up, ìsch àm 8. Oktoower 2021 ärschìena. Sa hàt a güater Plàtz ìn da britischa un àmerikànischa Charts ghàà. Àm 3. Nowamber 2012 ìsch d’ dritta Sìnggel, Freedom, uff dr Màrkt kumma.^[61]

D’ viarta Sìnggel üss Pink Friday: Roman Reloaded The Re-Up ìsch High School gsìì mìt’m Lil Wayne. ’S ìsch àm 16. Àwrìl 2013 ärschìena. Bii da Billboard Music Awards 2013 hàt d’ Minaj sewana Nominiarunga bikumma.^[62] Ìm gliicha Joohr hàt sa ìm Fìlm Ice Age 4 – Voll verschoben d’ Schtìmma vu dr Hailey, ema junga Mammut, ìwwernumma. Àb Janner 2013 ìsch d’ Minaj zem äärschta Mol ìm Jury vu dr Farnsahsandung American Idol gsìì, naawa dr Mariah Carey, em Keith Urban un em Randy Jackson.^[63] Ìm Schtàffel druff ìsch sa nìmm ìn dr Sandung gsìì.^[64]

Ìm Àuigscht 2012 hàt d’ Nicki Minaj ìhra äärschta Parfüm Pink Friday vorgschtällt.^[65] Ààfàng Mai hàt sa ìhra zwaita Parfüm Minajesty ìm Diitschlànd uff dr Markt gbràcht.

Ìm Mai 2014 ìsch ìn dr Minaj ìhra äärscha Sìnggel üss’m Àlbum The Pinkprint ärschìena; sa haisst Pills N Potions.^[66] Doo druff ìsch ìm Àguischt 2014 d’ zwaita Sìnggel vum Àlbum, s’ bekànnta Liad Anaconda, üssagànga.^[67] Dia Sìnggel ìsch àm Plàtz 2 vu da àmerikànischa Charts gsìì;^[46] dàs ìsch bis doo ìn dr Minaj ìhra bäschta Plàtziarung mìt’ma Liad gsìì. Àm 28. Oktoower ìsch d’ dritta Sìnggel Only zamma mìt’m Wayne, em Drake un Chris Brown, üssagànga.^[68] Fìr d’ Färderung vum Àlbum hàt Nicki Minaj d’ Sìnggel Feelin’ Myself zamma mìt dr Beyoncé veräffentligt.^[69]

Àm 9. Nowamber hàt d’ Minaj d’ Verlaihung vu da MTV Europe Music Awards 2014 z’ Glasgow moderiart.^[70] Doo ìsch sa salbscht viarmol nominiart worra un hàt a Priis ìn dr Kàtegorii „Bäschter Hip-Hop“ gwunna.^[71] Àm 16. Nowamber ìsch d’ Sìnggel Bed of Lies zamma mìt dr Skylar Grey ärschìena. Ìn dr Minaj ìhr ditt Schtüdioàlbum The Pinkprint ìsch schliasslig àm 15. Dezamber 2014 veräffentligt worra. ’S ìsch bis zem Plàtz 2 vu da àmerikànischa Charts glunga,^[72][73] un bis zem Plàtz 22 ìm Groossbritànnia. Àm 21. Janner 2015 ìsch dr Kurzfìlm The Pinkprint Movie ärschìena, wo-n-ìn dr Minaj ìhra Ex-Beziihung mìt’m Safaree Samuel ärzäählt; ìm Fìlm sìnn d’ dräi Liader „The Crying Game“, „I Lied“ un „Grand Piano“ z’ loosa.^[74][75] Witterscht hàt d’ Minaj zamma mìt’m Drake un em Lil Wayne s’ Liad Truffle Butter uffgnumma. ’S ìsch ìm Janner 2015 àls d’ fìmfta Sìnggel vun ìhrem dìtta-n-Àlbum ärschìena. Bii da Grammy Awards 2015 ìsch d’ Minaj fìr ìhra Liad Anaconda ìn dr Kàtegorii „Bäscht Rap-Liad“ nominiart worra, wia àui ìn dr Kàtegorii „Bäscht Pop-Düätt/Grupp-Performance“ fìrs Liad Bang Bang, wo sa zamma mìt dr Jessie J un dr Ariana Grande uffgnumma ghàà hàt.^[76]

Ìm März 2015 hàt d’ Minaj mìt ìhra Tournee The Pinkprint Tour ààgfànga. ’S sìnn unteràndrem dräi Konzärta-n-ìm Diitschlànd, ain ìn dr Schwiiz un dräi ìm Frànkrììch gsìì. Beglaitet worra-n-ìsch d’ Minaj vum Rapper Trey Songs. Eewafàlls ìm März hàt d’ Zittschrìft Forbes verkìndigt, àss d’ Minaj jeedsjoohr sitter 2010 ìhra Prìwààtvermeega verdoppelt hatt —sa säjg àlso d’ Rapperin, wo dr greeschta kommerziälla-n-Ärfolg ìn dr Walt ghàà hàt. Bii da Nickelodeon Kids Choice Awards ìsch sa ànna 2015 ìn da Kàtegoria „Bäschta Sangera“ nominiart worra un hàt dr Priis vum „Bäscht Liad vum Joohr“ (fìr Bang Bang) gwunna. D’ säckschta Sìnggel The Night Is Still Young üss The Pinkprint ìsch àm 12. Àwrìl 2015 ìm Öiropà un schpeeter ìn da Verainigta Schtààta veräffentligt worra. Ìm Àmerikà-n-ìsch d’ Sìnggel bis zem Plàtz 31 glunga.^[46] Bii da Billboard Music Awards 2015 ìsch d’ Minaj ìn viar Kàtegoria nominiart worra: „Top-Rap-Liad“ mìt Anaconda, Top-Rap-Àlbum mìt The Pinkprint, so wia-n-àls „Top Rap-Kìnschtler“ un „Top-Streaming-Kìnschtler“. Bii da BET-Awards ìsch sa zem säckschta Mool „Bäschter Hip-Hop & R'n'B-Kìnschtler“ worra, hàt àui dr Üüswàhlpriis vu da Züaschàuijer gwunna.^[77]

Àm 17. Jüüli 2015 hàt d’ „The Pinkprint Tour“ ìm Nordàmerikà ààgfànga. Bii da World Music Awards ìsch d’ Minaj fìmf Mol nominiart worra („Bäscht Video“ - Hey Mama, „Bäscht Liad“ - Hey Mama, „Bäschta wiibliga Kìnschtlera“, „Bäschta Live-Uffiahrung“ un „Unterhàlterin vum Joohr“). Bii da MTV Video Music Awards 2015 ìsch sa dräimol nominiart worra: ìn da Kàtegoria „Bäscht wiiblig Video“ un „Bäscht Hip-Hop-Video“ fìr Anaconda, „Bäscht Zammaschàffa“ fìr Bang Bang. Üsszaichent worra-n-ìsch sa mìt’m Priis vum Bäschta Hip-Hop Video.^[78] D’ Priisverlaihung hàt sa mìt’ma Medley üss Trini Dem Girls, The Night Is Still Young und Bad Blood gäffnet —d’ Swift hàt àui àm Liad The Night Is Still Young mìtgsunga.^[79][80] D’ gmainsààma-n-Uffiahrung vu da baida Kìnschtlera ìsch wia-n-a äffentliga Verseehnung gsìì, dänn sa hann a Schtrait uff Twitter ghàà ghàà.^[81]

Àm 1. Septamber 2015 ìsch d’ siebte Sìnggel Trini Dem Girls veräffentligt worra —sa ìsch zamma mìt’m Lunchmoney Lewis uffgnumma worra. Àm 25. Oktoower 2015 ìsch d’ Minaj zem zwaita Mol àls „Bäschter Hip-Hop-Kìnschtler“ üsszaichent worra. Züadam hàt sa zwai Üüsszaichnunga bii da American Music Awards bikumma: dr Priis vum „Liablings-Rap/Hip-Hop-Kìnschtler“ vum „Liablings-Rap/Hip-Hop-Àlbum“. Dr Àlbum-Priis hàt sa fìrs Wark The Pinkprint bikumma, wo-n-ìm Joohr 2014 üssagànga-n-ìsch. Fìr d’ Grammy Awards 2016 ìsch d’ Minaj ìn da Kategoria druff nominiart worra: „Bäscht Rap/Gsungena Zammaschàffa“ fìr Only, „Bäschta Rap-Performance“ fìr Truffle Butter un „Bäscht Rap-Àlbum“ fìr The Pinkprint. Bii da BET Awards 2016 hàt sa zem 7. Mool dr Priis vum „Liablings-Hip-Hop-Kìnschtler“ gwunna.

Àm 4. Hornung 2016 ìsch s’ Liad Down in the DM àls Sìnggel ärschìena. ’S ìsch urschprìnglig àls Solo-Liad vum Yo Gotti uff’m Àlbum The Art Of Hustle veräffentligt worra. D’ Remix-Versioon vum Liad ìsch àm Plàtz 13 vu da àmerikànischa Single-Charts ànakumma. ’S ìsch mehr àss zwai Millioona Mool verkàuift worra un ìsch àls Doppelplàtin üsszaichent worra. D’ Wärsioon vu dr Nicki Minaj ìsch unteràndrem ìn da Charts ìm Diitschlànd, Tschechia un Belgia gsìì.

Ìm Jüüli 2016 ìsch ìm DJ Khaled sii Liad Do You Mind ärschìena, wu d’ Minaj naawa-n-em Chris Brown, em Jeremih, em Future, em August Alsina un em Rick Ross z’ loosa-n-ìsch.^[82] Drzüa hàt d’ Minaj àm Liad Side to Side vu dr Ariana Grande mìtgmàcht, wo-n-uff’m Àlbum Dangerous Woman verräffentligt worra-n-ìsch.^[83] Dr Tìtel ìsch àm 30. Àuigscht 2016 àls Sìnggel ärschìena un ìsch ìn da Charts vu zàhlriicha Lander gsìì. Ìm Groossbritànnia un ìn da Verainigta Schtààta-n-ìsch d’ Sìnggel àm Plàtz 4 gsìì. S’ Liad ìn dr Minaj ìhra 70. Plàtziarung ìm US-àmerikànischa Billboard Hot 100 gsìì. Domìt hàt d’ Minaj noh dr Aretha Franklin d’ zwaita wiibliga Kìnschtlera mìt da maischta Plàtziarunga ìm Chart worra.^[84]

Ìm Harbscht 2016 ìsch s’ Liader Froze vum Meek Mill un Lil Uzi Vert ärschìena, wu d’ Minaj Gàschtmüüsikànta gsìì-n-ìsch. Doo druff ìsch Black Barbies üssagànga, a Promo-Sìnggel, wo d’ Minaj ìn Zammaschàffa mìt’m Produzänt Mike Will Made It uffgnumma hàt —’s Liad ìsch a Remix vu da Rae Sremmurd ìhra Nummer-Ains-Hit Black Beatles.^[85] Baida Sìnggels sìnn ìn da àmerikànischa Charts gsìì. Àm 26. Janner 2017 ìsch s’ Liad Run Up ärschìena, wo ìn Zammaschàfa mìt’m DJ-Trio Major Lazer un em Sanger PartyNextDoor äntschtànda-n-ìsch.^[86] Dr Tìtel ìsch ìn da Charts vu mehr àss 20 Lander gsìì, drunter ìn da Top-20-Plàtziarunga vun àcht Lander. Ìm Hornung 2017 hàt d’ Minaj àn dr Sìnggel Swalla vum Jason Derulo mìtgmàcht; doo ìsch àui dr Rapper Ty Dolla Sign àls Gàschtmüüsikànt z’ loosa gsìì.^[87] Dr Tìtel hàt a waltwitter Ärfolg ghàà.

Àm 24. Hornung 2017 ìsch s’ Liad Make Love mìt’m Gucci Mane veräffentligt worra. ’S hàt a Ärfolg ìn da Verainigta Schtààta ghàà. Drnooh ìsch d’ äärschta digitààla Sìnggel No Frauds ìn Zammaschàfa mìt’m Lil Wayne un em Drake äntschtànda.^[88][89] ’S ìsch ìn da Charts vun àlla diitschschproochiga Lander gsìì, so wia-n-ìn dr oowera Hälfta vum britischa Charts un àm Plàtz 14 vum àmerikànischa Billboard-Charts. Regret in Your Tears ìsch ìn dr Minaj ìhra äärschta Solo-Sìnggel sitter zwai Joohra gsìì;^[90] doo druff ìsch Changed It, a witter Zammaschàffa mìt’m Lil Wayne gsìì.^[91] Veräffentligt worra sìnn àlla dräi Liader àm 10. März 2017. Mìt dara dräi Tìtel hàt d’ Minaj ìhra 76. Plàtziarung ìm Billboard Hot 100 ghàà un hàt àlso dr 40-jaahriga Rekord vu dr Aretha Franklin gbrocha.

Àm 23. März 2017 ìsch d’ Sìnggel Light My Body Up ärschìena, wo d’ Minaj ìn Zammaschàffa mìt’m frànzeescha DJ un Prodüzänt David Guetta uffgnumma hàt.^[92][93] Doo druff hàt ìm Mai 2017 d’ Katy Perry ìhr Liad Swish Swish veräffentligt, wu d’ Minaj àls Gàschtsangera mìtgmàcht hàt. Drnooh hàt d’ Minaj d’ äärschta zwai Sìnggels üss ìhrem Àlbum Queen loo veräffentliga; sa haissa Chun Li un Barbie Tingz.^[94][95] S’ Àlbum hàt d’ Minaj uff dr Met Gala 2018 z’ Nöi York verkìndigt.^[96] S’ Wark hàt z’äärscht àm 15. Jüüni 2018 solla ärschiina, àwwer ’s ìsch schliasslig àm 10. Àuigscht verräffentligt worra —naamlig hàt d’ Minaj Gsundhaitsprobleema ghàà. Dr Tìttel Barbie Tingz ìsch jedoch nìt uff dr ändgìltiga Versioon vum Àlbum gsìì; ar ìsch numma-n-uff dr àmerikànischa Deluxe-Edition z’ loosa. Àm 11. Jüüni 2018 ìsch d’ Promo-Sìnggel Rich Sex veräffentligt worra gsìì, mìt’ma a Gàschtbiitrààg vum Lil Wayne. Àm saalwa Tààg hàt üsserdam d’ Minaj a Walt-Tournee zamma mìt’m Rapper Future ààkìndigt. Weeniga Taag schpeeter, àm 14. Jüüni 2018, hàt d’ Minaj d’ Sìnggel Bed veräffentligt, wu àui d’ Ariana Grande z’ loosa-n-ìsch.

Ìn da àmerikànischa Charts ìsch s’ Àlbum Queen àm Plàtz 2 ànakumma. Uff’m Àlbum sìnn Gàschtbiitraag vum The Weeknd, em Future, dr Foxy Brown, em Eminem un dr Ariana Grande. Viar Taag noh dr Veräffentligung vum Àlbum ìsch Barbie Dreams àls drìtta Sìnggel veräffentligt worra.

Ìm Jüüni 2019 hàt d’ Minaj ìhra Solo-Sìnggel Megatron veräffentligt.^[97] Ìn da USA ìsch s’ Liad ìn dr äärschta Wucha-n-uff Plàtz 20 gsìì —’s ìsch d’ heechschta Plàtziarung vum Wark gsìì.^[98] Ain Moneet schpeeter hàt d’ Minaj ìn dr Farnsahsandung The Tonight Show Starring Jimmy Fallon verkìndigt, àss sa a näi Àlbum düet vorberaita.^[99] Ìm Àguischt hàt d’ àmerikànischa Rapperin Megan Thee Stallion ìhra Sìnggel Hot Girl Summer veräffentligt, wu d’ Nicki Minaj àls Gàschtkìnschterla zamma mìt’m Ty Dolla $ign z’ loosa-n-ìsch.^[100] S’ Liad ìsch ìn Àmerikà bis àm Plàtz 11 vum Billboard Hot 100 gsìì.^[101]

Ìm Septamber 2019 hàt d’ Minaj uff Twitter uff a unärwàrtana Àrt s’ And vun ìhra Müüsikkàrriar verkìndet.^[102] Schpeeter hàt sa ìhra Behàuiptung ruckgangig gmàcht un hàt sìch fìr dàs äntschuldigt.^[103] Ìm Oktoower hàt sa ìhra Fendi-Moodakolläkzioon uffgdäckt, wo-n-ìn Zammaschàffa mìt’m Mode-Label Fendi ärschtànda-n-ìsch. Doo druff hàt sa ìhra Liad Fendi veräffentligt, wo sa mìt’m PnB Rock un em Murda Beatz uffgnumma hàt.^[104]

Üsserdam hàt d’ Minaj d’ Schtìmma vu dr Pinky ìm Film The Angry Birds Movie 2 ìwwernumma, wo ìm Àuigscht 2019 ärschììna ìsch.^[105] Ìm Nowamber ìsch d’ Minaj ìm Liad Bad To You zamma mìt dr Ariana Grande z’ loosa gsìì. S’ Liad ìsch Tail vum Filmmüüsik vu Charlie’s Angels gsìì. ’S ìsch ìn dr Minaj ìhra säckschta Kollàboràzioon mìt dr Grande gsìì.^[106] Witterscht hàt d’ Minaj zamma mìt dr kolumbiànischa Sangera Karol G s’ Liad Tusa uffgnumma, wo àm 7. Nowamber 2019 ärschììna ìsch. S’ Liad ìsch uff Plàtz 42 ìm àllgmainliga àmerikànischa Chart ànakumma un ìsch d’rzüa ìm Top vu vììla àndra Charts. Ìm Hot Latin Songs ìsch dàs s’ Liad mìt zwai Hàuiptkìnschtlerinna mìt soo era Plàtziarung ìn äärschter Wucha gsìì.^[107] Ìn Àrgentinia ìsch Tusa fìmf Moneeta làng àm Schpìtzaplàtz vu da Charts blììwa; domìt ìsch’s d’ längschta Nummer-Ains-Hit ìn dr Gschìcht vum Lànd gsìì.^[108]

Àm 28. Hornung 2020 ìsch d’ Minaj Gàscht-Jury ìn dr äärschta Folga vu dr zwälfta Schtàffel vu dr Farnsahsandung RuPaul’s Drag Race gsìì.^[109] Ìm Vormonet hàt sa àm Liad Nice to Meet Ya vu dr àmerikànischa Sangera Meghan Trainor mìtgmàcht ghàà.^[110] Àm 7. Hornung ìsch ìhra Warba-Sìnggel Yikes üssagànga.^[111]

Ìm Mai 2020 ìsch d’ Minaj ìn’ra Remix-Wärsioon vum Liad Say So vu dr àmerikànischa Rapperin Doja Cat z’ loosa gsìì. Schpeeter ìsch a zwaiter Remix mìt’ma àndra Warsla vu dr Minaj veräffentligt worra. Dr Remix ìsch àm Schpìtzaplàtz vu dr Billboard Hot 100 ànakumma; ’s ìsch ìn dr Minaj wia àui ìn dr Doja Cat ìhra äärschta Nummer-ains-Sìnggel ìn da Verainigta Schtààta gsìì.^[112] ’S ìsch àui s’ äärschta Düätt-Liad mìt zwai Rapperinna gsìì, wo àn dr Schpìtza vum àmerikànischa Charts gsìì-n-ìsch —s’ Liad ìsch àlso vum Guinness World Records üsszaichent worra.^[113]

Àm 12. Jüüni 2020 hann d’ Minaj un dr Rapper 6ix9ine ìhr drìtt Zammaschàffa, Trollz, veräffentligt, wo ìn dr Minaj ìhra zwaita Nummer-Ains-Sìnggel worra-n-ìsch. Àlso ìsch d’ Minaj d’ zwaita Rapperin worra, wo mìt’ra Sìnggel grààd nooh dr Veräffentligung uff dr Schpìtza vu dr Hot 100-Charts ààgfànga hàt —dàs hàt d’ Lauryn Hill ànna 1998 mìt Doo Wop (That Thing) gmàcht ghàà.

Àm 30. Jüüli 2020 hann d’ Minaj, dr ASAP Ferg un dr MadeinTYO fìr dr Tìttel Move Ya Hips zammagschàfft. Äbb ain Monet schpeeter ìsch d’ Minaj ìm Ty Dolla Sign siim Liad Exprensive z’ loosa gsìì; sa ìsch àui ìm Müüsikvideo z’ sah gsìì. Bis àm Andsjoohr 2020 hàt d’ Minaj àn mehrera wittera Liader mìtgmàcht. Sa hàt àui àm 8. Nowamber s’ Liad What That Speed Bout!? mìt’m Mike Will Made It un em YoungBoy Never Broke Again veräffentligt.

Àm 14. Mai 2021 hàt d’ Minaj a näija Wärsioon vun ìhrem Mixtape Beam Me Up Scotty vum Joohr 2009 loo veräffentliga.^[114] ’S ìsch z’äärscht àm Plàtz 2. vu dr Billboard 200 gsìì un ìsch àlso dr bäschta-n-Ààfàng fìr a wiibliga Rap-Mixtape ìm Charts gsìì.^[115] Ìn dr näija Wärsioon ìsch unteràndrem s’ Liad Seeing Green mìt’m Drake un em Lil Wayne gsìì;^[116] dàs Liad ìsch àm Plàtz 12 vu dr Billboard Hot 100 ànnakumma. Àm 9. Jüüli 2021 ìsch d’ Minaj Gàschtmüüsikànta-n-ìm Remix vu Whole Lotta Money mìt dr àmerikànischa Rapperin BIA gsìì.^[117]

Ìm Oktoower 2021 hàt d’ Minaj àm Elton John siim Liad Always Love You mìtgmàcht; doo ìsch àui dr Young Thug Gàschtmüüsikànt gsìì.^[118] Àm 28. Septamber hàt d’ britischa Sangera Jesy Nelson ìhr äärscht Solo-Liad Boyz veräffentligt, wu d’ Minaj mìtgmàcht hàt.^[119] S’ Liad ìsch ìm Groossbitànnia un ìm Irlànd güat plàtziart gsìì. Ìm Oktoower 2021 ìsch d’ Minaj Moderàtoora bii dr säckschta Schtàffel vu The Real Housewives of Potomac gsìì.^[120] Ìm Nowamber 2021 ìsch ìhra Sìnggel Super Bass vu 2011 ìm Àmerikà-n-àls Diamàntplàtta-n-üsszaichent worra;^[121] d’ Minaj ìsch àlso noh dr Cardi B d’ zwaita Rapperin worra, wo salla-n-a Üüsszaichnung fìr a Liad bikumma hàt.^[122] Bii da MTV Europe Music Awards 2021 hàt d’ Minaj zem säckschta Mool dr Priis vum „Bäschta Hip-Hop“ bikumma.

Noh era Pàuisa uff da Soziààla Nätzwark hàt d’ Minaj àm 27. Janner 2022 hàt s’ Liad Do We Have a Problem? mìt’m àmerikànischa Rapper Lil Baby-n-ààkìndigt.^[123] Veräffentligt worra-n-ìsch’s zamma mìt’ma Müüsikvideo-n-àm 4. Hornung.^[124] S’ Video hàt dr Benny Boom gmàcht; doo drìnn sìnn àui d’ Schàuischpììler Joseph Sikora un Cory Hardrict z’ sah.^[125][126] Fìr ìhra Rolla-n-ìm Video hàt sìch d’ Minaj vun dr Angelina Jolie ìhrer Ufftrìtt ìm Fìlm Salt üss’m Joohr 2010 loo beiiflussa.^[124] Ìm Video-n-ìsch àui s’ Liad Bussin, wo-n-eewafàlls a Zammaschàffa mìt’m Lil Baby ìsch;^[127] s’ Liad ìsch àm 11. Hornung veräffentligt worra.^[128] Ìn’ma Interview mìt’m Zane Lowe hàt d’ Nicki Minaj verkìndigt, àss ìhr fìmft Schtüdioàlbum ìm Summer 2022 uff dr Màrkt gbrocht wara wìrd.

Àm 18. März hàt d’ àmerikànischa Rapperin Coi Leray zamma mìt dr Minaj s’ Liad Blick Blick zamma mìt’ma Müüsikvideo veräffentligt. S’ Liad ìsch uff dr Leray ìhrem Debüt-Schtüdioàlbum Trendsetter (2022) z’ fìnda.^[129][130] Züadam hàt àm 25. März 2022 d’ Minaj uff a unärwàrtana Àrt ìhr Liad We Go Up zamma mìt’m Näi Yorker Rapper Fivio Foreign loo veräffentliga.^[131][132] Ìm Àwril ìsch d’ Minaj àm Farnsah ìm „Carpool Karaoke“ vum James Corden ärschììna.^[133][134]

Witterscht ìsch d’ Minaj ìm Jüüli 2022 uff’m Essence Music Festival z’ New Orleans un em Wireless Festival z’ London d’rbii gsìì.^[135][136] Àm 28. Jüüli hàt sa a zwai Mìnüüta lànga Vorschàui vun ìhrem kìnftiga Belehrserii Nicki vorgschtällt, wo vu dr kànààdischa Gsällschàft Bron Studios produziart worra-n-ìsch. Àm 12. Àuigscht 2022 hàt d’ Minaj ìhra Sìnggel Super Freaky Girl veräffentligt.^[137] Schpeeter ìsch a Remix-Wärsioon vum Liad ärschììna, wo Roman Remix haisst, un wu ìn dr Minaj ìhr Alter ego Roman Zolanski z’ loosa-n-ìsch.^[138][139] Ìn dr äärschta Wucha nooh dr Veräffentligung ìsch Super Freaky Girl àm Schpìtzaplàtz vum àmerikànischa Billboard Hot 100 gsìì; dàs ìsch ìn dr Minaj ìhr dritt Nummer-Ains-Hit ìn da USA un ìhr äärscht Solo-Nummer-Ains-Hit. D’rzüa ìsch dàs zitter 22 Joohra s’ äärscht Solo-Liad vun’ra Rapperin mìt’ma Debüü àm Schpìtzaplàtz vu da àmerikànischa Charts gsìì.^[140]

Àm 28. Àuigscht 2022 hàt d’ Minaj s’ Kùmpilàzioonsàlbum Queen Radio: Volume 1 veräffentligt. Uff’m Àlbum ìsch s’ näij Liad Likkle Miss (Remix) mìt’m Skeng z’ loosa.^[141] Àm 9. Septamber ìsch a Remix-Wärsioon vu Super Freaky Girl unter’m Tìtel Queen Mix ärschììna, wo d’ Minaj zamma mìt fìmf àndra Rapperinna (d’ JT, d’ BIA, d’ Katie Got Bandz, d’ Akbar V un d’ Maliibu Miitch) uffgnumma hàt.^[142] Ìm gliicha Moneet hàt dr Rapper Yung Bleu siina Sìnggel Love in the Way veräffentligt, wu d’ Minaj z’ loosa-n-ìsch.^[143] Àm 6. Oktoower 2022 hann d’ Minaj un dr Skeng a witterer Remix vu Likkle Miss veräffentligt, wo The Fine Nine Remix haisst; uffgnumma worra-n-ìsch’r zamma mìt da Kìnschtlerinna Spice, Destra Garcia, Patrice Roberts, Lady Leshurr, Pamputtae, dr Dovey Magnum, Lisa Mercedez un London Hill.^[144] Witterscht hàt d’ Minaj zamma mìt’m Rapper YoungBoy Never Broke Again s’ Liad I Admit uffgnumma, wo-n-àm 21. Oktoower 2022 ärschììna ìsch.^[145] Ìn Nowamber 2022 hàt d’ Minaj zamma mìt dr libàneesischa Sangera Myriam Fares un dr kolumbischa Sanger Maluma s’ Liad Tukoh Taka veräffentligt, wo s’ offiziäll Fan-Liad bii dr Füassbàll-WM ìn Kàtàr gsìì ìsch.^[146]

Àm 3. März 2023 hàt d’ Minaj ìhr Liad Red Ruby da Sleeze àls zwaita Sìnggel vun ìhrer kìnftiga-n-Àlbum loo veräffentliga. Dàs ìsch ìhra äärschta Solosìnggel zitter Super Freaky Girl (2022) gsìì. S’ Video zem Liad ìsch uff’m Fàsnàcht vun ìhrem Geburtslànd Trinidad un Tobago dräijt worra.^[147][148] Ìm Liad ìsch dr Tàkt vum Lumidee ìhrer Sìnggel Never Leave You (Uh Oooh, Uh Oooh) (2003) z’ loosa.^[149] Ìn dr äärschta Wucha-n-ìsch s’ Liad uff Plàtz 13 vum Billboard Hot 100 un uff Plàtz 1 vum U.S. Digital Songs un vum Hot Rap Songs gsìì.^[150] Àm 5. März ìsch d’ Minaj uff a unärwàrtana Àrt uff’m Lil Wayne siim Konzärt biim Faschtschpììl Rolling Loud California 2023 ufftratta.^[151] Ìm Àwrìl 2023 ìsch sa ìm Liad WTF vum YoungBoy Never Broke Again z’ loosa gsìì — dàs ìsch d’ Hàuiptsìnggel vun em siim drìtta Schtüdioàlbum Don't Try This At Home.^[152] Üsserdam hàt sa zamma mìt dr Ice Spice gschàfft fìrs Liad Princess Diana uffnamma, wo àm 14. Àwrìl 2023 ärschììna ìsch — dàs ìsch d’ äärschta Produkzioon vun dr Minaj ìhrem aigana Läibel Heavy On It gsìì.^[153][154] D’ Remix-Wärsioon ìsch d’ äärschta Mìtàrwet zwìscha zwai Fràuija worra, wo bis zem Schpìtzaplàtz vum Billboard Hot 100 glunga-n-ìsch. Domìt ìsch d’ Minaj d’ Fràuija mìt da maischta Nummer-Ains-Hìts ìn dam Chart worra. D’ urschprìngliga Wärsioon vum Liad ìsch uff Plàtz 4 vum Hot 100 un uff dr Schpìtzaplàtz vum Digital Song Sales ànakumma.^[155] D’rnooh hàt d’ Minaj zamma mìt dr diitscha Sangera Kim Petras gschàfft, fìrs Liad Alone uffnamma — d’ Sìnggel ìsch àm 21. Àwrìl üssagànga un ìsch uff’m Tàkt vum Liad Better Off Alone (1999) vu dr Alice Deejay bàuija.^[156] D’ Sìnggel ìsch ìm Top-40 ìn Groossbritànnia gsìì.^[157] Ìm Mai hàt d’ Minaj àm Liad Pound Town 2 mìtgmàcht — dàs ìsch dr Remix vu dr Sìnggel Pound Town vu da Rapper Sexyy Red un Tay Keith.^[158][159] Ar ìsch bis zem Schpìtzaplàtz vum Chart Digital Songs glunga.^[160]

Àm 5. Jüüni 2023 hàt d’ Minaj uff Twitter ààkìndigt, àss ìhr fìmft Schtüdioàlbum àm 20. Oktoower 2023 wurd ärschiina.^[161] Àm 30. Jüüni hàt sa uff da Soziààla Nätzwark verkìndigt, àss s’ Àlbum aifàch „Pink Friday 2“ wurd haissa un àss’s änder àm 17. Nowamber wurd ärschiina.^[162] S’ Àlbum ìsch aigantlig àm 8. Dezamber 2023 uff dr Màrkt gebrocht worra.^[163][164] Ìn dr äärschta Wucha-n-ìsch Pink Friday 2 àm Schpìtzaplàtz vum Billboard 200 gsìì, mìt 228.000 verkàuifta Ainhaita — numma s’ Àlbum Pink Friday: Roman Reloaded vor 11 Joohra hàt a soo groosser Verkàuifszààhl ghàà. Domìt ìsch d’ Minaj d’ wiibliga Rapperin mìt da maischta Nummer-Ains-Àlba ìn da USA worra — d’rbii hàt sa d’ Foxy Brown iig’hoolt.^[165] Pink Friday 2 ìsch s’ maischtverkàuifta Hip-Hop àlbum vun’ra Fràui ìm lätschta Joohrzeehnt gsìì, so wia s’ maischtverkàuifta R&B/Hip-Hop-Àlbum vun’ra Fràui ìm Joohr 2023.^[166] S’ Àlbum hàt àui d’ maischta Schàllplàtta-Verkaif ìn dr Gschìcht vu da USA ghàà.^[165] Üsserdam ìsch Pink Friday 2 s’ Rap-Àlbum vun’ra Fràui gsìì, womm’r ìm lätschta Joohrzeehnt àm maischta ìm Internet gloost hàt.^[165] 14 Liader üss’m Àlbum sìnn schuu-n-ìn dr äärschta Wucha-n-ìm Billboard Hot 100 gsìì; d’ Liader Everybody (zamma mìt’m Lil Uzi Vert) un Needle (zamma mìt’m Drake) sìnn sogààr ìm Top-40 gsìì.^[167] Mìt da Liader Everybody, FTCU un Barbie Dangerous hàt d’ Minaj d’ maischta Top-10-Plàtziarunga (50) ìm Hot Rap Songs ghàà — dàs ìsch sovììl wia dr Kanye West gsìì.^[168] D’rzüa sìnn mehrera Deluxe-Wärsioona vu Pink Friday 2 veräffentligt worra.^{[169][170][171]} S’ Wark ìsch s’ fìmfta Àlbum dr Minaj worra, wo ìn Àmerikà àls Plàtiin-Schàllplàtta üsszaichent worra-n-ìsch.^[172]

Àui ìm Jüüni 2023 hann d’ Minaj un d’ Ice Spice ìhra zwaita Mìtàrwet Barbie World loo veräffentliga — dàs ìsch d’ Müüsik vum Film Barbie gsìì, wo zamma mìt’m Band Aqua uffgnumma worra-n-ìsch. S’ Liad ìsch uff’m Tàkt un Rythmus vu dr Aqua-Sìnggel Barbie Girl (1997) bàuija. S’ Wark ìsch bis zem Plàtz 7 vum Hot 100 un bis zem Schpìtzaplàtz vum Digital Song Sales glunga.^[173] Üsserdam ìsch d’ Minaj uff’m Àlbum Business Is Business vum Young Thug un Pink Tape vun Lil Uzi Vert àls Gàschtkìnschtlera-n-ufftratta — doo ìsch sa ìn da Liader Money (zamma mìt’m Juice Wrld)^[174] un Endless Fashion z’ loosa gsìì.^[175][176] Àm 1. Septamber 2023 ìsch ìhr Liad Last Time I Saw You àls drìtta Sìnggel üss Pink Friday 2 ärschììna. Mìt dam Liad hàt d’ Minaj d’ maischta Nummer-Ains-Sìnggel (25) ìm R&B/Hip-Hop Digital Song Sales ghàà — dàs ìsch mehr àls dr Drake gsìì.^[177] Àm 12. Septamber hàt sa d’ MTV Video Music Awards 2023 ìm New Jersey moderiart — dàs hàt sa àui ìm Vorjoohr gmàcht ghàà.^[178] Ìm Oktoower hàt sa s’ Liad Bahm Bahm veräffentligt — s’ Wark ìsch numma fìr a kurza Zitt uff ìhrer Websitta z’ loosa gsìì.^[179] S’ Liad hann unbekànnta Litt illegààl uff àndra Internet-Plàttforma-n-uffglààda; domìt ìsch s’ Liad ìn d’ Charts vun Apple Music uffgnumma worra, vor äbb sa üss dr Plàttform gleescht worra-n-ìsch.^[180] S’ Liad ìsch schliasslig offiziäll uff’m Àlbum ärschììna.^[181] A pààr Taaga schpeeter ìsch s’ Liad For All the Barbz uff YouTube üssagànga — ìn dam Liad düat d’ Minaj ìwwer’m Tàkt vum Drake siim Liad All the Parties rappa.^[182] Bii da MTV Europe Music Awards 2023 hàt d’ Minaj àls äärschta fàrwiga Kìnschtlera un äärschta wiibliga Rapperin dr Priis „Best US Act“ gwunna.^[183] Àm 12. Dezamber 2023 ìsch a Remix vum Liad Beep Beep zamma mìt’m 50 Cent àls Warbasìnggel üss’m Àlbum Pink Friday 2 ärschììna.^[184] Eewafàlls ìm Dezamber ìsch d’ Minaj uff da Konzärta vum Jingle Ball Tour 2023 vun iHeartRadio z’ Miami un Atlanta-n-ufftratta.^[185] Sa hàt urschprìnglig z’ Chicago solla-n-ufftratta, àwwer ìhr Ufftrìtt ìsch waagem Ärschiina vu Pink Friday 2 ànnüliart worra — sa ìsch vum Lil Wayne ärsätzt worra.^[186] Àm Silvaschter hàt sa a Konzärt ìm Nightclub E11Even z’ Miami gaa.^[187]

Ìm Janner 2024 sìnn d’ Sìnggel Everybody un FTCU üss’m Àlbum Pink Friday 2 ärschììna.^[188][189] Noh dr Veräffentligung sìnn d’ Sìnngel bis ìm Top 25 un Top 15 vum Hot 100 glunga.^[190] FTCU ìsch sogààr àm Schpìtzaplàtz vu da Digital Songs, vu da R&B/Hip-Hop Digital Song Sales un vu da Hot Rap Digital Song Sales ànakumma.^[191]

Àm 26. Janner 2024 hàt d’ Minaj uff Instagram a Schtìckla-n-üss ìhrem Liad Big Foot veräffentligt. Ìm Liad düat sa d’ Rapperin Megan Thee Stallion haftig kritisiara.^{[192][193][194]} S’ Liad ìsch offiziäll àm 28. Janner veräffentligt worra.^[195] Naawa-n-em Liad ìsch a Acapella-Wärsioon ärschììna, fìr àss d’ „Produzänta-n-üss dr gànza Walt ìhr aiganer Tàkt känna màcha“, soo dr Minaj.^[196] Big Foot hann d’ Kritiker un Fans nìt gmeegt: Sa gsajt, àss d’ Produkzioon un dr Täkscht a nììdriga Kwàliteet hann.^{[197][198][199]} S’ Liad hàt zwààr àm äärschta Tààg uff Apple Music un YouTube a pààr Rekorda gebrocha,^[200][201] àwwer àb’m Tààg druff ìsch’s numma weenig g’loost worra. Àm And vu dr äärschta Wucha-n-ìsch’s uff Plàtz 23 vum Billboard Hot 100 gsìì.^[202] S’ Liad ìsch àui ìm Top-10 vum Chart Hot R&B/Hip-Hop Songs ànakumma.^[203]

Bii da 66. Annual Grammy Awards ìsch Barbie World fìrs Bäscht Rap-Liad un Bäscht Liad fìr Wisüalla Meedia nominiart worra.^[204] Ànna 2024 hàt sa àui mìt’m Pink Friday 2 World Tour ààgfànga, fìr ìhr Àlbum färdra. ’S ìsch bis zu doo ìhra greeschta Tournee gsìì. Sa hàt àm 1. März 2024 z’ Oakland (Kàlifornia) ààgfànga un wìrd àm 14. Jüüli 2024 z’ Lüttich (Belgia) schlussgmàcht waara.^[205] Ìm Rààhma vu dr Tournee wìrd d’ Minaj uff verschììdana Faschtschpììler ìn Àmerikà un Öiropà-n-ufftratta.^[206]

Noh dr Zittschrìft Billboard ìsch d’ Minaj ànna 2012 d’ zwaitàktiivschta Müüsikànta uff da Soziààla Nätzwark gsìì.^[207] Uff Instagram ìsch sa d’ Rapperin, wo-n-àm maischta gfolgt wìrd. Naamlig hàt sa mehr àss 200 Millioona Folger un ìsch domìt aina vu da maischtgfolgta wiibliga Müssikànta-n-uff dr Plàfform.^[208][209] Uff Twitter schteht sa unt’r da maischtgfolgta Rapper*na. Doo hàt sa ìm Septamber 2022 mehr àss 26 Millioona Folger ghàà.^[210]

D’ Minaj ìsch vu da Zittschrìfta Allure, Time un XXL àls a „Moodaikoona“ bezaichent worra.^{[211][212][213]} Sa ìsch àui vu Refinery29 àls a „Campschtiil-Ikoona“ bschrììwa worra.^[214] D’ Minaj hàt amol gsajt, àss dr Alexander McQueen, dr Gianni Versace un dr Christian Louboutin ìhra Liablìngsdesainera sìnn.^[215] Ìhra Schtiil hàt d’ Zittung Huffington Post àls „risikoberait“, „ìwwerschpànnt“ mìt „fracha Klaiderwààhla“ bschrììwa.^[216] Üsserdam ìsch d’ Minaj mehrmols ìn dr joohrliga Lischta „Hot 100“ vu dr Zittschrìft Maxim gsìì.^[217][218] Ànna 2014 hàt d’ Minaj ìhra Klaidungsschtiil gandert, fìr a „nàdììrliger“ un „wiicher“ Üssah hàà. Sitterhar düet sa weeniga Bàrrìcka un weenig fàrwiga-n-Ààzììg trààga.^[219]

Ìwwer dr Minaj ìhrem Üsssah ìsch ìn da Meedia vììl grädd worra. Bsunders ìhr Gsaass hàt Uffmarksààmkait ààgezooga.^[220] Uff’m Schakättla vu dr Sìnggel Anaconda (2014) ìsch d’ Minaj mìt fàscht nàcktem Gsaass z’ sah. Ìn da äärschta 24 Schtunda-n-ìsch d’ Müüsikvideo zem Liad äbba 19,6 Millioona Mol glüagt worra.^[221] S’ Video hann vììla Kritiker un Schurnàlìschta-n-àls „Objaktifiziarung“ bschrììwa,^[222] àwwer àndra hann’s üss’ma feminìschta Schtàndpunkt verschtànda.^[223] Friahj ìn ìhrer Kàrriar hàt d’ Minaj hüüfig d’ Bruschta vun ìhra wiibliga Fans signiart, fìr d’ Fràuija-n-ärmaachtiga.^[224]

Ànna 2015 hàt d’ Minaj ìn’ma Interview mìt Vogue ìwwer Feminischmus grädd. Sa hàt gsajt: „Ìch màch Dìnga wo d’ Feminìschta nìt meega, un ìch màch àui Dìnga wo sa meega. Ìch etikettiera mìch nìt. Ìch düa numma d’ Wàhrhait üssààga-n-ìwwer wàs ìch füühl. Ìch main, àss Fràuija därfa màcha, wàs sa acht wälla màcha.“^[225] Ìn’ma Interview mìt dr Zittschrìft Elle ànna 2018 hàt sa ìwwer Säxüàliteet grädd. Ìhra Mainunga sìnn kritisiart worra.^[226][227]

Ànna 2010 ìsch d’ Minaj uff’m Konzärt VH1 Divas Salute the Troops ìn dr Marine Corps Air Station Miramar z’ San Diego gsìì, fìr d’ àmerikànischa Soldààta unterschtìtza. Doo hàt sa zamma mìt dr Katy Perry a Cover vum Liad Girls Just Wanna Have Fun gsunga.^[228][229] Ànna 2011 hàt d’ Kompànii Mattel a Barbie-Puppa mìt’m Kopf vu dr Minaj hargschtällt, wo verschtaigert worra-n-ìsch. Dr Gwìnn hàt maa-n-ìm Project Angel Food gaa, ema Woohltaatigkaitsverain, wo ìn da àrma HIV-positiiwa Litt hìlft.^[230] Noh-n-em Hurrikàn Sandy ìm Nowamber 2012 hàt d’ Minaj 15.000 Dollar ìn dr Food Bank For New York City gschpanda un hàt ìn ìhrer ehamààliga Grundschüal PS 45 ìn ìhrem Haimetviartel Jamaica zem Ärntadànkfascht Puuli vertailt.^[231]

Ìm Mai 2017 hàt d’ Minaj per Twitter ìn 30 vun ìhra Ààhanger vorgschlààga, ìhra Schüalgald àn dr Üniwärsitäät z’ bezààhla. Fìr jeeder gwählta Schtüdant hàt sa zwìscha 500 un 6.000 Dollar gschpanda.^[232] Sa hàt àui verkìndet, àss sa a Woohltaatikaitsverain grìnda wurd, fìr ìn wittera Schtudanta-n-ìhra Schüalgald bezààhla.^[233] Ìm gliicha Moneet hàt sa uff Instagram bekànnt gaa, àss sa sitter a pààr Joohra a Dorf ìn Ìndià hàt düa finànziäll unterschtìtza. Dànk da Schpanda ìsch ìm Dorf a Compüüterzäntrum, a Schniiderhàndwark, Laasaunterrìchta un zwai Brunna gäffnet worra.^[234]

Nohdam àss dr Hurrikàn Harvey d’ Schtàdt Houston getroffa hàt, hàt d’ Minaj àn’ra Uffforderung vum Komiker Kevin Hart uff da Soziààla Nätzwark mìtgmàcht un hàt 25.000 Dollar ìm Rootkritz gaa.^[235][236] Àm 4. Septamber 2018 hàt sa àls Gàscht ìn The Ellen DeGeneres Show mehrera Liader gsunga.^[237] Ìm Làuif vu dr Sandung hann d’ Minaj un d’ Degeneres 150.000 Dollar ìn ìhra Ààhanger gaa —àn dr Àkzioon hàt s’ Unternamma Walmart mìtgmàcht.^[238][239] Ànna 2019 hàt Minaj a Konzärt ìn Saudi-Àrààwia-n-àbgsajt, wial sa vun Àktìwìschta haftig kritisart worra-n-ìsch, nohdam àss d’ Fràuijarachtlera Loujain al-Hathloul waga-n-ìhra Kritik àn dr saudischa Reschiim verhàftet un iigschpärrt worra gsìì-n-ìsch. Schpeeter hàt sa ìn era Mìttailung gschrììwa: „Nooh riifliger Ìwwerleegung [...] maini, àss’s fìr mìch wìchtig ìsch, miina Unterschtìtzung fìr Fràuijarachta, d’ LGBT-Gmainschàft so wia-n-Üssdrucksfräihait klàr z’ màcha.“^{[240][241][242][243]}

Ànna 2020 hàt d’ Minaj 25.000 ìn dr Schüal St. Jude’s Home for Girls ìn ìhrem Haimetlànd Trinidad un Tobago gschpanda —vorhar hàt sa d’ Schüal bsüacht ghàà.^[244] Ìm saalwa Joohr hàt sa bekànnt gaa, àss a Tail vu da Gwìnna üss ìhrem Liad Trollz mìt’m 6ix9ine ìm Bail Project gschpanda wara wurd —s’ Bail Project hàt d’ Kauzioonskoschta vu Litt bezààhlt, wo-n-ìm Làuif vu da Protäschta noh-n-em Tood vum George Floyd ìn da USA fäschtgnumma worra sìnn.^[245]

Mehrera Meedia, wia Billboard, Time, NME, Rolling Stone, NBC News un Cosmopolitan, hann d’ Nicki Minaj àls „Keeniga vum Rap“ (Queen of Rap) bezaichent. Wittera Meedia wia The New York Times, The Washington Post, NPR un Los Angeles Times hann sìe àls „Keeniga vum Hip-Hop“ bschrììwa.^[246][247] Ìn mehrera Zittunga un Zittschrìfta-n-ìsch d’rzüa d’ Minaj àls aina vu da iiflussrichschta Rapper bschrììwa worra.^[248]

Ànna 2012 hàt dr Jon Caramanica vu dr New York Times d’ Minaj àls „d’ iiflussriichschta Rapperin vun àlla Zitta“ beschrììwa, un ànna 2015 hàt d’ Vanessa Grigoriadis vu dr New York Times Magazine sìe àls „d’ greeschta wiibliga Rap-Superschtar“ bezaichent.^[249][250] Ìm Evening Standard hàt dr Jochan Embley d’ Minaj àls aina vu da iiflussriischta Kìnschtler*na vun àlla Zitta bezaichent, un hàt gschrììwa: „Àlles wàs sa màcht ìsch muutig, tàpfer un üssgepräägt – ob ìhra unglàuiwliga Bììhna-n-ààzììg odd’r ìhra Liadtäckschta, wo sa maischterhàft behàndelt un wo da Gschlachterrolla un dr Ethnizitäät grààd ìn d’ Àuiga schtiara.“^[251] D’ Zoe Johnson vun XXL hàt sìe àls „aina vu da wàndlungsfähigschta MCs“ bschrììwa un hàt gsajt, àss sa „Milioona verdiant hàt àn öifoorischa Pop-Hits un tràdizionälla Hip-Hop-Teen, wo-n-ìhrer Wiibligkait un Duurasätzungskràft äntschpraacha“.^[252]

Fìr NPR Music hàt d’ Sowmya Krishnamurthy gschrììwa, àss d’ Minaj „sowohl d’ ìwwerschpànnta, laawensgroossa Barbie-Puppa wia àui s’ glànzvolla Video-Wiib un s’ vorbìldliga àmerikànischa Maidla“ dàrgschtällt hàt. Witterscht hàt sa ärkläärt, àss d’ Rapperin mìt ìhra Alter Egos „s’ Làndschàftsbìld vu da Hip-Hop-Kìnschtler*na ìn dr vergàngana Joohrzehnta àbgandert hàt“.^[253] Ànna 2017 hàt dr Patrik Sandberg vu Dazed behàuipta, àss d’ Minaj „jeeda àndra wiibliga Hip-Hop-Kìnschtlera-n-iighoolt hàt, fìr d’ Ärfolgriichschta ìn dr Gschìcht wara“.^[254] Ànna 2020 hàt dr Nick Soulsby vu PopMatters d’ Minaj bschrììwa àls „d’ bäschta wiibliga Rapperin un d’ bäschta Rapperin ìwwerhàuipt ìn da lätschta zeh Joohra — ohna Gschlachterunterschaidung“^[255] Üsserdam ìsch d’ Minaj ìn dr Zittschrìft Glamour ìn dr Lischta vu da „104 Fràuija, wo d’ Popkültüür vu da Joohra 2010 bschtìmmt hann“ gsìì.^[256]

Ìn dr Zittschrìft XXL hàt d’ Madelin Roth gschrììwa, àss d’ Minaj „ghulfa hàt, a näija Generàzioon vu Rapper*na uff d’ Walt z’ brìnga, wo-n-ìhra Schtiil düen miima“.^[252] Vììla Kìnschtler*na hann äffentlig gsajt, hàt d’ Minaj sìe beiiflusst hàt, drunter d’ Tinashe,^[257] d’ Cher Lloyd,^[258] d’ Cupcakke,^[259] d’ Billie Eilish,^[260] dr Lil Nas X,^[261] d’ Ms Banks,^[262] d’ Asian Doll,^[263] d’ Doja Cat,^[264] d’ Megan Thee Stallion,^[265] d’ Latto,^[266] d’ Shenseea,^[267] d’ BIA,^[268] d’ Lakeyah,^[269] d’ Luísa Sonza,^[270] d’ Coi Leray,^[271] d’ Maliibu Miitch,^[272] d’ City Girls,^[273] d’ Baby Tate,^[274] d’ Rico Nasty,^[275] d’ Flo Milli,^[276] d’ Ivorian Doll,^[277] Angel Haze,^[278] d’ Rubi Rose un d’ Saweetie.^[279] D’ Zittschrìft Billboard hàt d’ Minaj globt, ìnsofarn àss sa dr wiibliga Rap ìn da USA wììder popülààr gmàcht hàt.^[280] Ìm Màgàziin ìsch àui gschrììwa gsìì, àss d’ Minaj mìt mehr àss 140 Liader a „Pop- un Rap-Ikoon“ worra-n-ìsch un àss sa „aina vu da züaverlässigschta Gàschtufffiahrera-n-ìsch, dänn sa hàt àls Gàschtkìnschtlera-n-uff Sìnggels vun àndra Kìnschtler*na zehnta Hits ìn da Charts plàtziart.“^[281] Ìn dr Zittschrìft Complex ìsch gschrììwa gsìì, àss d’ Minaj „a aifàch Liad ìn a Super-Hit kààt verschàffa, numma, wial sa doo drìnn àls Gàscht presänt ìsch“.^[282] Ànna 2012 hàt d’ Caramanica fìr d’ New York Times gschrììwa:

Ànna 2014 hàt dr Erik Nielson fìr d’ àmerikànischa National Public Radio gschrììwa, àss ìn dr Minaj ìhra „Ärfolg ìm vergàngana Joohrzehnt a Üssnàhm gsìì-n-ìsch vu dr ungschrììwana Raagel, àss d’ wiibliga Rapperinna nìmm züa da Elitakìnschtlera gheera.“^[284] Ìn dr Zittschrìft Nylon hàt d’ Demicia Inman gschrììwa, àss d’ Minaj züa da „ärfolgriichschta Rapper*na vum Joohrtoisig“ gheert, un àss sa „geega Fràuijafììndligkait un Benoohtailigung vu da fàrwiga Fràuija ìn dr Ìndüschtrii kampft hàt, fìr ìhra aigana Identitäät un Toon ärschàffa“. D’ Inman hàt witter kommantiart: „Dur ìhra muutiga-n-Ààzììg un bunta Pàrìcka hàt sa Salbschtvertràuija üssgschtrààhlt; ’s hàt àndra Litt beiiflusst, wo dàs uffmarksààm glüagt hann. Sa brüücht nìcks üsser ìhrer Kunscht, wo fìr sìch salbscht schprìcht.“^[285][286]

Fìr ìhra Müüsik hàt d’ Nicki Minaj zàhlriicha-n-Üsszaichnunga bikumma, drunter àcht American Music Awards, zwälf BET Awards, sììwa BET Hip Hop Awards, viar Billboard Music Awards, fìmf MTV Video Music Awards, säcks MTV Europe Music Awards, zwai People’s Choice Awards, ain Soul Train Music Award un viar Teen Choice Awards. Ìnsgsàmt hàt d’ Minaj 10 Nominiarunga bii da Grammy Awards bikumma. Ìhra äärschta Grammy-Nominiarung hàt sa ànna 2010 bikumma, ìn dr Kàtegorii „Bäschta Rap-Ufffiahrung vu’ma Düätt odd’r Grupp“ fìrs Liad My Chick Bad. Ànna 2012 hàt sa dräi Nominiarunga bikumma, unteràndrem fìr d’ Priisa vum Bäschta Näija Kìnschtler un vum Bäschta Rap-Àlbum (fìrs Àlbum Pink Friday). Ànna 2014 hàt sa mìt The Pinkprint ìhra zwaita Nominiarung fìrs Bäschta Rap Àlbum bikumma. Züadam hàt sa viarmol dr MTV Video Music Award fìrs Bäschta Hip-Hop-Video bikumma —fìr d’ Liader Super Bass, Anaconda, Chun-Li un Do We Have a Problem?—, un ainmol dr Priis vum Bäschta Wiibliga Video fìrs Liad Starships. D’ Minaj ìsch d’ äärschta Fràui worra, wo ìn dr Lischta „Hip Hop Cash Kings“ vu dr Zittschrìft Forbes iitrajt worra-n-ìsch —d’ Lischta-n-ìsch hàt’s sitter 2007 gaa. Ìn dara Lischta-n-ìsch sa àui ànna 2011 un 2014 gsìì.^{[287][288][289]}

Ìm Joohr 2010 hàt d’ Minaj àls äärschta wiibliga Solo-Kìnschtlera gliichzittig sììwa Liader ìm Billboard Hot 100 ghàà; sa ìsch àui àls äärschta Fràui ìn dr MTV’s Annual Hottest MC List gsìì —dia Lischta gìtt’s eewafàlls sitter 2007.^[290][291] Ànna 2011 ìsch d’ Minaj Säckschta ìn dr Lischta „Kings of Hip-Hop“ vu dr Zittschrìft Rolling Stone gsìì; d’ Ordnung äntschprìcht dr Ànzàhl àn Müüsikverkàuifa so wia da Schtàtistika-n-uff da soziààla Nätzwark.^[292] D’rzüa ìsch d’ Minaj d’ ainzelna Rapperin, wo sììwamol hìnterànander dr BET Award fìr d’ Bäschta Wiibliga Hip-Hop-Kìnschtlera bikumma hàt.^[293][294] Ànna 2013 ìsch sa mìt 44 Liader d’ wiibliga Rapperin mìt da maischta gliichzittiga Chartplàtziarunga-n-ìm Billboard Hot 100. Sa ìsch àlso —dr Mariah Carey gliichschtehend— àm Plàtz Sììwa unt’r da wiibliga Kìnschtlerinna vun àlla Müüsikrìchtunga.^[295]

D’ Nicki Minaj hàt ainunzwànzig Sìnggels ìm Top-10 vum Billboard Hot 100 plàtziart —dàs ìsch mehr àss jeena wiibliga Rapperin. Säcks vu’na sìnn Solo-Liader gsìì.^[296][297] Ànna 2017 hàt sa dr Rekord vu da maischta Chartplàtziarunga-n-ìm Hot 100 gebrocha —domìt hàt sa d’ Aretha Franklin iighoolt. Ànna 2018 hàt sa àls äärschta Fràui 100 Plàtziarunga ìm Hot 100 ärziilt. Biim Rekord vu da maischta Hot 100-Plàtziarunga vun’ra wiibliga Kìnschtlera ìsch sa ìm Dezamber 2020 vu dr Sangera-Liadermàcha Taylor Swift iighoolt worra.^{[298][299][300][301]} Sitterhar ìsch sa nooh dr Swift d’ Fràui mìt da zwaitmaischta Plàtziarunga-n-ìm Chart.^[302] Ànna 2019 ìsch d’ Minaj vu Billboard Women in Music mìt’m Game Changer Award üsszaichent worra.^[303][304]

Ìm Joohr 2019 ìsch ìhra Kollàboràzioon mìt dr Karol G, Tusa, zwaimol bii da Latin Grammy Awards nominiart worra.^[305] S’ Liad ìsch dr längschta Nummer-Ains-Hit ìm Chart Argentina Hot 100 worra, mìt 25 Wucha àm Schpìtzaplàtz.^[306][307] Ànna 2020 hàt d’ Minaj àls zwaita Fràui mìt ìhrem Liad Trollz ìn Zammaschàffa mìt’m 6ix9ine a zwaiter Nummer-Ains-Hit ìm Hot 100 ghàà.^[307] Domìt ìsch sa àui d’ äärschta Fràui worra, wo-n-a Nummer-Ains-Plàtziarung grààd nooh dr Veräffentligung ghàà hàt —sitter dr Lauryn Hill ànna 1998.^[307] Ìm saalwa Joohr ìsch sa àui d’ wiibliga Kìnschtlera gsìì, wo m’r àm maischta-n-uff Spotify gloost hàt.^[308] Ànna 2021 ìsch ìhr Müüsikvideo vu Anaconda s’ äärschta wiibliga Solo-Rapliad mìt mehr àss einem Milliàrda Züaschàuijer uff YouTube worra.^[309]

Ìnsgsàmt hàt d’ Minaj uff YouTube àcht Müüsikvideos mìt je ìwwer ainem Milliàrda —sa ìsch d’ äärschta wiibliga Rapperin, wo dàs ärziilt hàt. Naawa dr Rihanna ìsch sa d’ ainzelna wiibliga Müüsikànta mìt àcht Videos mìt je ìwwer ainem Milliàarda Züaschàuijer.^[310][311] Ànna 2016 ìsch sa uff dr joohrliga Lischta Time 100 vu da iiflussriichschta Litt uff dr Walt gsìì. Sa ìsch àui uff ainer vu da Tìtelsitta vu dr Zittschrìftsufflààg z’ sah gsìì.^[312][313] Naawadràà ìsch sa uff Plàtz Àcht ìn dr Lischta vu da bäschta Rapper*na vu da Joohra 2010 vu dr Zittschrìft Complex ànakumma —ìn dr Lischta-n-ìsch sa d’ ainzelna wiibliga Rapperin gsìì.^[314] Vu dr gliicha Zittschrìft ìsch sa àls d’ „Bäschta Rapperin àm Laawa“ vum Joohr 2014 ärnännt worra.^[315]

Ìm Septamber 2012 hàt d’ Nicki Minaj ìhra aigana Parfüüm-Linia uff dr Màrkt gebrocht. Fìr ìhra äärschta Duftschtoff „Pink Friday“ vorschtälla, hàt sa a Pàrtnerschàft mìt’m Progràmm „Give Back Brands“ unterzaichent.^[316] Dr Duftschtoff ìsch ànna 2013 bii da FiFi Awards ìn dräi Kàtegoria nominiart worra: Duftschtooff vum Joohr, Bäschta Verpàckung un Meediakàmpàània vum Joohr.^[317] Ìm Àwrìl 2013 ìsch d’ näija Wärsioon „Pink Friday: Special Edition“ üssagànga, un ìm Dezamber 2013 ìsch d’ „Pink Friday: Deluxe Edition“ uff dr Màrkt gebrocht worra.^[318]

Ìhra viarta Parfüüm „Minajesty“ hàt sa ìm Septamber 2013 iigfiahrt.^[319] Dr „Minajesty: Exotic Edition“ hàt sa ìm Jüüni 2014 uff dr Màrkt gebroocht; ar ìsch numma durs Home Shopping Network z’ kàuifa gsìì. Ìhra säckschta Duftschtoff „Onika“ hàt sa ìm Septamber 2014 uff dr Màrkt gebrocht.^[320] Ìm Joohr druff hàt sa ìhra sììbta Parfüüm „The Pinkprint“ iigfiahrt, fìrs nàmmensgliicha-n-Àlbum befäärdra.^[321] Ànna 2016 hàt sa ìhr àchta Produkt iigfiahrt, wo „Trini Girl“ haisst.^[322] Ànna 2018 hàt sa ìhra niinta Parfüüm uff dr Màrk brocht, fìr ìhr nàmmensgliich Àlbum befräärdra.^[323]

Ìm Làuif vun ìhrer Kàrriar hàt d’ Minaj Pàrtnerschàfta mìt mehrera Konzärner ghàà, fìr Produkta unterschtìtza bzw. uff dr Màrkt brìnga. Sa hàt gsajt, àss ìhra Ärfààhrung bii dana Pàrtnerschàfta ìhra ghulfa hàt, ìhra aigana Produkta iiz’fiahra.^[324] Ìm Nowamber 2010 hàt sa ìhra äärschta Pàrtnerschàft mìt dr Màrka MAC Cosmetics ghàà, fìr viar Taag làng dr Lìppelschtìft „Pink 4 Friday“ verkàuifa —domìt hàt sa ìhr Àlbum Pink Friday befäärdert.^[325] Ànna 2011 hàt d’ Minaj àm Times Square àn dr Vorschtällung vu dr Kàmerà Casio TRYX mìtgmàcht.^[326] Ìm saalwa Joohr hàt sa a Kollekzioon üss säcks Nààgellàcka fìr d’ Firmà OPI Products äntwìckelt. D’ Fàrwa sìnn je noh ainem Liadtìtel vu dr Minaj gnännt.^[327]

Ìm Àwrìl 2012 hàt d’ Minaj àm Times Square àn dr Iifiarhung vum Smartphone Nokia Lumia 900 mìtgmàcht. Doo hàt sa a Konzärt gaa, wu sa Liader üss ìhrem Àlbum Pink Friday: Roman Reloaded gsunga hàt. Drunter hàt sa a schpeziälla Remix-Wärsioon vum Liad Starships uffgfiahrt.^[328] Ìm Moneet druff ìsch sa ìn’ra Reklam fìr d’ „LiveForNow“-Kàmpàània vu dr Màrka Pepsi ufftratta. Ìn dr Reklam ìsch a Tail vun ìhrer Sìnggel Moment 4 Life z’ loosa.^[329] Ìm gliicha Joohr hàt d’ Minaj zamma mìt’m Ricky Martin d’ Viva Glam-Kàmpàània unterschtìtzt, wu maa 270 Millioona Dollar fìr dr Mac AIDS Fund gsàmmelt hàt.^[330][331] Fìr d’ Viva Glam hàt d’rzüa d’ Minaj ìm Hornung 2012 ìhra aigana Lìppelschtìftlinia vorgschtällt; àn dr Vorschtällung hàt eewafàlls dr Ricky Martin mìtgmàcht.^[332][333]

Zamma mìt’m Desaigner Jeremy Scott hàt d’ Minaj a Pàrtnerschàft mìt Adidas fìr d’ Kàmpàània Harbscht un Wìnter 2012 unterschrììwa; domìt ìsch sa ìn Internet-Reklama fìr d’ Produktlinia Adidas Originals ufftratta.^[334] Ìhra Ufftrìtt ìsch z’ Brooklyn dräijt worra; ìn dr Reklam ìsch ìhr Liad Masquerade z’ loosa. Ìn dr Reklam sìnn àui dr Big Sean, dr Derrick Rose, dr Sky Ferreira un d’ Girlgrupp 2NE1 ufftratta.^[335] Àm Ààfàngsjoohr 2013 hàt d’ Minaj fìr d’ Firma Kmart ìhra aigana Produktlinia „The Nicki Minaj Collection“ iigfiahrt, wo-n-üss Klaider, Schmucka un eläktrischa Hüüshàltsgraater bschteht.^[336] Üsserdam hàt sa ìm Àwrìl 2013 ìn Pàrtnerschàft mìt Beats Electronics ìhra Lüütschpraacher „Pink Bill“ uff dr Màrkt gebrocht. Fìr dr Produkt befäärda ìsch sa ìm gliicha Moneet zamma mìt’m Komiker DeRay Davis ìn’ra Reklam ufftratta.^[337][338]

Ìm Jüüni 2013 hàt d’ Minaj zamma mìt dr Farnsahproduzänta Mona Scott-Young d’ Getrankerlinia MYX Fusions uff dr Màrkt gebrocht —’s ìsch a Muschkatwii mìt Fruchta drìnn, wo ìn klaina Flaschla z’ drìnka-n-ìsch. Schpeeter sìnn àui wittera Getranker üss Sangria, Rosé un Chardonnay gsìì.^[339] D’ Minaj ìsch Mìtbesìtzera, Kreàtiivschäffin un Màrkabotschàftera vu dr Linia.^[340] Ìm Hornung 2014 hàt sa a Friahjoohrmooda fìr d’ Màrka Kmart iigfiahrt.^[341][342] Schpeeter ìm Joohr hàt sa a Summer- un Harbschtmooda fìr d’ saalwa Màrka-n-uff dr Màrkt gebrocht.^[343][344] Ìm saalwa Joohr ìsch d’ Minaj d’ Hàuiptfiguur vu dr Summerkàmpàània vu Roberto Cavalli gsìì.^[345]

Ìm März 2015 ìsch bekànnt worra, àss d’ Minaj Mìtbesìtzera vu dr Müüsik-Streamingplàttform Tidal ìsch. Uff dara Plàttform fìndet maa vor àllem Müüsikschtìckla ìn verluschtfräijer Kùmprässioon so wia Müüsikvideos ìn heecher Uffleesung. Naawa dr Minaj un em Konzärnbesìtzer Jay Z sìnn säckszeh wittera Tailìnhààwer, drunter d’ Beyoncé, d’ Madonna, d’ Rihanna un dr Kanye West.^[346] Ìm Nowamber 2015 hàt d’ Minaj a Urlàuibsmooda fìr Kmart un d’ verbundena Online-Iikàuifsplàttform ShopYourWay iigfiahrt.^[347]

Ìm Septamber 2017 hàt sa ìn Pàrtnerschàft mìt MAC Cosmetics zwai Lìppelschtìfta „Nicki’s Nude“ un „The Pinkprint“ uff dr Màrkt gebrocht.^[348][349] Ìm Nowamber 2017 ìsch sa naawa dr Anna Ewers, dr Mariacarla Boscono, em Jesse Williams, dr Charlee Fraser un dr Elibeidy Dani ìn dr H&M Urlàuibskàmpàània z’ sah gsìì.^[350] Ìm Àuigscht 2018 ìsch sa naawa-n-em Lil Dicky, em Quavo un àndra Pärseenligkaita ìm Vorschàui vum Videoschpììl Madden NFL 19 vun EA Sports z’ sah gsìì.^[351][352] Ìm Nowamber 2018 hàt sa zamma mìt’m Quavo un em Chris Redd àn dr Warbungskàmpàània vum Videoschpììl mìtgmàcht.^[353][354]

D’ Minaj ìsch vu 2003 bis 2014 ìn’ra Beziihung zem Rapper Safaree Samuels gsìì.^[355] Sa hàt em a Hiirootsààtràg g’màcht, àwwer ar hàt’na àbg’leehnt.^[356] Vum Ààfàngsjoohr 2015 bis ìm Janner 2017 ìsch sa ìn’ra Beziihung mìt’m Rapper Meek Mill gsìì.^[357][358] Ìm Dezamber 2018 hàt d’ Minaj a Beziihung mìt ìhrem Kìndhaitsfrìnd Kenneth „Zoo“ Petty ààg’fànga — dr Petty ìsch àm 7. Àwrìl 1978 uff d’ Walt kumma. Ìm Oktoower 2019 hàt sa bekànnt gaa, àss sa em g’hiiroota hàt. Zitterhaar düat sa dr Eehanàmma „Maraj-Petty“ trààga.^{[359][360][361]} Ìm Jüüli 2020 hàt sa uff Instagram ìhra Schwàngerschàft bekànnt gaa.^{[362][363][364][365]} Ìhr Suhn, wo sa äffentlig „Papa Bear“ nännt, hàt sa àm 30. Septamber 2020 z’ Los Angeles uff d’ Walt gebrocht.^[366][367] Wu sa ìm Janner 2021 zem äärschta Mol Bìlder vum Suhn uff’m Internet zaigt hàt, hann’na vììla B’nutzer b’laidigt: Sa hann g’sajt, àss’r „fattig“ un „hasslig“ ìsch.^[368][369]

Ìn dr Minaj ìhr Eehamànn Kenneth Petty ìsch ànna 1995 zem Zuchthüüs verurtailt worra, dänn’r hàt a 16-jaahriga Maidla wälla vergwàltiga. Ar ìsch viarahàlb Joohra-n-ìm G’fangniss blììwa un ìsch zitterhaar ìm Bundesschtààt Näi York àls Säxüällschtrooftaater iig’schrììwa.^[370][371] Witterscht hàt’r ànna 1999 a Mànn zammag’schossa un ìsch d’rfìr àb März 2006 züa 10 Joohra Zuchthüüs veurtailt worra. Ar ìsch numma sììwa Joohra làng iig’schpärrt worra un ìsch ànna 2013 fräig’loo worra — ar ìsch bis 2019 unt’r Uffsìcht blììwa.^[371][372] Ìm Jüüli 2019 ìsch’r fäschtg’numma worra, dänn’r hàt sìch nìt ìn Kàlifornia àls Säxüällschtooftaater loo regischtiara, wu-n-’r doo kumma ku laawa-n-ìsch. Ar hàt äbba 20.000 Dollar müassa bezààhla, fìr fräiloo waara. Ànna 2020 ìsch’r üss’m saalwa Grund vor’ma kàlifornischa Bundesg’rìcht ärschììna un ìsch geega 100.000 fräig’schproocha worra, àwwer hàt Süüdkàlifornia nìt därfa fààraloo.^[373] Ìm Jüüli 2022 ìsch’r züa dräi Joohra B’waahrung verurtailt worra.^[374][375]

Ànna 2024 hàt d’ Minaj uff TikTok bekànnt gaa, àss sa noch nìt d’ US-Schtààtsbìrgerschàft hàt. Ìn ìhra Àuiga hatt z’mìndescht dr Schtàtüss vun’ra Eehrabìrgera verdiant, dänn sa hàt zem Lànd vììl gebrocht un hàt ìm Lànd vììla Schtiira bezààhlt.^{[376][377][378]}

D’ Minaj ìsch amol mìt Oxycodon b’hàndelt worra un ìsch fìr a kurza Zitt d’rvuu sìchtig gsìì.^{[379][380][381]} Ìm Mai 2024 ìsch d’ Minaj àm Fluughààfa vun Amsterdam verhàfta worra, wial sa a klaina Mänga Marihuana uff sìch g’hàà hàt. Waagadam ìsch ìhr Konzärt z’ Manchester ìm Rààhma vu dr „Pink Friday Tour 2“ àbg’sajt worra.^{[382][383][384]}

Mixtapes

• Playtime Is Over (2007)
• Sucka Free (2008)
• Beam Me Up Scotty (2009, Wììderuffgààb ànna 2021)

Schtüdioàlba

• Pink Friday (2010)
• Pink Friday: Roman Reloaded (2012)
• The Pinkprint (2014)
• Queen (2018)
• Pink Friday 2 (2023)

Àls Schàuischpìelera

• Ice Age 4: Voll verschoben (Schtìmma; 2012)
• Die Schadenfreundinnen (2014)
• Barbershop 3: The Next Cut (2016)
• The Angry Birds Movie 2 (2019)

àm Farnsah

• Nicki Minaj: My Time Now (VMA Footage; 2010)
• E! Special: Nicki Minaj (Journey to fame; 2011)
• Nicki Minaj: Day In The Life (Behind the szenes footage; 2012)
• Nicki Minaj: My Truth (Miniserie; 2012)
• American Idol (Jury-Mìtglìed ìm Schtàffel 12; 2013)
• Steven Universe (Sugilite; Coach Steven 2014)
• Nicki Minaj: My Time Again (VMA Footage; 2015)
• The BET Life of Nicki Minaj (Documentary; 2015)
• RuPaul’s Drag Race (Jury-Mìtglìed ìm Schtàffel 12; 2020)

Sunschtigs

• The Come Up DVD: Volume 11 (2007)
• The Come Up DVD: Volume 17 (2008)
• Romans Revenge DVD (2012)
• The Re-Up DVD (2012)
• The Pinkprint Movie (Kurzfìlm; 2015)
• Do We Have A Problem? (Kurzfìlm; 2022)

• Ìn dr Nicki Minaj ìhra offiziälla Websitta (anglisch)
• Kanal von Nicki Minaj uf YouTube
• The Nicki Minaj Network, a Fan-Websitta (anglisch)
• dr Wiki Minaj bii Fandom (anglisch)
• d’ Nicki Minaj bi Allmusic (änglisch)
• d’ Nicki Minaj bi Discogs (änglisch)
• d’ Nicki Minaj bi MusicBrainz (änglisch)
• ìn dr Nicki Minaj ìhra Liadtäckschta bii Genius (anglisch)
• d’ Nicki Minaj bii Billboard (anglisch)
• d’ Nicki Minaj in dr Internet Movie Database
• Literatur vu de un iber d Nicki Minaj im Katalog vu dr Dütsche Nazionalbibliothek

Dr Artikel „Nicki Minaj“ isch einer vo de bsunders glungene Artikel. Churz zämmegfasst, isch de Artikel sproochlig un stilistisch vorbildlich gschriibe, bhandlet alli wichtigi Aspekt vum Thema ussfierlich, isch sachlig korrekt un sorgfältig mit Quelle belait, glunge gstaltet un profilgrächt. Alli sin härzlich yyglade wyter aa däm Artikel z schaffe, z erwyytre un z verbessre!

Dä Artikel basiert uff ere fräie Übersetzig vu dere Version vum Artikel „Nicki_Minaj“ vu de änglische Wikipedia. E Liste vu de Autore un Versione isch do z finde.

Dä Artikel basiert uff ere fräie Übersetzig vu dere Version vum Artikel „Nicki_Minaj“ vu de dütsche Wikipedia. E Liste vu de Autore un Versione isch do z finde.