咖喱
(由咖哩醬跳轉過嚟)
想搵綽號「咖喱」嘅香港女藝人嘅話，請睇黃雅慧。
咖喱（粵拼：gaa3 lei1）係由好多種香料撈埋一齊整出嚟嘅醬。佢係源自印度，成日响印度菜、泰國菜度見到，通常會跟肉類同飯一齊食。
咖喱係一種多樣變作同特殊咁調過味嘅菜餚，最出名嘅印度同埋泰國烹調法，仲有日本嘅日式咖喱，所以咖喱已經成為亞太區主流菜式之一。除咗茶之外，咖喱係少數真正泛亞嘅飲食。印度口味係以混合各方嘅風格而做出含有異國風情菜式而聞名嘅。
各地咖喱
[編輯]港式咖喱
[編輯]
據聞20世紀初香港嘅酒店西餐餐牌已經有咖喱，後嚟駐港印度軍人同埋尼泊爾啹喀兵跟英軍嚟香港，咖喱亦都流入警隊。之後有印巴裔廚師出去開店，咖喱流入民間，不過而家一般茶餐廳同快餐店供應嘅咖喱（例如咖喱雞同咖喱魚柳）多數都基於馬來西亞咖喱。[1][2]
唔同地方嘅咖喱用嘅香料粉其實差唔多，主要有黃薑粉、香茅粉、豆蔻粉、丁香粉呢啲，不過分量唔同，煮嗰時用嘅材料又唔同，就會整到唔同濃度、辣度同鹹甜度嘅咖喱。印度咖喱用嘅香料多，孜然粉同香茅粉比例多，而且唔落椰奶，味道偏辣，而馬來西亞咖喱就加咗椰漿，令味道甜啲滑啲，比較適合香港人嘅口味。港人口味嘅馬來西亞咖喱會用10幾種嚟自東南亞嘅香料，又會加砂仁粉提香。港式咖喱配菜無特定，比如會落青椒、紅椒、洋葱同埋芫荽呢啲。[1][3]
參考
[編輯]- ↑ 1.0 1.1 〈港式咖喱是這樣煉成的 - 20190806 - CULTURE & LEISURE〉。《明報 Our Lifestyle》 (繁體中文)。喺2024-09-30搵到。
- ↑ 〈回歸10年百人誌 英軍飯堂落入民間 咖喱飄香 ｜ 蘋果日報〉。web.archive.org。2021-03-29。原著喺2021-03-29歸檔。喺2024-09-30搵到。
- ↑ 〈飲食嘗識之港式咖喱又關馬拉事〉。《on.cc東網》 (香港中文)。2019-06-07。喺2024-09-30搵到。
 |