水谷隼

水谷隼

個人資料
出世	(1989-06-09) 1989年6月9號（35歲） 日本靜岡縣磐田市
運動
運動	乒乓球
獎牌紀錄 日本 男子乒乓球 夏季奧林匹克運動會 冠軍 2020年 東京 混合雙打 亞軍 2016年 里約熱內盧 男子團體賽 季軍 2016年 里約熱內盧 男子單打 世界乒乓球錦標賽 亞軍 2016年 吉隆玻 男子團體 季軍 2008年 廣州 男子團體 季軍 2009年 橫濱 男子雙打 季軍 2010年 莫斯科 男子團體 季軍 2012年 多蒙特 男子團體 季軍 2013年 巴黎 男子雙打 季軍 2014年 東京 男子團體 亞洲運動會 季軍 2010年 廣州 男子單打 季軍 2010年 廣州 男子團體 季軍 2014年 仁川 男子團體

水谷隼（粵拼：seui2 guk1 jeun2，日文：水谷 隼／みずたに じゅん ^{Mizutani Jun}，1989年6月9號—）係日本乒乓球員。佢響里約奧運攞到乒乓球男子團體嘅亞軍同埋單打嘅季軍，響東京奧運乒乓波混合雙打拍住伊藤美誠攞到金牌。

水谷1989年響靜岡縣磐田市出世，亞爸亞媽都係一位對乒乓波有經驗嘅人；佢仲有一個大佬同一個細妹。自細無論係足球、籃球定係排球都打得唔錯。佢本身係右優，但由於亞爸亞媽都係左優嘅情況下，諗下諗下都係揀左手有着數，所以就練成左手揸拍嘅習慣。響五歲開始，佢加入「豐田町卓球運動少年團」^{[註 1]}。響全日本卓球選手權大會（小學組別）攞到亞軍，由此正式成為乒乓球選手。

小學讀磐田市立磐田北小學校，響升中嗰陣為咗一個更好嘅練波環境，決定升讀青森山田中學校。2004年響全日本乒乓球錦標賽少年男子單打攞到冠軍，係日本史上最後生嘅冠軍。2005年以15歲嘅年紀代表日本參加世界乒乓球選手權個人賽，係日本最後生嘅選手（後嚟畀張本智和打破）。因為佢後生，所以佢畀人派去德國培訓。同年9月響韓國濟州第17屆亞洲乒乓球錦標賽男單比賽入面，以4：2打敗中國隊嘅王皓，成為超級黑馬。

2007年升上明治大學政治經濟學部。

2008年響廣州世乒賽男子團體入面試過代隊友獨攞兩分，表現好出色。響同年嘅奧運會亞洲區資格賽入面，佢更加以堅強嘅精神，響三次輸落後嘅時候反超，攞到參加奧運會嘅資格。亦係響呢年開始，水谷隼畀中國隊睇做最大對手之一。

2020年夏季奧林匹克運動會佢同伊藤美誠做拍搭檔，擊敗中國代表許昕同劉詩雯攞混雙金牌。

• 乒乓情人夢（2017年10月21號、東寶）- 本人

維基同享有多媒體嘅嘢：
Jun Mizutani

• 水谷隼喺國際奧林匹克委員會嘅資料
• 水谷隼嘅Twitter
• 水谷隼嘅官方網站