იან სომერჰოლდერი
| იან სომერჰოლდერი | |
 | |
| დაბადებაშ ჯოხო | იენ ჯოსეფ სომერჰოლდერი |
| დაბადებაშ აბანი | კოვინგტონი, ლუიზიანა, ააშ |
| დებადჷ | 8 ქირსეთუთა, 1978 |
| საქვარუა | არტისტი, მუსიკოსი |
| აკოქიმინჯალაშ წანეფი | 1997–ასეშა |
იენ ჯოსეფ სომერჰოლდერი (დ. 8 ქირსეთუთა,1978, კოვინგტონი, ლუიზიანა, ააშ) — ამერიკალი მოდელი, არტისტი დო პროდიუსერი. თის ჯგირო იჩინენა მუჭოთ ბუნ კარლაილს სერიალიშე დინაფილ��ფი დო მუჭოთ დეიმონ სალვატორეს სერიალიშე "ვამპირიშ დღარეფი".
ბიოგრაფია
[რედაქტირაფა | წყუშ რედაქტირაფა]დებადჷ ლუიზიანაშ შტატის. დიამუში ედნა, მასაჟისტ-თერაპევტი, მუამუში რობერტ სომერჰოლდერი - ემანწყუალი რდჷ. იანი გურაფლენდჷ წიმინდა პავლეშ კათოლიკურ სკოლას. ჸუნს ართი და რობინ სომერჰოლდერი დო ჯიმა ბობ სომერჰოლდერი.
თიქ დიჭყჷ მოდელიშ კარიერა 10 წანაშ ასაკიშე, თიქ მალას გინირთჷ ჩინებული მოდაშ ჸუდეეფიშ სახე მუჭომით რენა:Dolce & Gabbana, Gucci, Versace, Esprit, Calvin Klein, Guess დო შხვა.
კარიერა
[რედაქტირაფა | წყუშ რედაქტირაფა]17 წანაშ ასაკის დიჭყჷ თიში ოარტისტე კარიერა დო ასრულჷ თიში მაართა როლი სერიალს Young americans. 2004 წანას თიქ გიშარჩქინდჷ სერიალს დინაფილეფი ბუნ კარლაილიშ როლით, ნამუთ ღურჷ მაართა სეზონიშ მაეჩა ეპიზოდის. უმიკუჯინუო თიში პერსონაჟის ღურაშ თინაქ 7-შა დირთჷ სერიალს 2005-2010 წანეფს. თინა ხოლო ოკათჷ ფინალურ ეპიზოდის. იენი რდჷ მაართა არტისტი ნამუთ როლს დანტკიცეს დო ხოლო მაართა პერსონაჟი,ნამუთ ღურ.
2009 წანას იენქ ილაჸაფჷ მაჸვილარიშ როლი ფილმის The Tournament.
2009 წანაშ მანგის იენი დანტკიცეს თარი როლს the cw-იშ სერიალს ვამპირიშ დღარეფი, სოდეთ თინა ლაჸაფენს ვაპირ დეიმონ სალვატორს. სერიალიშ პრემიერას უღუდჷ არძაშე მაღალი რეიტინგი არხიშ ისტორიას. სერიალს ამდღარშა არძაშე მაღალი რეიტინგი უღუ the CW-ს.
პიჯული რინა
[რედაქტირაფა | წყუშ რედაქტირაფა]2004 წანაშ ღურთუთაშე იენი ხვადჷ ნიკი ჰილტონს (პერის ჰილტონიშ და). თინეფი დეთხიეს 6 თუთაშ უკული.
2006 წანაშ გიშულირს ჟურნალქ «US Magazine» ხონარ გასიმუ, ნამდა არტისტი ხვადუდჷ მეგი გრეის, ნამუთ ლაჸაფენდჷ შენონიშ როლს სერიალ დინაფილეფსი. მორო ნამთინქჷ თე ინფორმაციაშ გეშა ჰოია ვათქჷ.
2011-2013 წანეფს სომერჰოლდერი ხვადუდჷ ნინა დობრევის, ნამუთ 2009 წანას გეჩინებაფუ ვამპირიშ დღარეფიშ გინოღალეფს. იენ სომერჰოლდერი 2015 წანაშ 26 პირელიშე გურგინუას რე ნიკი რიდწკჷმა.
ჩესქიმინჯალა
[რედაქტირაფა | წყუშ რედაქტირაფა]არტისტი მუში კოლეგეფწკჷმა Candice Accola-წკჷმა დო Michael Trevino-წკჷმა ართო ოხუჯ It Gets Better Project, ნამუშ ღანკი რე დუდშე ჩეთხინუას დუდიშ ჸვილუა ახალეფს.
იენქ შხვადოშხვა ინტერვიუეფს დო ტვიტერიშ მოხვარათ გაცხადჷ, ნამდა დარსხჷ იენ სომერჰოლდერიშ ფონდი, ნამუთ ოგურუანს კათას ელმოლიშ დო ჩხოლარეფიშ თხილუას.
ფილმოგრაფია
[რედაქტირაფა | წყუშ რედაქტირაფა]| წანა | ჯოხონობა | გერგეზი |
|---|---|---|
| 1998 | Celebrity | უდუზუსტებუ |
| 2001 | Life as a House | ჯოში |
| 2002 | Changing Hearts | ჯეისონ კილი |
| 2002 | The Rules of Attraction | პოლ დინტონი |
| 2004 | In Enemy Hands | U.S.S. Swordfish დენი მილერი |
| 2004 | The Old Man and the Studio | მეთი |
| 2006 | National Lampoon's TV: The Movie | უდუზუსტებუ |
| 2006 | Pulse | დექსტერი |
| 2006 | The Sensation of Sight | დრიფტერი |
| 2008 | The Lost Samarian | უილიამ არჩერი |
| 2009 | Wake | ტაილერი |
| 2009 | The Tournament | მაილს სლეიდი |
| 2010 | How to Make Love to a Woman | დენიელ მელზერი |
| 2013 | Caught On Tape | ოფიცერი ლევისი |
| 2013 | Time Framed | უჩა თხობელი |
ტელევიზია
[რედაქტირაფა | წყუშ რედაქტირაფა]| წანა | ჯოხონობა | გერგეზი | მერჩქინა |
|---|---|---|---|
| 1997 | The Big Easy | ა.ქ. | 1 ეპიზოდი:The Black Bag |
| 1999 | Now and Again | ბრაიანი | 1 ეპიზოდი:A Girl's Life |
| 2000 | Young Americans | ჰემილტონ ფლემინგი | არტისტეფიშ მაკათური, ედომუშამო 8 ეპიზოდი |
| 2001 | Anatomy of a Hate Crime | რასელ ჰენდერსენი | ოტელევიზიე ფილმი |
| 2002 | CSI: Crime Scene Investigation | ტონი დელ ნეგრო | 1 ეპიზოდი:Revenge Is Best Served Cold" |
| 2002 | Low & Order: Special Victims Unit | ჩარლი ბეიკერი | 1 ეპიზოდი:"Dominance" |
| 2003 | CSI: Miami | რიკი მერდოკი | 1 ეპიზოდი:"The Best Defense" მაჟირა სეზონიშ მახუთა ეპიზოდი. |
| 2004 | Fearless | ჯორდან გრეისი | უგმუჩამუ ოტელევიზიე პილოტი |
| 2004 | Smallville | ადამ ნაითი | 6 ეპიზოდი. მასმა სეზონი:"Asylum", "Delete", "Hereafter", "Velocity", "Obsession", "Crisis" |
| 2007 | Marco Polo | მარკო პოლო | ოტელევიზიე ფილმი |
| 2007 | Tell Me You Love Me | ნიკი | 6 ეპიზოდი |
| 2008 | Lost City Raiders | ჯეკ კუბიაკი | ოტელევიზიე ფილმი |
| 2009 | Fireball | ლი კუპერი | ოტელევიზიე ფილმი |
| 2004-2010 | დინაფილეფი | ბუნ კარლაილი | არტისტეფიშ მაკათური, 30 ეპიზოდი |
| 2009-ამდღარშა | ვამპირიშ დღარეფი | დეიმონ სალვატორი | თარი როლი |
რესურსეფი ინტერნეტის
[რედაქტირაფა | წყუშ რედაქტირაფა]