蘇州閒話

該文章包括國際音標符號。如果嘸不合適个字母搭符號支持，相關字符可能顯示為問號、方塊或者其他个符號，而非Unicode 字符。

蘇州閒話，在蘇州地區講个，屬於吳語个太湖片蘇嘉滬小片，一直叫人看作吳語太湖片个代表，也是漢語方言研究中頂早畀人研究个方言之一。

蘇州閒話以「嗲」出名，所謂个「吳儂軟語」（「儂」作人个意思）就是從迭个方面講个。崑曲搭仔評彈儕使用蘇州閒話，並且流行扗整个吳語太湖片。

現代蘇州閒話有27个聲母，43个韻母，7个聲調，該個聲韻調系統也是吳語个一般性情況。

蘇州閒話也是一種文學語言，19世紀興起个吳語文學譬如講《海上花列傳》就是用蘇州閒話寫成个。

泛泛講，蘇州地級市境內个閒話儕好叫蘇州閒話。不過一般性狹義个蘇州閒話，是指蘇州市區搭附郭原吳縣个閒話。

蘇州閒話个歷史悠久，從春秋辰光開始，吳國就有扗許。吳國裏丄個人用个閒話就是吳語，而蘇州閒話就是吳語个代表。

從廿世紀八十年代之後，因為強制个推普搭擁進窮多外來人口，蘇州閒話立在蘇州社會上个影響逐漸邊緣化。乃朝年輕人大部分儕歡喜用普通閒話交流。中學生，本地大學生弗曉得哪亨講蘇州閒話个情形越來越普遍。蘇州乃朝有超過700萬外來人口，已經深刻改變當地个語言結構。立在十幾年之後，蘇州閒話要是徹底在社會丄消失脫，也弗算危言聳聽哉。

蘇州个閒話是覆蓋蘇南、上海市搭浙江个中國第二大方言—吳語个代表閒話。由於蘇州與上海搭界，蘇州閒話勒上海个影響比較大。民國辰光，有蠻多个小說中有蘇州閒話个痕跡。

蘇州閒話个分類可以從好多个方面來看。從辰光浪看，分為老派蘇州閒話與新派蘇州閒話，主要个區別就是新派閒話逐漸向普通閒話靠近，新派閒話弗有���派个純正。從場所浪看，有蘇州城區與蘇州周邊（無錫、常熟等）个口音區別。

老派標準蘇州閒話儕好有28聲母、49韻母搭8聲調。現代蘇州閒話儕好有27聲母、48韻母搭7聲調，該个也是吳語个一般情況。

蘇州閒話儕好有27个聲母，完整个保留中古濁音。包括鼻音、塞音、清音、濁音、塞擦音、邊音等等。下表根據《蘇州方言志》（1998）列出老派蘇州話个聲母系統。

			雙唇音	唇齒音	齒齦音	齦齶音	軟齶音	聲門音
鼻音			/m/ 忙米問木		/n/ 南暖努納	/ȵ/ 娘女宜仰肉	/ŋ/ 岸餓咬外顏
塞音	清音	送氣	/pʰ/ 噴飄破匹		/tʰ/ 湯天貪塔		/kʰ/ 開寬肯哭
		不送氣	/p/ 包邊波八		/t/ 東低短跌		/k/ 高姑瓜各	/ʔ/ 安煙彎怨
	濁音		/b/ 排皮步白		/d/ 唐甜團達		/ɡ/ 共狂軋搿
塞擦音	清音	送氣			/ʦʰ/ 草妻穿拆	/ʨʰ/ 欺勸巧卻
		不送氣			/ʦ/ 糟豬戰作	/ʨ/ 京菊鬼
	濁音					/ʥ/ 棋群窮巨局
擦音	清音			/f/ 方非覅福	/s/ 山西生色	/ɕ/ 虛戲曉訓血		/h/ 海蟹荒黑
	濁音			/v/ 房馮微伏	/z/ 邪社儒宅			/ɦ/ 孩效葉
邊音					/l/ 來連亂落

蘇州閒話儕好有48个韻母，該个與普通閒話有頂頂大个弗同，哀𡍲48个包括部分自成音節个韻母。

蘇州閒話7聲調：陰平、陰上、陰去、陰入、陽平、陽上、陽入。哀嗒个入聲是北方官話嘸不个，入聲分陰陽是江淮官話嘸不个。

調類	調值
陰平	˦˦ (44)
陽平	˨˧ (23)
陰上	˥˩ (51)
陽上	˧˩ (31)
陰去	˦˩˨ (412)
陰入	˥ʔ (5)
陽入	˧ʔ (3)

蘇州閒話弗單單包括單字調，區別於普通閒話个頂大一點就是有蠻多个連續變調。豐富个連續變調是蘇州閒話乃至吳語區別於漢語族裡向其他語言个大特點。下頭列出个是《蘇州方言志》裡向蘇州話雙音詞連讀變調个規律表。黃底表示前字變調，其他儕是後字變調。

前字＼後字	舒聲					入聲
	陰平 ˥˥ 55	陽平 ˩˧ 13	陰上 ˥˩ 51	陽上 ˧˩ 31	陰去 ˥˩˧ 513	陰入 ˥ʔ 5	陽入 ˧ʔ 3
陰平 ˥˥ 55	˥˥ ˨˩ (55 21)					˥˥ ˨ (55 2)
陽平 ˩˧ 13	˩˧ ˧˧ (13 33)					˩˧ ˨ (13 2)
陰上 ˥˩ 51	˥˩ ˧˧ (51 33)			˥˩ ˨˩ (51 21)	˥˩ ˨˩ (51 21)	˥˩ ˨ (51 2)
				˥˩ ˧˧ (51 33)
陽上 ˧˩ 31	˩˧ ˧˧ (13 33)					˩˧ ˨ (13 2)
	˧˩ ˨˩ (31 21)					˧˩ ˨ (31 2)
陰去 ˥˩˧ 513	˥˥ ˨˩ (55 21)					˥˥ ˨ (55 2)
	˥˩ ˧˧ (51 33)			˥˩ ˧˧ (51 33)		˥˩ ˨ (51 2)
				˥˩ ˨˩ (51 21)
陰入 ˥ʔ 5	不變			不變	不變
				˥ʔ ˧˩˧ (5 313)
陽入 ˧ʔ 3	˧ʔ ˨˩ (3 21)					不變

除開箇星，蘇州閒話里向還有兩種輕聲，無喉塞音尾个是 ˨˩ (21) 調，有喉塞音尾个是 ˨ (2) 短調。比房價：心·浪（/sin⁵⁵ lɑ̃²¹/，「心上」，與「新郎」 /sin⁵⁵ lɑ̃^13-21/ 同音）、里·向（「裡面」）、兒·子。

蘇州閒話一直勒浪發展，語音也有所變化。該搭拿上世紀初以來个蘇州閒話分成三派，即老派、中派搭仔新派。

另外，特別拿評彈蘇州閒話拿出來，分析該个特殊个相對較為固定个藝術語言个特點。

該搭个老派以《蘇州方言同音字彙》，也就是丁邦新《一百年前的蘇州話》裡向研究个蘇州閒話音係為准。

此地个中派蘇州閒話以《漢語方言概要》裡向記錄个蘇州閒話音係為准。

搭老派相比，音韻浪突出个特點是，中派弗再分平舌音搭仔翹舌音，「蛙」[uo]併到「丫」[o]里向，「晏」[ɛ]併到「愛」[ᴇ]里向。

該面搭講个新派蘇州閒話以《當代吳語研究》裡向記錄个蘇州閒話音係為准。

主文章：蘇白

評彈蘇州閒話是蘇州評彈里向用个藝術化个閒話。有星人拿渠看成是所謂「正宗」个蘇州閒話。俚弗像一般口頭閒話樣能隨便，是評彈演員个基本功，為之講比較穩定，發展嘸撥一般蘇州人个口頭閒話來得快。

評彈蘇州閒話是比較老派个蘇州閒話，搭今朝个多數蘇州人講閒話是弗一樣个。凡是要說唱蘇州評彈個人，頭一個要學个就是評彈蘇州閒話。

登語音浪來講，評彈蘇州閒話有幾隻比較突出个特點：

• 帶翹舌聲母

今朝个蘇州市區閒話，已經嘸撥翹舌音哉。勒拉民國初年个辰光，老派个蘇州閒話里向還有翹舌音。該歇只有登郊區搭仔評彈藝人个嘴裡向還聽得見翹舌音，市區个蘇州閒話已經嘸撥哉。評彈蘇州閒話就保留着實梗一隻老派蘇州閒話个特點。尚況因為已經嘸撥群眾基礎哉，所以評彈藝人嘴裡向个翹舌音也開始弗哪亨整足。實際浪向，評彈蘇州閒話个翹舌音个分布搭仔普通閒話是兩樣个，據趙元任先生講是搭天津閒話差弗多。蘇州閒話个「翹舌音」搭仔普通閒話个還是有一定區別个，蘇州个「翹舌音」搭仔英語法語裡頭个一樣，舌頭是弗卷个。必過現在推廣普通閒話，為之講也有人按照普通閒話个分法來分。

• 文白異讀比較多

評彈勒唱詞裡向，因為基本浪用个儕是古代官話白話个句子，為之講文白異讀比平常辰光講張要來得多。交關平常辰光已經幾乎弗用个文讀，勒彈詞裡向還有。

再一��，對於像曹操啊劉備啊該種身份個人，俚篤講閒話儕要用所謂个「中州韻」，用个儕是蘇州官話，所以文讀就外加多哉，連調頭也像唱戲裡向个。

登用詞造句浪來講，評彈蘇州閒話交替用蘇白（私白）搭仔官白，來適應弗同個人物身份个需要。再一個呢評彈里向个說表也就是敘述描寫个部分，一般性也儕是用蘇白个。

蘇州閒話個人稱代詞是：

	第一人稱	第二人稱	第三人稱
單數	吾 /ŋoʊ31/ （奴 /noʊ31/）	倷 /nᴇ31/	俚 /li55/ 唔倷 /n̩31-13 nᴇ31-21/ （俚倷 /li55 nᴇ31-21/）
複數	伲 /ȵi31/	唔篤 /n̩31-13 ·toʔ?-2/	俚篤 /li55 ·toʔ?-2/

• 名詞
  • 「寶貨」：無能的人
  • 「門腔」：舌頭
  • 「迷露」：霧
  • 「跌失鋪蓋」：松松垮垮
  • 「銅鈿」：錢
  • 「豬頭三」：不識好歹的人
  • 「湯吾子」：熱水袋
  • 「皮頭」：被子
  • 「赤佬」：鬼魂，或多別人的鄙稱
  • 「麼事」：東西

• 動詞
  • 「牽記」：牽掛
  • 「鈍卵」：意氣用事
  • 「勿礙」：無妨
  • 「白相」：玩
  • 「吃傷活」：打
  • 「軋鬧猛」：湊熱鬧
  • 「兩搡半」：用手吃
  • 「搞百葉節」：亂搞
  • 「相罵」：吵架
  • 「釓鬧猛」：湊熱鬧
  • 「釓朋友」：談戀愛

• 形容詞
  • 「下作」：下流
  • 「老茄」：少年老成
  • 「熱絡」：親熱
  • 「洋盤」：不識貨
  • 「難板」：難得
  • 「破諸落蓑」：破破爛爛的
  • 「賊吊呣咄」：猥瑣的樣子
  • 「投五投六」：沒目標
  • 「摸老太」：形容做事情慢吞吞
  • 「小畢揚子」：罵人的粗話
  • 「結棍」：厲害
  • 「筋筋拉拉」：肉中帶筋咬不動

• 副詞
  • 「齊巧」：恰巧
  • 「純(盡)光」：僅僅
  • 「本生」：本來
  • 「板要」：偏要
  • 「特為」：故意
  • 「剛巧」：剛才

• 感嘆詞
  • 「哦喲歪」：感嘆詞，表驚訝

• 蘇白

• 《蘇州方言志》 葉祥苓 江蘇教育出版社 1988
• 《蘇州方言詞典》 李榮主編 江蘇教育出版社 1998
• 《蘇州方言地圖集》 葉詳苓主編 龍溪書會 1981
• 《江蘇省志·方言志·吳語蘇州方言篇》 鮑明煒主編 南京大學出版社 1998
• 《蘇州話音檔》 葉詳苓、盛毓青主編 上海教育出版社 1996
• 《蘇州方言語音研究》 汪平 武漢：華中理工大學出版社 1996
• 《蘇州方言語法研究》 李小凡 北京：北京大學出版社 1998

• 蘇州閒話
• 蘇州閒話論壇
• 吳語協會

望 論 編 吳語方言 方言區 太湖片 毗陵小片 常州話 •老郎溪話 •金沙話 •金壇話 •四甲話 •靖江話  •江陰話 蘇滬嘉小片         蘇州話 •無錫話 •上海話（上海本地言話 •偒傣話） •嘉興話 •沙地話 •太倉話 •常熟話 苕溪小片 湖州話 •長興話 •安吉話 •孝豐話 •德清話 •武康話 •餘杭話 • 老廣德話 杭州小片 杭州話 臨紹小片 臨安話 •桐廬話 •富陽話 •蕭山話 •紹興話 • 上虞話 •諸暨談頭 • 嵊州話 • 新昌話 •餘姚話 甬江小片 寧波話 •象山話 金鄉小片 金鄉話 台州片 北台小片 天台話 •寧海話 •石浦話 • 三門話 • 仙居話 南台小片 臨海話 • 黃岩話 • 溫嶺話 • 大荊話 金衢片 柯蘭小片 衢州話 • 金華話 • 龍游話 • 湯溪話 • 杜澤話 •蘭谿話 義永小片 東陽話 • 浦江話 • 永康話 • 義烏話 • 磐安話 •武義話 上麗片 上山小片 上饒話 • 玉山話 • 浦城話 • 江山話 麗水小片 麗水話 • 青田話 甌江片 永嘉小片 溫州話  • 永強話 •永嘉話 瑞平小片 瑞安話 •文成話 • 平陽甌語 • 蒼南甌語  • 蒲城甌語 樂清小片 樂成話 • 虹橋話  • 柳市話 莒江小片 莒江話 宣州片 銅涇小片 老宣州話  • 銅陵話 •涇縣話 • 繁昌話 • 蕪湖縣話 太高小片 太平話 •高淳話 • 溧水話 • 南極話 • 昌北話  • 湖陽話 石陵小片 石台話 • 陵陽話  • 厚岸話 方言島 金壇話 •金沙話 • 通東話 • 金鄉話 • 蒲門話 •上饒鐵路話 參見：吳語 • 徽語 • 浙江方言 • 江蘇方言 • 安徽方言 • 江西方言 • 福建方言