東野圭吾（ひがしの けいご）是日本鼎鼎有名个推理小說家，1958年2月4號出生勒間日本大阪。伊從大阪府立大學電氣工學專業畢業，隨後勒拉公司里向擔任生產技術工程師，並同時開始推理小說个創作。1985年，作品《放學後》獲得第31屆江戶川亂步獎之後出道正式開始寫作。早期辰光，作品大多數儕是中規中矩外加精巧細緻个本格推理。後首來，伊个作品逐步逐步突破傳統推理小說个框架，文筆越加老練。伊个作品，《放學後》《秘密》《白夜行》《單戀》《信》《嫌疑人X的獻身》上市之後儕老吃香个，深受大家个歡喜。其中，《白夜行》《嫌疑人X的獻身》等作品畀拍成電影。
