东瓯国

东瓯（前472年－前138年），貤叫东越、东海、瓯越，是古代百越部族建立个一個国家，渠个国土大致垃拉今朝浙江省东南个温州至台州中南部一带。其国都为东瓯，国王姓駱氏（一作雒氏），是春秋战国辰光越王勾践个後裔。

东瓯相传是古代越王后裔个封地，越国灭脱后头割据自立。秦灭六国之后，被降为君长。渠君长摇率军参加秦末民变，并来勒楚汉战争中支持汉高祖刘邦，因此来勒前191年，被西汉册封为东海王，建立东瓯国。前138年，东瓯受到闽越个侵略而举国内附汉朝，被安置来勒江淮流域个庐江郡（今安徽西部个舒城地区），渠个故地为闽越吞併。

东瓯个历史主要写拉《史记》、《汉书》高头，写唻弗多，争议弗小。传统丄多认为东瓯国个首都来勒今朝个浙江温州，正好温州简称还是“瓯”；大溪东瓯古城遗址个考古发掘结果认为东瓯国都城来勒乃朝浙江台州温岭境内。